Ռուսաստանն օրինական չի համարում Հնդկաստանի նկատմամբ ԱՄՆ-ի պահանջները. Պեսկով
Ռուսաստանն արձանագրում է ԱՄՆ-ի կողմից Հնդկաստանի նկատմամբ սպառնալիքները, բայց դրանք օրինական չի համարում։ Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։
Կրեմլի խոսնակին խնդրել են մեկնաբանել Հնդկաստանի արտաքին գործերի նախարարության հայտարարությունը, որն արձագանքել է ԱՄՆ-ի՝ ռուսական նավթի ներմուծումը դադարեցնելու պահանջին՝ հայտարարելով, որ կպաշտպանի Հնդկաստանի ազգային շահերը։
«Մենք լսում ենք բազմաթիվ հայտարարություններ, որոնք իրականում սպառնալիքներ են, փորձեր՝ երկրներին ստիպելու դադարեցնել առևտրային հարաբերությունները Ռուսաստանի հետ։ Մենք նման հայտարարություններն օրինական չենք համարում», – Պեսկովի խոսքերն է մեջբերում ՏԱՍՍ-ը։
Կրեմլի ներկայացուցիչը նշել է, որ ինքնիշխան երկրներն իրավունք ունեն ընտրելու իրենց սեփական գործընկերներին առևտրային և տնտեսական համագործակցության համար՝ հաշվի առնելով սեփական շահերը։
«Մենք կարծում ենք, որ ինքնիշխան երկրները պետք է ունենան և ունեն իրավունք՝ իրենք ընտրելու սեփական առևտրային գործընկերներին, առևտրատնտեսական համագործակցության գործընկերներին և ընտրելու այն առևտրատնտեսական համագործակցության ռեժիմները, որոնք համապատասխանում են այս կամ այն երկրի շահերին», – ասել է Պեսկովը։
Latest from Live24
- Տարադրամի փոխարժեքները նոյեմբերի 30-ին
- Եվրոպայում սրընթացորեն կրճատվում են քաղցրահամ ջրի պաշարները. The Guardian
- Զելենսկին ու Մակրոնը կհանդիպեն
- ԱՄՆ-ում դեղերի գներն ընկնում են՝ 500, 600, 700, անգամ ավելի տոկոսով․ Թրամփ
- Համացանցում առկա քաոսի դեմ պայքարն ուժեղացնելու կարիք կա. Սի Ծինփին
- Ուկրաինան պետք է լինի «բուֆերային պետություն» hակամարտության ավարտից հետո. Օրբան
- Թուրքիայի Սև ծովի ափերի մոտ ռուսական լցանավերում հրդեհ է բռնկվել
- Պապոյանը Թուրքիայի գյուղատնտեսության և անտառտնտեսության նախարարի հետ Ստամբուլում քննարկել է Կարս-Գյումրի երկաթուղային հաղորդակցության վերաբացման հնարավորությունները
Լրահոս
Ֆոտո
