Թրամփն ընթրել է մայրաքաղաքի ռեստորաններից մեկում` հաստատելով, որ Վաշինգտոնը դարձել է անվտանգ
ԱՄՆ նախագահ Դոնալդ Թրամփը փոխնախագահ Ջեյ Դի Վենսի, պետքարտուղար Մարկո Ռուբիոյի և Պենտագոնի ղեկավար Փիթ Հեգսեթի հետ միասին ընթրել է Վաշինգտոնի քաղաքային ռեստորաններից մեկում՝ հայտարարելով, որ դա վկայում է մայրաքաղաքի անվտանգության մասին։
Այդ մասին տեղեկանում ենք «Ինտերֆաքս» գործակալությունից:Ռեստորանի մուտքի մոտ նախագահը լրագրողներին հայտնել է, որ Վաշինգտոնը «երկրի ամենավտանգավոր քաղաքներից մեկն է եղել, իսկ այժմ այստեղ նույնքան անվտանգ է, որքան ամբողջ երկրում, ուստի մենք այստեղ ընթրում ենք նախարարների կաբինետի անդամների հետ»։
Նա նշել է, որ դրան նպաստել են մայրաքաղաքում հանցագործության դեմ պայքարի միջոցառումները։
Թրամփը նաև հայտարարել է, որ, հավանաբար, սեպտեմբերի 10-ին կհայտարարի «մեկ այլ քաղաքի մասին, որտեղ առաջիկայում կձեռնարկի նույն միջոցները»։
Օգոստոսի 11-ին Թրամփը հայտարարել էր, որ Վաշինգտոնի ոստիկանությունը ժամանակավորապես անցել է դաշնային վերահսկողության տակ և հանցագործության դեմ պայքարելու համար քաղաք է ուղարկվել Ազգային գվարդիան։ Ավելի վաղ նա առաջարկել էր զորքեր ուղարկել Չիկագո, Բալթիմոր քաղաքներ և Լուիզիանայի նահանգ։
ԱՄՆ Ազգային գվարդիան զինված ուժերի պահեստազորային ուժ է, որը ներգրավվում է երկրի ներսում արտակարգ իրավիճակների դեպքում, օրինակ՝ բնական աղետների հետևանքները վերացնելու, տարհանումների կամ անկարգությունները ճնշելու համար։
Latest from Live24
- Շիրակի թեմի առաջնորդի լիազորությունները կկատարի Նարեկ եպիսկոպոս Ավագյանը
- Փաշինյանը «հետ չի կանգնել» Էջմիածնում հոգևոր մեծ հավաք կազմակերպելու մտքից. Ալեքսանյան
- Նիկոլ Փաշինյանը կմեկնի Մոսկվա
- Հայաստանին է մոտենում տեղումնաբեր ցիկլոն. շրջաններում անձրևներ կտեղան. Սուրենյան
- Իշխանափոխության 2 ձև կա. մեր ժողովրդին ի՞նչ առաջարկենք՝ Նեպալի՞, թե՞ Ֆրանսիայի օրինակը. Սերժ Սարգսյան
- Սարսափելի հետևանքներ կլինեն․ Կրեմլ
- Հայաստանի հավաքականի ֆուտբոլիստների գնահատականներն Իռլանդիայի դեմ խաղում՝ ըստ Sofascore-ի
- «Եկեք անկեղծ լինենք». Վենսը հայտարարություն է արել Ռուսաստանի վերաբերյալ
Լրահոս
Ֆոտո
