Bloomberg գործակալությունը, հղում անելով աղբյուրներին, հայտնել է, թե ինչպիսի համաձայնագիր կարող են կնքել Ռուսաստանը և Միացյալ Նահանգներն՝ Ուկրաինայում պատերազմը դադարեցնելու համար: 

Գործակալությունը հաղորդում է, որ Ուկրաինայում պատերազմը դադարեցնելու մասին համաձայնագիրը կարող է ապահովել Ռուսաստանի կողմից վերահսկվող տարածքների անվտանգությունը։

Նման համաձայնագրի շրջանակում Ռուսաստանը ցանկանում է ստանալ Դոնբասը և Ղրիմը, հաղորդում է BBC-ն։ Ի պատասխան՝ Մոսկվան կդադարեցնի հարձակումը Խերսոնի և Զապորոժիե շրջաններում՝ ներկայիս ռազմաճակատի երկայնքով, հայտնում են գործակալության աղբյուրները։ Միևնույն ժամանակ, նրանք նշում են, որ նման համաձայնագրի պայմաններն ու ծրագրերը քննարկման փուլում են և կարող են փոխվել։

Ըստ աղբյուրների, համաձայնագրի նպատակն է, ըստ էության, սառեցնել պատերազմը և հող նախապատրաստել վերջնական խաղաղ կարգավորման վերաբերյալ տեխնիկական բանակցությունների համար։

Միացյալ Նահանգների, Ուկրաինայի և Ռուսաստանի իշխանությունները վերոնշյալ տեղեկությունը չեն մեկնաբանել։