Գիտնականները, օգտագործելով Ջեյմս Ուեբ և ALMA աստղադիտակները, առաջին անգամ ականատես են եղել նորաստեղծ աստղի շուրջ ձևավորվող մոլորակների։ Նրանք հայտնաբերել են մոլորակային համակարգի առաջացման ամենավաղ փուլը տաք բյուրեղային հանքանյութերի ամրանալու գործընթացում։ «Սա առաջին դեպքն է, երբ ուղիղ դիտում ենք մոլորակների ձևավորումը այլ աստղի շուրջ»,-ասել է պրոֆեսոր Մելիսա ՄաքՔլյուրը (Լեյդենի համալսարան)։

Այս մոլորակային համակարգը ձևավորվում է HOPS-315 կոչվող «մանկական» աստղի շուրջ։ Նախկինում դիտվել են արդեն ձևավորված մոլորակներ, սակայն երբեք չէր հաջողվել «բռնացնել» դրանց ձևավորման մեկնարկը։ Հիմա գիտնականներն առաջին անգամ տեսել են այն ստեղծող մասնիկները՝ պլանետեզիմալները։

Հայտնաբերված հանքանյութերը պարունակում են սիլիցիումի մոնօքսիդ և ձևավորվում են բարձր ջերմաստիճաններում՝ սկավառակի ներսում։ Դրանք համարվում են ապագա մոլորակների «աղյուսները»։ «Դիտում ենք նույն բանաձևը, որով ձևավորվել է մեր Արեգակնային համակարգը»,-ասել է Լոգան Ֆրանսիսը (Լեյդենի համալսարանից)։

Սա բացառիկ հնարավորություն է՝ հասկանալու, թե ինչպես է ծնվել մեր Արեգակնային համակարգը։