Բանգկոկում «Miss Grand International 2025»-ի եզրափակչի ժամանակ անհարմար պահը տարածվել է համացանցում, այն բանից հետո, երբ Միսս Պանամա Իսմարեր Էրերան պատահաբար բեմ է բարձրացել՝ շփոթելով երկիրը։ 

Էրերան 76 մասնակիցների շարքում էր, երբ հաղորդավար Մեթյու Դինը հայտարարեց եզրափակիչի 22 մասնակիցներին։ «Միսս Պարագվայ» անունը լսելով՝ Էրերան այն շփոթել է իր երկրի հետ, ծափահարել և ուղղվել դեպի բեմի առաջնագիծը։ Սրահում մի պահ լռություն է տիրել, և մասնակիցը նույնիսկ կանգ է առել լուսանկարվելու համար։ Հաղորդավարը արագ շտկել է իրավիճակը. «Կներեք, ես հայտարարեցի «Միսս Գրանդ Պարագվայ»», - ասել է Դինը: Էրերան վերադարձել է իր տեղը, և եզրափակիչ փուլ անցած մասնակիցները շարունակել են իրենց ելույթները բեմում։ 

Սոցիալական ցանցերում շատ հեռուստադիտողներ աջակցությունն են հայտնել Էրերային՝ նշելով, որ սխալի պատճառը կարող էր լինել լեզվական խոչընդոտը կամ լարվածությունը: «Այսպիսի բաներ պատահում են: Սա մրցույթ է», - մեկնաբանել է «Միսս Պանաման»: «Դուք պետք է կարողանաք պարտվել և ճանաչել ուրիշների հաղթանակները»։ 

Ի վերջո, «Միսս Ֆիլիպիններ» Էմմա Տիգլաոն հաղթել է «Միսս Գրանդ Ինթերնեշնլ 2025»-ում, իսկ Թաիլանդը և Իսպանիան համապատասխանաբար զբաղել են առաջին և երկրորդ տեղերը: Տիգլաոն իր ուրախությունը կիսել է Ինստագրամում՝ ընդգծելով պատմական պահը. սա Ֆիլիպինների առաջին անընդմեջ հաղթանակն է մրցույթի պատմության մեջ։