52-ամյա լրագրող Մել Ֆալոուֆիլդը որոշել է փորձարկել դավաճանողների սովորությունները և գտել է զարմանալի ընդհանուր հայտարար. նրանք բոլորը սիրահարված են մնում իրենց զուգընկերներին և սիրավեպեր են փնտրում միայն «սուր զգացողությունների» համար, հաղորդում է The Sun-ը։ 

Ֆալոուֆիլդը գրանցվել է Illicit Encounters կայքում, որը ստեղծվել է 2003 թվականին գաղտնի սիրավեպեր փնտրող ամուսնացած մեծահասակների համար։ Կայքն ունի 1.5 միլիոն օգտատեր և, ըստ լրագրողի, գագաթնակետին է հասնում սեպտեմբերին՝ ամառային սեզոնից հետո, երբ զույգերն ավելի հավանական է, որ լարվածություն ունենան իրենց հարաբերություններում։ 

«Վիճակագրությունից հետաքրքրված և ամուսնուս հավանությամբ՝ ես ստեղծեցի «կեղծ» էջ՝ տեսնելու, թե ում կգրավի կայքը, և ինչու են տղամարդիկ դավաճանում»,-գրել է Ֆալոուֆիլդը։

Չնայած զուսպ էջին՝ նա նշել է, որ ինքը «խաղային» է և հետաքրքրված է քաղաքականությամբ ու նորություններով, ու կես ժամվա ընթացքում ստացել է մոտ 30 հաղորդագրություն։

Կայքում տղամարդկանց մեծ մասը փնտրում էին «գողացված զվարճանքի պահեր», բողոքում էին իրենց ամուսնություններում զգացմունքների բացակայությունից, բայց միևնույն ժամանակ պնդում էին, որ չեն ուզում կործանել իրենց ընտանեկան կյանքը և որ, ամեն դեպքում, սիրում են իր կանանց։ 

«Էջերի 90%-ը ուղղակիորեն ցույց էին տալիս, որ տղամարդիկ չեն ուզում կործանել իրենց ամուսնությունը, և բոլորն էլ պաշտում են իրենց կողակիցներին»,-նշել է լրագրողը։

Ֆալոուֆիլդի հետ հանդիպումները հաստատում են այս պարադոքսը. երկու չափահաս դուստրերի 62-ամյա հայրը փնտրում էր «պարզ սեքս», որպեսզի չխախտի ամուսնության ստատուս քվոն. մեկ այլ մասնակից՝ 12-ամյա աղջկա 52-ամյա հայրը, նշել էր, որ դեռ սիրում է իր կնոջը, բայց կարոտում է ֆիզիկական մտերմությունը։ 

Ֆալոուֆիլդը, ի վերջո, եզրակացրել է, որ դավաճանները տարբեր տարիքի, սոցիալական կարգավիճակի և կենսակերպի մարդիկ էին, բայց բոլորին միավորում էր իրենց կողակիցների հանդեպ սերը։

Դավաճանների հայտնաբերման մասնագետ Մադլեն Սմիթը հավելում է, որ անհավատարմության վկայող նշաններից են՝ գաղտնի հեռախոսազանգերը, լուսանկարներում զուգընկերոջ բացակայությունը և… Snapchat-ի օգտագործումը, որը դիտումից հետո ջնջում է հաղորդագրությունները՝ այն դարձնելով հարմար  հարթակ գաղտնի հաղորդագրություններ ուղարկելու համար: