Թուրքական «Բայքար» ընկերության նախագահ Սելջուկ Բայրաքթարը հայտարարել է «Բայրաքթար Քըզըլելմա» անօդաչու կործանիչի սերիական արտադրության մեկնարկի մասին և հաստատել այն հաջորդ տարի շահագործման հանձնելու ծրագրերը։

««Բայրաքթար Քըզըլելմա»-ն մտել է սերիական արտադրության մեջ։ Վեցերորդ ինքնաթիռը ներկայումս արտադրական գծի վրա է։ Մենք արտադրում ենք և միաժամանակ շարունակում ենք կատարելագործել այն։ Ամեն ինչ արտադրվում է Թուրքիայում», – ընդգծել է Բայրաքթարը։

Նրա խոսքով՝ անօդաչու համակարգերը զգալի առավելություն են տալիս ծախսերի խնայողության հարցում: Անօդաչու մարտական ինքնաթիռները, ինչպիսին է «Քըզըլելման», ստեղծվում են հիմնովին այլ կոնցեպցիայով և արժեքի դինամիկայով, որոնք չեն կարող ուղղակիորեն համեմատվել ամերիկյան F-16-ի նման օդաչուավոր ինքնաթիռների հետ: 

«Միջազգային շուկայում նման ինքնաթիռների՝ F-16-ի գները հասնում են շատ բարձր մակարդակի։ «Բայրաքթար Քըզըլելմա»-ն կարող է 20, երբեմն՝ 30 անգամ ավելի էժան լինել», – հավելել է նա։