Ադրբեջանն ու ԱՄՆ-ն կստեղծեն ռազմավարական աշխատանքային խումբ՝ երեք ոլորտներում համագործակցության համար
Ադրբեջանը և Միացյալ Նահանգները կստորագրեն ռազմավարական գործընկերության կանոնադրությունը մշակելու համար ռազմավարական աշխատանքային խումբ ստեղծելու վերաբերյալ փոխըմբռնման հուշագիր։
Ադրբեջանական APA գործակալության փոխանցմամբ՝ փաստաթուղթը կստորագրվի Վաշինգտոնում՝ Ադրբեջանի նախագահ Իլհամ Ալիևի աշխատանքային այցի ընթացքում։
Ադրբեջանի և Միացյալ Նահանգների միջև ռազմավարական գործընկերությունը կներառի երեք ոլորտ՝ տարածաշրջանային կապ՝ ներառյալ էներգետիկան, առևտուրը և տարանցումը, ներդրումներ՝ ներառյալ արհեստական բանականությունը և թվային ենթակառուցվածքները, անվտանգության ոլորտում համագործակցություն՝ ներառյալ պաշտպանական ոլորտում վաճառքները և ահաբեկչության դեմ պայքարը։
Ռազմավարական աշխատանքային խումբը կանդրադառնա այնպիսի կարևոր հարցերի, ինչպիսիք են տարածաշրջանային կապի ենթակառուցվածքների ընդլայնումը և էներգետիկայի ոլորտում ներդրումները, տարածաշրջանային տնտեսական և առևտրային համագործակցության խթանումը և արհեստական բանականության զարգացումը։ «ԱՄՆ-ի և Ադրբեջանի միջև ռազմավարական գործընկերությունը նշանակում է ամերիկյան տեխնոլոգիաների և ներդրումների ներգրավում մեր երկիր, ինչպես նաև ԱՄՆ տնտեսական ակտիվություն», – ասել է գործակալության աղբյուրը։
Իլհամ Ալիևը աշխատանքային այցով գտնվում է Միացյալ Նահանգներում։ Ադրբեջանի նախագահը օգոստոսի 8-ին հանդիպելու է ԱՄՆ նախագահ Դոնալդ Թրամփի հետ։ Վաշինգտոնում կայանալու է նաև Հայաստանի վարչապետի, ԱՄՆ-ի և Ադրբեջանի նախագահների եռակողմ հանդիպումը։
Latest from Live24
- Bugatti-ն ստեղծում է ամենահազվագյուտ հիպերմեքենաների բաժին և ներկայացնում է իր առաջին գլուխգործոցը՝ Brouillard-ը
- Վաշինգտոնը դարձել է աշխարհի ամենավտանգավոր քաղաքներից մեկը. Թրամփ
- Իրանը չունի ռազմական ուժ՝ 12-օրյա պատերազմից հետո «Թրամփի ճանապարհը» փակելու համար.Reuters
- Նեթանյահուն շնորհավորել է Հայաստանի և Ադրբեջանի ղեկավարներին պատմական համաձայնագրի ստորագրման կապակցությամբ
- Հայացքների պայքար Հարավային Կովկասի համար. վաշինգտոնյան հանդիպման ամենավառ կադրերը․ ֆոտոշարք
- Խուսափել Մերձավոր Արևելքի փորձից. ՌԴ-ն՝ Հայաստանի և Ադրբեջանի ստորագրած հռչակագրի մասին
- Հայաստանի, ԱՄՆ ու Ադրբեջանի ղեկավարների ստորագրությամբ արձանագրվում է հատուկ ռեժիմ՝ ՄԻԱՅՆ Հայաստանի տարածքի առնչությամբ. Հակոբ Բադալյան
- ՆԱՏՕ-ի երկրները ցանկանում են թուլացնել Իրանի և Ռուսաստանի միջև համագործակցությունը․ Խամենեիի խորհրդական
Լրահոս
Ֆոտո
