Թրամփի հրամանագիրը ծննդյան իրավունքով քաղաքացիության սահմանափակման մասին ճանաչվել է ոչ սահմանադրական
Թրամփի հրամանագիրը ծննդյան իրավունքով քաղաքացիության սահմանափակման մասին ճանաչվել է ոչ սահմանադրականՍան Ֆրանցիսկոյի վերաքննիչ դատարանն իրավաբանորեն անվավեր և ոչ սահմանադրական է ճանաչել ԱՄՆ նախագահ Դոնալդ Թրամփի հրամանագիրը ծննդյան իրավունքով քաղաքացիության սահմանափակման մասին:
Այդ մասին ասված է դատարանի որոշման մեջ:
«Մենք քննարկում ենք այն հարցը՝ արդյոք սահմանադրական է և իրավաբանական ուժ ունի (նախագահ Թրամփի) կատարողական հրամանագիրը: Մենք եզրակացնում ենք, որ կատարողական հրամանագիրը զուրկ է իրավաբանական ուժից, որովհետև այն հակասում է Սահմանադրության տասնչորսերորդ ուղղման հստակ շարադրանքին, որը քաղաքացիություն է շնորհում բոլոր անձանց, ովքեր ծնվել են Միացյալ Նահանգներում», – ասված է փաստաթղթում:
Սա առաջին դեպքն է, երբ այդ հրամանագիրը ոչ սահմանադրական է ճանաչվել վերաքննիչ դատարանի կողմից: Ավելի վաղ հրամանագրի կիրառումը բազմիցս արգելափակել են ստորին ատյանի դատարանները, բայց հունիսի վերջին Գերագույն դատարանը սահմանափակել է նրանց այդ իրավունքը: Վերաքննիչ դատարանի վճիռն արգելափակում է Թրամփի հրամանագրի կիրառումը. այժմ նախագահի վարչակազմն այդ վճիռը կարող է վիճարկել կա՛մ այդ դատարանում, կա՛մ Գերագույն դատարանում:
Ծննդյան իրավունքով քաղաքացիության տրամադրման սահմանափակման մասին հրամանագիրը Թրամփը ստորագրել էր իր երդմնակալությունից հետո՝ հունվարի 20-ին: Այն պետական գերատեսչություններին արգելում էր քաղաքացիություն տրամադրել այն ծնողների երեխաներին, որոնք երեխայի ծննդյան պահին Միացյալ Նահանգներում են գտնվել անօրինական հիմունքներով:
Ծննդյան իրավունքով քաղաքացիության մասին ուղղումն ընդունվել է ԱՄՆ Քաղաքացիական պատերազմից հետո, ինչի շնորհիվ չեղյալ է համարվել Գերագույն դատարանի 1957 թվականի վճիռը, որը մերժում էր աֆրոամերիկացիների քաղաքացիության իրավունքը:
Latest from Live24
- Գործարկվել է Աշխատանքային պայմանագրերի կնքման թվային նոր համակարգ
- Հունվարի 1, հունիսի 1–ի փոխարեն. պարտադիր զինվորական ծառայությունը կկրճատվի 6 ամսով
- ՀՀ կառավարությունն աջակցություն կտրամադրի կոնյակի սպիրտ արտահանողներին
- Հունվարի 27–ը կնշվի որպես «Հանուն հայրենիքի զոհվածների հիշատակի և խոնարհումի օր». այն կլինի ոչ աշխատանքային
- Սերժ Սարգսյանի թիմից Նիկոլ Փաշինյանի գիրկը ընկած Արգիշտի Մեխակյանի մասին. Armlur.am
- Վայոց Ձորի Կարմրաշենի դպրոցը փակվում է. այն ուներ 2 աշակերտ, որոնք կհաճախեն 7 կմ հեռու գտնվող Հերհերի դպրոց
- Որպես անհետ կորած որոնվում է 13-ամյա Հասմիկ Գևորգյանը
- Բարձրացրել են դաշինքների անցողիկ շեմը. այն սահմանվել է 8,4–10 տոկոս․ «Հրապարակ»
Լրահոս
Ֆոտո
