ՀՀ և ՌԴ փոխարտգործնախարարները քննարկել են երկկողմ հարաբերությունները
Մարտի 20-ին Մոսկվայում Հայաստանի Հանրապետության և Ռուսաստանի Դաշնության արտաքին գործերի նախարարությունների միջև կայացել են քաղաքական խորհրդակցություններ ՀՀ ԱԳ նախարարի տեղակալ Մնացական Սաֆարյանի և ՌԴ ԱԳ նախարարի տեղակալ Միխայիլ Գալուզինի գլխավորությամբ։ Այս մասին տեղեկացնում են ՀՀ ԱԳՆ-ից։
Խորհրդակցությունների շրջանակներում կողմերը քննարկել են երկկողմ հարաբերությունների օրակարգի հարցերի լայն շրջանակ: Հայաստանի Հանրապետության և Ռուսաստանի Դաշնության միջև հարաբերությունների զարգացման համատեքստում կարևորվել է բոլոր մակարդակներում, այդ թվում՝ արտաքին գործերի նախարարությունների գծով քաղաքական երկխոսությունը, ինչպես նաև տարբեր ոլորտներում փոխշահավետ համագործակցության շարունակականությունը։
Մտքեր են փոխանակվել Հայաստանի և Ռուսաստանի միջև առևտրատնտեսական փոխգործակցության զարգացման, ինչպես նաև մշակութային և հումանիտար ուղղություններով առաջիկայում իրականացվելիք համատեղ միջոցառումների և ծրագրերի վերաբերյալ:
Նախարարի տեղակալը ՌԴ գործընկերոջը տեղեկացրել է ՀՀ արտաքին քաղաքականության հիմնական ուղղությունների և տեսլականի, ինչպես նաև Ադրբեջանի հետ երկկողմ ձևաչափում սահմանազատման ուղղությամբ արձանագրված առաջընթացի, խաղաղության համաձայնագրի համաձայնեցման, ՀՀ կողմից «Խաղաղության խաչմերուկ» ծրագրի շրջանակներում ապաշրջափակման ուղղությամբ տարվող աշխատանքների վերաբերյալ:
Քննարկվել են նաև տարածաշրջանի զարգացումներին առնչվող մի շարք հարցեր:
Latest from Live24
- Վիճաբանություն և ծեծկռտուք՝ «Բիթլզ փաբ»-ի մոտ. կա վիրավոր
- Արցախցիների իրավունքների պաշտպանության խորհուրդը հայտարարություն է տարածել
- Սիրիայի նախագահը պաշտոնական այց կկատարի Ադրբեջան
- Քեսաբի Դյուզաղաջ գյուղ հասած հրդեհը հաջողվել է վերահսկելի դարձնել
- «Գորիս» հյուրանոցում Նիկոլ Փաշինյանի գլխավորությամբ մեկնարկել է ՔՊ քաղաքական ժողովը
- Քիմ Քարդաշյանը ՀՀ-ում կլիներ Վարդուշ մորքուրը՝ մի հարուստ ամուսնու «յաշիկ»-ում. դերասան Արեն Սաֆարյան
- Մոսկվան նախազգուշացնում է ԱՄՆ-ին՝ Ռուսաստանի և ԿԺԴՀ-ի դեմ գործողություններից խուսափելու համար. Լավրով
- Նոր սկանդալ Կախվածությունների բուժման ազգային կենտրոնի շուրջ. նախարարությունը դիմել է իրավապահներին
Լրահոս
Ֆոտո
