Վրաստանի մաքսայինը հիմա էլ խստացումներ է կիրառում Ռուսաստանից Հայաստան գազ փոխադրող մեքենաների նկատմամբ
Օգոստոսի 27, 2025

Վրաստանի մաքսայինը հիմա էլ խստացումներ է կիրառում Ռուսաստանից Հայաստան գազ փոխադրող մեքենաների նկատմամբ

By Հուլիսի 11, 2025 68

«Հիմա էլ հերթը հասել է գազատարներին». – Վրաստանի Ստեփանծմինդա-Լարս ավտոհավաքակայանում ավելի քան հինգ տասնյակ հայկական գազատար մեքենաներ լուսաբացից սպասում են մաքսային ընթացակարգերի ավարտին, որ կարողանան հեղուկ գազով բեռնված մեքենաներով Հայաստան հասնել։

«Ազատությանը» տեղից ահազանգող վարորդներն ասում են՝ Վրաստանի մաքսային ծառայությունը նոր խստացումներ է կիրառում Ռուսաստանից Հայաստան վերադարձող գազատարների նկատմամբ, առանց հստակ պատճառաբանության կամ պաշտոնական բացատրության.

«Ռենտգեն են արել, թղթերը վերցրել են ներս, ու վերջ, էլ ոչ պատասխանում են, ոչ էլ: Անորոշ կանգնած ենք, չգիտենք ինչ անենք»: 

«Բոլորի ձեռից հավաքել են՝ վարորդի անձնագիր, մեքենայի տեխանձնագիր և բոլոր դակումենտացիան»:

Սահմանին կանգնած վարորդներից մեկը պատմեց՝ տարիներ շարունակ Վրաստանի անցակետը անխոչընդոտ հատել, հասել է Ռուսաստան, մեքենան հեղուկ գազով բեռնել ու վերադարձել Հայաստան: Ասում է՝ անգամ եթե վրացական կողմում կշռել են իրենց մեքենան, ապա դա րոպեներ է տևել, իսկ հիմա՝ շուրջ 24 ժամ և ավելի: Իրենից առաջ Ստեփանծմինդա-Լարս ավտոհավաքատեղիից դուրս եկած գազատարներն էլ, ասաց, չեն կարողանում Հայաստան հասնել, վրացական Գեզի մաքսային տերմինալում էլ են կանգնեցնում ու ստուգում այնպես, ինչպես հայկական կոնյակը:

«Երեկ մտնողներն են գնացել Գեզի, մենք մինչև հիմա էստեղ կանգնած ենք, Գեզի մտնողներն էլ մինչև հիմա էնտեղ կանգնած են, ոչ մի բան չեն ասում, նույն ձևի, ոնց որ մենք ենք էստեղ կանգնած անորոշ վիճակում: Գեզի տերմինալում մոտավորապես մի 120 մեքենա կլինի, իսկ ստեղ մոտավորապես մի 50-60 երևի», – փոխանցեցին վարորդները:

Վարորդները տարակուսած են՝ թեև վրացական սահմանը հատող հայկական կոնյակը միևնույն է Ռուսաստանում է վաճառվում, բայց ստուգում են, գազն էլ հո Հայաստան են բերում, դրա՞ ինչն են ստուգում.

«Թող չհամոզի վրացին ինձ, որ ինքը էնքան է սիրում հայ ազգին, էնքան մտածում է, որ գազի որակ է վերցնում, հանկարծ որ հայ ազգը չթունավորվի»:

«Գեզի՞ ինչի են ուղարկում, էս էլ հո կոնյա՞կ չի»:

Ավելի վաղ վրացական կողմում խնդիրների մասին բարձրաձայնել էին ալկոհոլ արտահանողները: Նրանց տևական բողոքներից հետո վրացի բարձրաստիճան պաշտոնյաների հետ բանակցած Հայաստանի էկոնոմիկայի նախարարն ու Պետեկամուտների կոմիտեի նախագահն այդպես էլ չմեկնաբանեցին՝ արդյոք կարողացա՞ն Թբիլիսիից ճշտել, թե ինչու են Վրաստանի անցակետում ստուգում Ռուսաստան գնացող ու այնտեղ վաճառվող հայկական կոնյակի որակը: Այդ ստուգումների պատճառով բեռնատարները շաբաթներ, նույնիսկ ամիսներ շարունակ կանգնում էին վրացական անցակետերում: Թեպետ այս հարցում որոշակի տեղաշարժ արձանագրվել է, բայց խնդիրն ամբողջությամբ լուծված չէ։

Իսկ գազատարների վարորդներն այսօր զանգահարել են Վարստանում Հայաստանի դեսպանատուն, ասացին՝ պատասխանել են, թե առավոտից տեղեկացված են խնդրից, բայց, երբ կլուծվի՝ չգիտեն:

Եթե կոնյակի հարցում պաշտոնական Թբիլիսին հաղորդում է՝ ոչ մի արտառոց բան չկա, սովորական մաքսային ընթացակարգեր են, ապա հայկական գազատարների հարցով վրացական մամուլում պաշտոնական հաղորդագրություններ չգտանք:

Ամբողջությամբ՝ սկզբնաղբյուր կայքում:

Rate this item
(0 votes)

Լրահոս

Ֆոտո

Նեթանյահուն ճանաչել է Հայոց ցեղասպանությունը

Ռուս խաղաղապահների դուրսբերումը տարածաշրջանից լրացուցիչ խթան հաղորդեց խաղաղության գործընթացին․ Բայրամով

Սպասվում է բարձր կարգի հրդեհավտանգ իրավիճակ

«Կլյուչեվոյ» պաշտոններից կթռնեն մի շարք պաշտոնյաներ. հերթի տակ են երկու փոխվարչապետները. «Իրավունք»

ՀՅԴ-ում ներքին պայթյունավտանգ իրավիճակ է․ «Իրավունք»

ՔՊ-ականներն արշավում են Սյունիքի մարզպետի դեմ․ «Հրապարակ»

Սամվել Կարապետյանի ընտանիքը նոր կուսակցություն է ձևավորում. բացառիկ մանրամասներ. «Ժողովուրդ»

Իրանը և եվրոպական եռյակի երկրներն ավարտել են միջուկային խնդրի շուրջ բանակցությունների հերթական փուլը

ԱՄՆ-ն կավելացնի զենքի մատակարարումը ՆԱՏՕ-ի դաշնակիցներին, որոնք աջակցում են Ուկրաինային

ԱՄՆ դեսպանը լիբանանցի լրագրողներին կոչ է արել իրենց «անասունի պես չպահել»

Թուրքիան մտադիր է դառնալ աշխարհում 5-րդ սերնդի կործանիչ արտադրող 4-րդ երկիրը

907-րդ ուղղման չեղարկումը Ադրբեջանի և ԱՄՆ-ի միջև համագործակցության նոր փուլի սկիզբ է. Բայրամով

Սեպտեմբերի 2-ին՝ Արցախի Անկախության օրը, սպասվում է հանրահավաք

12500-ից ավելի էլեկտրոմոբիլ՝ 8 ամսում. քվոտայի սպառումից հետո էլ ներմուծման ծավալներն աճում են

ՀՀ-ից ՌԴ պտուղ-բանջարեղեն, ծաղիկ տեղափոխելիս պետք է պահպանել ԵԱՏՄ և ՌԴ օրենսդրության պահանջները․ ՍԱՏՄ