Ամերիկացի գործարար Իլոն Մասկը ԱՄՆ նախագահ Դոնալդ Թրամփի հետ ունեցած վեճից հետո չի պատասխանել ԱՄՆ Ներկայացուցիչների պալատի խոսնակ Մայք Ջոնսոնի հաղորդագրություններին, նրա հեռախոսահամարը փոխվել է: Այս մասին Ջոնսոնը հայտարարել է New York Post թերթի լրագրող Միրանդա Դիվայնին տված հարցազրույցում։
Ջոնսոնը հայտնել է, որ վեճից հետո Թրամփին և Մասկին հաշտեցնելու նպատակով բազմիցս փորձել է կապ հաստատել գործարարի հետ: Նրա խոսքով՝ ԱՄՆ նախագահը ևս դեմ չէր դրան։
«Դա նրա (Մասկի – խմբ.) մեղավորությունը չէ։ Ես նրան երկար հաղորդագրություն էի ուղարկել, բայց պարզվեց, որ նրա հեռախոսահամարը փոխվել է», - ասաց Ջոնսոնը:
Քաղաքական գործիչը հավելել է, որ, այնուամենայնիվ, երրորդ անձի միջոցով կապվել է գործարարի հետ։
Մասկը, համաձայն չլինելով Թրամփի օրինագծի հետ, որը կրճատում է դաշնային ծախսերը, բայց միաժամանակ լուրջ հարկային արտոնություններ է տալիս, հունիսի վերջին կրկին առաջարկել էր ԱՄՆ-ում ստեղծել նոր քաղաքական կուսակցություն՝ հայտարարելով, որ երկիրը ներկայում միկուսակցական է: Թրամփը, ի պատասխան գործարարի քննադատության, հայտարարել էր, որ առանց սուբսիդիաների Մասկը ստիպված կլինի «փակել իր կրպակը և վերադառնալ տուն՝ Հարավաֆրիկյան Հանրապետություն»:
Latest from Live24
- Մենք թույլ չենք տա, որ Արևմտյան ափը անեքսիայի ենթարկվի. Վենս
- Դոլարի ու եվրոյի փոխարժեքները կայունացել են
- Կարգալույծ եղած կաթողիկոսը չի կարող ինձ կարգալույծ անել. ես այդ կառույցը չեմ հարգում. Ստեփան Ասատրյանը՝ հոգևորականներին
- Պենտագոնի ղեկավարը հայտնել է Խաղաղ օվկիանոսում ահաբեկչական նավ ոչնչացնելու մասին
- ԱՄԷ նախագահի ազգային անվտանգության հարցերով խորհրդականը հանդիպել է Ուիթքոֆի և Քուշների հետ
- Վիլնյուսը Մինսկից պահանջել է չխախտել Լիտվայի օդային տարածքը
- Ոստիկանությունը ԴՆԹ-ի հետքեր է հայտնաբերել Լուվրի կողոպտիչների սաղավարտի և ձեռնոցի վրա
- Իմպիչմենտը հաջողության հասնելո՛ւ է. Հայկ Մամիջանյան. Տեսանյութ
Լրահոս
Ֆոտո
