Այսօր՝ Միացյալ Նահանգների նախագահ Դոնալդ Թրամփի հետ հանդիպումից առաջ, Ռուսաստանի Դաշնության նախագահ Վլադիմիր Պուտինը խորհրդակցություն է անցկացրել կառավարության անդամների ու բարձրաստիճան ղեկավարների հետ: Ինչպես տեղեկանում ենք ՏԱՍՍ-ից, այս մասին հաղորդել է Կրեմլի խոսնակը։ Դմիտրի Պեսկովն այդ հանդիպումից մանրամասներ չի հաղորդել։

Ավելի վաղ ԱՄՆ նախագահ Դոնալդ Թրամփը հայտարարել էր, թե Ռուսաստանն ու Ուկրաինան հնարավոր է տարածքներ փոխանակեն՝ երեքուկես տարի շարունակվող պատերազմը կանգնեցնելու համար։