Թաիլանդի և Կամբոջայի սահմանին այսօր տեղի է ունեցել զինված բախում: Թաիլանդի բանակի տվյալներով՝ կամբոջական զորքերը կրակ են բացել՝ վիրավորելով երկու թաիլանդցի զինվորի: Իր հերթին, Կամբոջայի պաշտպանության նախարարության ներկայացուցիչը հայտարարել է, որ զորքերը պատասխան միջոցներ են ձեռնարկել միայն ինքնապաշտպանության համար:
Թաիլանդի իշխանությունները հայտնում են, որ Կամբոջան օգտագործել է հրետանի։ Թաիլանդի Սուրին նահանգի Կաբչաինգ շրջանի ղեկավար Սուտտիրոտ Չարոենթանասակը Reuters-ին ասել է, որ արկն ընկել է մի տան վրա, որի հետևանքով զոհվել է երկու մարդ։
Թաիլանդի բանակը օդ է բարձրացրել F-16 կործանիչներ։ Թաիլանդի բանակը նշում է, որ ինքնաթիռներից մեկը կրակ է բացել Կամբոջայի տարածքի վրա և ոչնչացրել ռազմական թիրախ։ Երկիրը փակել է Կամբոջայի հետ բոլոր սահմանային անցակետերը։
Կամբոջայի պաշտպանության նախարարությունը դատապարտել է «Թաիլանդի անխոհեմ և դաժան ռազմական ագրեսիան», հաղորդում է Reuters-ը՝ հաստատելով, որ թաիլանդական բանակն իսկապես կիրառել է օդուժ։
Կամբոջայի նախկին վարչապետ Հուն Սենը կոչ է արել քաղաքացիներին պահպանել հանգստություն։
«Մենք կոչ ենք անում բոլոր կամբոջացիներին վստահել մեր կառավարությանը և զինված ուժերին, որոնք գտնվում են առաջնագծում... Մենք խնդրում ենք բոլորին... պահպանել հանգստություն և շարունակել իրենց ամենօրյա գործունեությունը սովորականի պես», - գրել է նա սոցիալական ցանցերում։
Latest from Live24
- Մենք թույլ չենք տա, որ Արևմտյան ափը անեքսիայի ենթարկվի. Վենս
- Դոլարի ու եվրոյի փոխարժեքները կայունացել են
- Կարգալույծ եղած կաթողիկոսը չի կարող ինձ կարգալույծ անել. ես այդ կառույցը չեմ հարգում. Ստեփան Ասատրյանը՝ հոգևորականներին
- Պենտագոնի ղեկավարը հայտնել է Խաղաղ օվկիանոսում ահաբեկչական նավ ոչնչացնելու մասին
- ԱՄԷ նախագահի ազգային անվտանգության հարցերով խորհրդականը հանդիպել է Ուիթքոֆի և Քուշների հետ
- Վիլնյուսը Մինսկից պահանջել է չխախտել Լիտվայի օդային տարածքը
- Ոստիկանությունը ԴՆԹ-ի հետքեր է հայտնաբերել Լուվրի կողոպտիչների սաղավարտի և ձեռնոցի վրա
- Իմպիչմենտը հաջողության հասնելո՛ւ է. Հայկ Մամիջանյան. Տեսանյութ
Լրահոս
Ֆոտո
