ՌԴ անվտանգության դաշնային ծառայության (ԱԴԾ) և զինված ուժերի համատեղ ջանքերով խափանվել են Ուկրաինայի՝ «Սապսան» բալիստիկ օպերատիվ-մարտավարական հրթիռային համակարգեր արտադրելու ծրագրերը։ Այս մասին ասվում է ԱԴԾ-ի հայտարարության մեջ, փոխանցում է ՌԻԱ Նովոստին։

«Ռուսաստանի Դաշնության ԱԴԾ-ն, Ռուսաստանի Դաշնության Պն–ի հետ համագործակցությամբ, համատեղ հատուկ գործողության արդյունքում թիրախային հարված է հասցվել Ուկրաինայի ռազմաարդյունաբերական համալիրի օբյեկտներին, որոնք մասնակցում են օպերատիվ-մարտավարական հրթիռային համակարգերի ստեղծմանը», - հաղորդում է գերատեսչությունը։

Հաղորդագրության համաձայն՝ Ուկրաինան պլանավորել էր հրթիռներն օգտագործել Ռուսաստանի խորքերին հարվածելու համար։

«Ուկրաինան գաղտնի մշակել է սեփական հրթիռային ծրագիրը՝ օգտագործելով ԽՍՀՄ-ից մնացած տեխնոլոգիաներն ու պաշարները: ՆԱՏՕ-ի ներկայացուցիչների թողտվությամբ Ուկրաինան պլանավորում էր «Սապսան» օպերատիվ մարտավարական հրթիռային համակարգերն օգտագործել Ռուսաստանի տարածքի խորքին հարվածելու համար: Սակայն Ռուսաստանի ԱԴԾ-ի և զինված ուժերի համատեղ ջանքերի շնորհիվ ուկրաինական հրթիռային ծրագրի մշակման ծրագրերը խափանվել են», - ընդգծվում է ԱԴԾ հայտարարության մեջ:

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Մարտական գործողություններն ընթանում են մինչ օրս։

Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։