Զելենսկին հայտնել է շաբաթվա վերջում նախատեսվող ուկրաինա-ամերիկյան հանդիպման մասին
Ուկրաինայի նախագահ Վոլոդիմիր Զելենսկին հայտնել է, որ այս շաբաթվա վերջին նախատեսվում է ուկրաինացի և ամերիկացի ներկայացուցիչների հանդիպում՝ քննարկելու համար Ռուսաստանի հետ ապագա բանակցությունների հնարավորությունը։ Ինչպես տեղեկացնում է Unian-ը, այս մասին Զելենսկին հայտարարել է Նորվեգիայի վարչապետ Յոնաս Գար Ստյորեի հետ համատեղ մամուլի ասուլիսում
«Եղել են մի շարք հանդիպումներ։ Այսօր հանդիպում կլինի Ուկրաինայի հարցերով ԱՄՆ հատուկ բանագնաց Կիտ Քելոգի հետ՝ այս թեմայի շարունակության շրջանակում՝ նախապատրաստվելով ռուսական կողմի հետ ապագա հանդիպման հնարավորությանը։ Շաբաթվա վերջում կկայանա ուկրաինական և ամերիկյան թիմերի հանդիպումը»,- նշել է Զելենսկին։
Զելենսկին չի ներկայացրել մանրամասներ, սակայն ընդգծել է, որ շաբաթվա ընթացքում շատ աշխատանք կլինի։
«Կունենանք անվտանգության երաշխիքների բազային պլան, իսկ դրանից հետո կուզենայի ամերիկյան կողմից հասկանալ՝ պատրաստ են արդյոք ռուսները կոնֆիգուրացիայի։ Պատրաստ են արդյոք նրանք ԱՄՆ-ի առաջարկած և Ուկրաինայի կողմից աջակցվող տարբերակին՝ նախ երկկողմ, ապա՝ եռակողմ հանդիպման»,- նշել է Ուկրաինայի նախագահը։
Latest from Live24
- Սվետլանա Տիխանովսկայան չեղարկել է այցը Երևան
- Գերմանիան դիվանագիտական նոտա է հղել Չինաստանին
- ՌԴ-ում տարեկան գնաճը կնվազի
- Ճապոնիայի վարչապետը հայտարարել է Ռուսաստանի հետ հաշտության պայմանագրի կնքման մտադրության մասին
- Պեսկովը մեկնաբանել է Պուտին-Թրամփ հանդիպման չեղարկումը
- Մոսկվայի մարզում ԱԹՍ-ն մտել է 14-րդ հարկում գտնվող բնակարան. կան վիրավորներ
- Արևմտյան ափի անեքսիան կվտանգի Գազայի խաղաղության գործընթացը. Ռուբիո
- Նոյեմբեր-դեկտեմբեր-հունվար ամիսներին Հարավային Կովկասում նորմայից ցածր տեղումներ են կանխատեսվում
Լրահոս
Ֆոտո
