ԵՄ-ն պատրաստ է աջակցել Հայաստան-Ադրբեջան պայմանավորվածությունների իրականացման գործընթացին. Եվրոպական խորհրդի նախագահ
Եվրոպական Միությունը պատրաստ է աջակցել Վաշինգտոնում Հայաստանի և Ադրբեջանի միջև ձեռք բերված համաձայնագրերի իրականացման գործընթացին. այս մասին Ադրբեջանի նախագահ Իլհամ Ալիևի հետ հեռախոսազրույցում ասել է Եվրոպական խորհրդի նախագահ Անտոնիո Կոշտան:
Վերջինս նշել է Վաշինգտոնում Երևանի և Բաքվի միջև ձեռք բերված համաձայնությունների կարևորությունը տարածաշրջանում երկարատև խաղաղություն և կայունություն ապահովելու առումով և հայտնել է ԵՄ պատրաստակամությունը աջակցել դրանց իրականացման գործընթացին։
Նշենք, որ օգոստոսի 8-ին Վաշինգտոնում տեղի է ունեցել Ադրբեջանի, Հայաստանի և ԱՄՆ առաջնորդների եռակողմ հանդիպումը, որից հետո Նիկոլ Փաշինյանը և Իլհամ Ալիևը՝ Դոնալդ Թրամփի մասնակցությամբ, ստորագրել են համատեղ հռչակագիր: Հռչակագրի առանձին կետ նվիրված է տրանսպորտային հաղորդակցությունների բացմանը և Ադրբեջանի հիմնական տարածքի և Նախիջևանի Ինքնավար Հանրապետության միջև անխոչընդոտ հաղորդակցության ապահովմանը: Հայաստանի տարածքում կիրականացվի հատուկ նախագիծ՝ «Թրամփի ուղի՝ հանուն միջազգային խաղաղության և բարգավաճման», որը նախատեսում է ԱՄՆ աջակցություն այս երթուղու ապահովման գործում:
Latest from Live24
- ԱՄՆ-ի հետ համաձայնություն ձեռք կբերվի ռազմավարական հարձակողական սպառազինությունների շուրջ. Պուտին
- Իրանի հետ կապերը ՀՀ-ի համար ռազմավարական նշանակություն ունեն և երբեք չեն դառնա գործարքի առարկա
- Տարադրամի փոխարժեքները օգոստոսի 14-ին
- Սիրիան ողջունել է Հայաստանի և Ադրբեջանի միջև խաղաղության համաձայնագրի նախաստորագրումը
- Պուտինը Թրամփի հետ հանդիպումից առաջ խորհրդակցություն է անցկացրել
- ԱՄՆ-ն եռանդուն և անկեղծ ջանքեր է գործադրում ՌԴ-ի և Ուկրաինայի հակամարտության կարգավորման համար. Պուտին
- Զելենսկին և Սթարմերը քննարկել են անվտանգության երաշխիքները
- «Հետիոտնի կողմից չնախատեսված հատվածով փողոցը հատելու տուգանքը կրկնապատկվել է»․ ՀՀ ՆԳՆ
Լրահոս
Ֆոտո
