Փարիզի Լուվրի աշխարհահռչակ թանգարանի կողոպուտից երկու շաբաթ անց, Ֆրանսիայի մայրաքաղաքում նոր խոշոր կողոպուտ է տեղի ունեցել։ Այս անգամ գողերի թիրախում հայտնվել է Swarovski բուտիկը։ Գողացվել է մոտ 200 հազար եվրոյի զարդեր եւ ժամացույցներ։ Այս մասին հայտնում է Le Parisien պարբերականը։

Համաձայն իրավապահների տվյալների, ազդանշանային համակարգը ոսկերչական բրենդային խանութում չի գործել, իսկ տեսահսկման սարքերը չեն ֆիքսել գողերին։ Դեպքի մասին միայն իմացվել է առավոտյան, երբ խանութի աշխատակիցներից մեկը եկել է խանութը բացելու եւ տեսել է, որ դուռը բաց է՝ կողպեքը կոտրված, իսկ ցուցափեղերը ջարդուփշուր արված։