Իսրայելի ազգային անվտանգության նախարարը կոչ է արել գրավել Գազայի հատվածը
Իսրայելի ազգային անվտանգության նախարար Իտամար Բեն Գվիրը աղոթքի համար բարձրացել է Տաճարի լեռ, որտեղ հայտարարել է, որ պետք է գրավել ամբողջ Գազայի հատվածը:
«Արմենպրես»-ի հաղորդմամբ՝ այս մասին հայտնում է Ynet պորտալը՝ մանրամասնելով, որ դեպքի վայրից կադրերում երևում է, թե ինչպես է նախարարն աղոթում Տաճարի լեռ բարձրացած այլ հրեաների հետ:
Իր այցի ընթացքում Բեն Գվիրն, անդրադառնալով ՀԱՄԱՍ-ի գործողություններին, համոզմունք է հայտնել, որ նրա նպատակն է ճնշում գործադրել Իսրայելի վրա:
Նա հայտարարել է, որ պետք է գրավել ամբողջ Գազայի հատվածը և Իսրայելի իրավազորությունը տարածել այնտեղ, ինչպես նաև վտարել ՀԱՄԱՍ-ի բոլոր կողմնակիցներին և խրախուսել կամավոր ներգաղթը։
Նշվում է, որ սա առաջին դեպքը չէ, երբ Բեն Գվիրը բարձրացել է Տաճարի լեռ՝ երկուսուկես ամիս առաջ պաշտոնը ստանձնելուց ի վեր։
Ավելի ուշ՝ վարչապետ Բենիամին Նեթանյահուի գրասենյակը հայտարարել է, որ Իսրայելի քաղաքականությունը՝ պահպանելու Տաճարի լեռան վրա ստատուս քվոն, չի փոխվել և չի փոխվի։
Ըստ Տաճարի լեռան ներկայիս ստատուս քվոյի՝ այնտեղ միայն մուսուլմանները կարող են աղոթել, մինչդեռ այլ կրոնների հետևորդները, այդ թվում՝ հրեաները, կարող են այցելել միայն որպես զբոսաշրջիկներ՝ առանց կրոնական արարողություններ կատարելու։
Latest from Live24
- Կամչատկայում արթնացել է գրեթե 500 տարի քնած հրաբուխը
- ՄԱԳԱՏԷ-ի պատվիրակությունը հաջորդ շաբաթ կայցելի Թեհրան
- Արեգակի վրա հզոր բռնկում է տեղի ունեցել
- Ջրվեժի 9000-ից ավելի բնակիչներ սպառնում են փակել ճանապարհները, եթե «Վեոլիա Ջուր»-ը չլուծի ամիսներով հազարավոր ընտանիքների անջուր թողնելու հարցը
- Ջենիֆեր Լոպեսին հիացրել են հայկական տոլման և ռեստորանից բացվող երևանյան տեսարանը
- Դուք չար, նախանձ, անգրագետ կերպարներ եք. Ալեն Սիմոնյանը՝ ընդդիմադիրներին
- Այս ամառը ազատության և լիարժեք վայելքի տոն է․ Ջենիֆեր Լոպեսն անդրադարձել է իր երևանյան համերգին
- Իսրայելի պաշտպանության նախարարը խոստացել է «ամրապնդել» երկրի ինքնիշխանությունը Երուսաղեմի նկատմամբ
Լրահոս
Ֆոտո
