86-ամյա ռեժիսոր Ֆրենսիս Ֆորդ Կոպոլան հոսպիտալացվել է Հռոմում։ Այս մասին հայտնում է իտալական ANSA գործակալությունը։

Ըստ աղբյուրի՝ Կոպոլային տեղափոխել են հիվանդանոց օգոստոսի 5-ի առավոտյան, սակայն նրա հոսպիտալացման պատճառը չի նշվում։

Ֆրենսիս Ֆորդ Կոպոլան իր կարիերայի ընթացքում նկարահանել է այնպիսի լեգենդար ֆիլմեր, ինչպիսիք են «Կնքահայրը», «Ապոկալիպսիսը հիմա» և «Դրակուլա» (1992)։ 

Նրա վերջին աշխատանքը՝ «Մեգալոպոլիս» ֆիլմը, արժանացավ բացասական արձագանքների քննադատների կողմից, ձախողվեց վարձույթում և նույնիսկ ստացավ հակամրցանակ՝ «Ոսկե ազնվամորի»։ Դրանից հետո Կոպոլան հայտարարել էր, որ այլևս ֆինանսական հնարավորություն չունի նոր ֆիլմեր նկարահանելու համար։