Ես շատ կարևոր ուղերձ ունեմ Վրաստանի քաղաքացիների համար, հատկապես այն պատճառով, որ նրանց կառավարությունը նրանց ասում է, որ երկիրը տանում է դեպի Եվրամիություն, ԵՄ ընդլայնման զեկույցի ներկայացման ժամանակ Վրաստանի իշխանություններին է դիմել ԵՄ հանձնակատար Մարթա Կոսը:

«Հարգելի՛ Վրաստանի կառավարություն, դուք ձեր ժողովրդին չեք մոտեցնում ԵՄ-ին, այլ ավելի եք հեռացնում նրանց: Եթե դուք իսկապես լուրջ եք վերաբերվում ԵՄ անդամակցությանը, ապա լսեք ձեր ժողովրդին և դադարեցրեք ընդդիմադիր առաջնորդներին, լրագրողներին և ձեզանից տարբերվող մարդկանց բանտարկելը, այդ դեպքում մենք կկարողանանք խոսել», – հայտարարել է Կոսը:

ԵՄ արտաքին գործերի գերագույն ներկայացուցիչ Կայա Կալասն իր հերթին հայտարարել է, որ Վրաստանը միակ թեկնածու երկիրն է, որը հետընթաց է գրանցել իր եվրաինտեգրման գործընթացում։

«Այս փուլում Վրաստանը ԵՄ անդամակցության ճանապարհ չունի, եթե պայմանները կտրուկ չփոխվեն», – ասել է Կալասը:

Նրա խոսքով՝ Վրաստանն այժմ համարվում է թեկնածու երկիր միայն անվանապես։ Սա արտացոլվում է նաև ԵՄ ընդլայնման վերջին զեկույցում։