Նաթանզի միջուկային օբյեկտի վրա հարձակումից հետո ճառագայթման մակարդակը նորմայի սահմանում է
Իրանի Նաթանզի միջուկային օբյեկտի վրա հարձակումից հետո ճառագայթման մակարդակը նորմայի սահմանում է, հայտարարել է ՄԱԳԱՏԷ-ի ղեկավար Ռաֆայել Գրոսին։
Իրանի իշխանությունները գործակալությանը հայտնել են, որ Բուշերի ԱԷԿ–ը հարձակման չի ենթարկվել։ Առավոտյան «Առյուծների ազգ» գործողության շրջանակում Իսրայելը հարվածել է Իրանի միջուկային և ռազմական ենթակառուցվածքներին։
Նախօրեին, իրանական հետախուզության կողմից ստացված Իսրայելի միջուկային նախագծերի վերաբերյալ գաղտնի որոշ տվյալներ հրապարակելուց հետո, Թեհրանում Ռաֆայել Գրոսիին անվանել էին կազմակերպության «վստահությունը խարխլելու» պատասխանատու։ Այդ փաստաթղթերը վկայում են այն մասին, որ ՄԱԳԱՏԷ-ի գլխավոր տնօրենը լիարժեք համագործակցել է Իսրայելի հետ՝ Իրանի վերաբերյալ տվյալներ փոխանցելով։
Հիշեցնենք` հունիսի 13-ի գիշերը Իսրայելը մի շարք հարվածներ է հասցրել Իրանին։ Հարձակման հետևանքով սպանվել են Իրանի բարձրաստիճան զինվորականներ և միջուկային ֆիզիկոսներ։ Իրանի քաղաքացիներին ուղղված իր ուղերձում գերագույն առաջնորդ այաթոլլա Ալի Խամենեին Իսրայելի կողմից Իրանին հասցված հարվածները հանցագործություն է որակել և հայտարարել, որ Իսրայելին «դառը և սարսափելի ճակատագրի» է սպասվում։
Latest from Live24
- ՌԴ ԱԳՆ-ն բացահայտել է Լավրովի և Ռուբիոյի բանակցությունների մանրամասները
- Բիթքոինի փոխարժեքը նոր ռեկորդ է սահմանել՝ գերազանցելով 119 հազ․ դոլարը
- Մեծ Բրիտանիայում ինքնաթիռը կործшնվել է թռիչքից հետո
- Օդի ջերմաստիճանը կնվազի. սպասվում է անձրև և ամպրոպ, հնարավոր է կարկուտ
- «Բարդիների պուրակ» հանգստյան գոտուց անհետ կորած 4-ամյա աղջնակին հայտնաբերել են. նա 2 կմ հեռու է եղել
- Թուրքիան ուշադրությամբ հետևում է Աբու Դաբիում Ադրբեջանի և Հայաստանի միջև սկսված խաղաղ բանակցություններին. Էրդողան
- Մյունխենի համաժողովում ելույթը ճիշտ ժամանակին էր, բայց այն չլսվեց. Պուտին
- Իտալական դատարանը UniCredit բանկին պարտավորեցրել է լքել Ռուսաստանը
Լրահոս
Ֆոտո
