Նա ընդգծեց` Հայաստանի շահն է հնարավորինս արագ իրականացնել գործընթացներն ու արագ հասնել ապաշրջափակման։

«Մի՛ մոռացեք, որ Հայաստանը 30+ տարիներ եղել է ապաշրջափակման մեջ, ու առաջին հերթին ապաշրջափակումը մեզ է հարկավոր, մենք ենք հնարավորություններ ստանում` մեր հռչակած սկզբունքների հիման վրա»,– հավելեց նախարարը։

Հիշեցնենք` ՀՀ վարչապետ Նիկոլ Փաշինյանը հուլիսի 16-ին հայտարարեց, որ տարածաշրջանում տրանսպորտային հաղորդակցությունների ապաշրջափակումը պետք է իրականացվի այն երկրների տարածքային ամբողջականության, ինքնիշխանության և իրավասության պահպանմամբ, որոնցով անցնում է: Նա չբացառեց, որ Ադրբեջանից դեպի Նախիջևան ճանապարհի կառավարումը Սյունիքով կարող է փոխանցվել մասնավոր ընկերության։ Փաշինյանը նշեց, որ Սյունիքի ճանապարհի արտապատվիրակմամբ հետաքրքրված է ոչ միայն ԱՄՆ-ն, այլև ԵՄ–ն, իսկ Հայաստանին հետաքրքիր է ԱՄՆ-ի և ԵՄ-ի շահագրգռվածությունը։