ԱՄՆ նախագահ Դոնալդ Թրամփը սպառնացել է 35% մաքսատուրք սահմանել Եվրոպական Միությունից ներմուծվող ապրանքների վրա, եթե այն չկատարի իր ներդրումային պարտավորությունները, հայտարարել է նա CNBC-ին տված հարցազրույցում։

«Նրանք իջեցրել են իրենց մաքսատուրքերը, վճարել են 600 միլիարդ դոլար, և դրա շնորհիվ ես նրանց մաքսատուրքերը 30%-ից իջեցրել եմ 15%-ի», - ասել է Թրամփը՝ նկարագրելով ԵՄ-ի հետ փոխգործակցության մեխանիզմը։

Նա ընդգծել է, որ Եվրամիությունից ստացված միջոցները՝ 600 մլրդ դոլարը, վարկ չեն։

«Նրանք ինձ տվեցին 600 միլիարդ դոլար, և դա նվեր է։ Ի դեպ, դա վարկ չէ։ Վերադարձնելու բան չկա։ Նրանք մեզ տվել են 600 միլիարդ դոլար, որը մենք կարող ենք ներդնել այն ամենում, ինչ ուզում ենք», - հավելել է ԱՄՆ նախագահը։

Հուլիսի 27-ին Եվրահանձնաժողովի նախագահ Ուրսուլա ֆոն դեր Լեյենը և Թրամփը համաձայնության են  եկել, որ Վաշինգտոնն օգոստոսի 1-ից 30%-ի կսահմանի 15% մաքսատուրք ԱՄՆ ներմուծվող եվրոպական ապրանքների մոտ 75%-ի համար։ 

Դրա դիմաց Եվրահանձնաժողովը խոստացել է  լիովին արգելել ռուսական էներգետիկ ռեսուրսների ցանկացած տեսակի մատակարարումը և 750 միլիարդ դոլարով գնել ամերիկյան նավթ, գազ, միջուկային սարքավորումներ և վառելիք, ինչպես նաև 600 միլիարդ դոլար ներդնել ԱՄՆ տնտեսությունում։