«Առավոտյան մի բան է ասում, երեկոյան այլ բան է անում»․ Լուկաշենկոն` Թրամփի մասին
Բելառուսի նախագահ Ալեքսանդր Լուկաշենկոն ԱՄՆ նախագահ Դոնալդ Թրամփին դատարկախոս է անվանել:
Նա ուշադրություն է հրավիրել ամերիկյան ԶԼՄ-ների որոշ ձևակերպումների վրա, թե իբր Վլադիմիր Պուտինը վատն է, Վլադիմիր Զելենսկին՝ լավը, Թրամփը՝ ավելի լավը։
«Եկեք օբյեկտիվ լինենք։ Դատարկախո՞ս է Թրամփը։ Այո՛, դատարակախոս է։ Առավոտյան ասում է մի բան, երեկոյան այլ բան է անում: Դա այդպես է: Արդյունքներ դեռ չկան: Սկսում է ոստիկանի պես թուր ճոճել աշխարհում։ Ստանձնե՞լ ես առաջնորդություն՝ իրագործիր այն: Իսկ առաջնորդությունը բախումների և պատերազմների կանխարգելումն է», - ասել է Լուկաշենկոն ամերիկյան «Time» ամսագրին տված հարցազրույցում։
Միևնույն ժամանակ Բելառուսի նախագահը հաստատել է, որ պատրաստ է կազմակերպել Վլադիմիր Պուտինի, Դոնալդ Թրամփի և Վլադիմիր Զելենսկու եռակողմ բանակցությունները։
Նրա կարծիքով՝ նման բանակցությունները նախապես մշակման և նախապատրաստման կարիք ունեն։
«Եկեք նախապես կողմնորոշվենք. օրինակ՝ հերոս քաղաք Մինսկը, Ստամբուլը, Ժնևը։ Կողմնորոշվեցինք, որ մեկ ամսից կլինի այդ հանդիպումը։ Առաջին օրը, օրինակ, քննարկում ենք ռուս-ամերիկյան հարաբերությունները։ Երկրորդ օրը, եթե համաձայնության գանք ինչ-որ փաստաթղթի նախագծի շուրջ, հրավիրում ենք Զելենսկուն, Լուկաշենկոյին, Պետրովին, Սիդորովին։ Դա արժանի բան կլինի», - պարզաբանել է Բելառուսի ղեկավարը։
Լուկաշենկոն կարծում է, որ Պուտինը Թրամփի հետ հաճույքով կհանդիպի Բելառուսի մայրաքաղաքում, իսկ ահա Ռուսաստանին ինչ-որ ժամկետ տալը լուրջ չէ։
Լրագրողը կասկած է հայտնել՝ կարելի՞ է հրադադարից առաջ այդ հանդիպումը այսպես հեշտությամբ կազմակերպել:
«Ճիշտ է, պետք է նախապես պատրաստել։ Ուզում եք՝ ես կկազմակերպեմ դա: Հանուն խաղաղության: Ամերիկյան մասը, ռուսականը: Եթե հիմա սկսենք պատրաստել։ Կտեսնեք, թե ինչպես է Զելենսկին իրեն պահում: Նա կհամառի կասի՝ ես կտրականապես դեմ եմ»։
«Time»-ի թղթակիցը նաև համաձայնել է, որ Վլադիմիր Զելենսկին բանակցությունների համար չի գնա Մինսկ։
Սակայն Բելառուսի նախագահը նկատել է. «Բայց Մինսկը ի՞նչ է անում նրան։ Մինսկը բարին է մաղթում»։
Նշենք, որ օգոստոսի 8-ին Բելառուսի և Ռուսաստանի նախագահներ Ալեքսանդր Լուկաշենկոն և Վլադիմիր Պուտինը հեռախոսազրույցի ընթացքում քննարկել են ռուս-ամերիկյան բանակցությունները: Մասնավորապես նրանք մանրամասն խոսել են Պուտինի և ԱՄՆ նախագահի հատուկ բանագնաց Սթիվ Ուիտկոֆի միջև կայացած հանդիպման և խաղաղ բանակցությունների վերաբերյալ ամերիկյան կողմի առաջարկների մասին:
Latest from Live24
- Bugatti-ն ստեղծում է ամենահազվագյուտ հիպերմեքենաների բաժին և ներկայացնում է իր առաջին գլուխգործոցը՝ Brouillard-ը
- Վաշինգտոնը դարձել է աշխարհի ամենավտանգավոր քաղաքներից մեկը. Թրամփ
- Իրանը չունի ռազմական ուժ՝ 12-օրյա պատերազմից հետո «Թրամփի ճանապարհը» փակելու համար.Reuters
- Նեթանյահուն շնորհավորել է Հայաստանի և Ադրբեջանի ղեկավարներին պատմական համաձայնագրի ստորագրման կապակցությամբ
- Հայացքների պայքար Հարավային Կովկասի համար. վաշինգտոնյան հանդիպման ամենավառ կադրերը․ ֆոտոշարք
- Խուսափել Մերձավոր Արևելքի փորձից. ՌԴ-ն՝ Հայաստանի և Ադրբեջանի ստորագրած հռչակագրի մասին
- Հայաստանի, ԱՄՆ ու Ադրբեջանի ղեկավարների ստորագրությամբ արձանագրվում է հատուկ ռեժիմ՝ ՄԻԱՅՆ Հայաստանի տարածքի առնչությամբ. Հակոբ Բադալյան
- ՆԱՏՕ-ի երկրները ցանկանում են թուլացնել Իրանի և Ռուսաստանի միջև համագործակցությունը․ Խամենեիի խորհրդական
