«Զանգեզուրի միջանցքը» չի վնասի Հյուսիս-Հարավ տրանսպորտային միջանցքին։ Այս մասին այսօր՝ նոյեմբերի 5-ին, հայտարարել է Ռուսաստանի Անվտանգության խորհրդի քարտուղար Սերգեյ Շոյգուն՝ ԱՊՀ անդամ պետությունների Անվտանգության խորհրդի քարտուղարների 13-րդ նիստից հետո, հաղորդում է Eadily–ն։ 

«Ես կարծում եմ, որ երկու ճանապարհներն էլ ոչ միայն գոյության իրավունք ունեն, այլև անհրաժեշտ են՝ Ադրբեջանը նրա տարածաշրջանների հետ կապելու և երկրների միջև առևտրի նպատակով տրանսպորտային միջանցքներ ստեղծելու համար», - ասել է նա։ 

Ինչ վերաբերում է Հյուսիս-Հարավ միջանցքին, ապա այն կապում է խոր հարավի նավահանգիստները Հյուսիսային Սառուցյալ օվկիանոսի և Հյուսիսային ծովային ճանապարհի հետ։ 

«Ես դրանում ոչ մի վատ բան և մրցակցություն չեմ տեսնում, որ ինչ-որ մեկը ինչ-որ բան կշրջանցի, կամ շուրջը տանի»,- նշել է Շոյգուն։