ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի երկկողմ հանդիպումը Սաուդյան Արաբիայում կարող է կազմակերպվել արդեն հաջորդ շաբաթ։ Russian Mirror-ի փոխանցմամբ՝ գրում է Bloomberg-ը։

ԱՄՆ-ի և Ռուսաստանի ղեկավարությունը կարող է պայմանավորվել երկու առաջնորդների գագաթնաժողով անցկացնել Էր Ռիադում հանդիպման ժամանակ, հայտնում է հրատարակությունը՝ առանց աղբյուրներ վկայակոչելու։ Սաուդյան Արաբիայի մայրաքաղաքում ռուսական և ամերիկյան պատվիրակությունների միջև բանակցությունները «կարող են ճանապարհ հարթել» երկու նախագահների հանդիպման համար արդեն հաջորդ շաբաթ, ասվում է հոդվածում։

Բանակցություններին ներկա ՌԴ նախագահի օգնական Յուրի Ուշակովը հայտնել է, որ պատվիրակությունները, ի թիվս այլ հարցերի, կքննարկեն երկու նախագահների հնարավոր հանդիպումը։ «Գլխավորը մեր և Վաշինգտոնի միջև հարաբերությունների իրական նորմալացում սկսելն է»,- նշել է նա։

«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը հայտնում է, որ Հայաստան են ներթափանցելու տաք և ցուրտ օդային հոսանքներ։

«Այսօրվա օդի ջերմաստիճանի բարձրացմանը (Երևանում մինչև +12 աստիճան) չխաբվեք, փետրվարի 19-ի երեկոյան ժամերից և առաջիկա երեք օրերին կզգաք հյուսիս-արևմուտքից ներխուժող հզոր ցուրտ օդային հոսանքների և հարավ-արևմուտքից ներթափանցող տաք օդային հոսանքների ճակատամարտը մեր հանրապետությունում»,- գրել է նա։

Ավելի վաղ ՊՈԱԿ-ից հայտնել էին, որ փետրվարի 19-ի երեկոյան ժամերին, 20-23-ին հանրապետության տարածքում սպասվում է ձյուն, 20-21-ին առանձին շրջաններում և Երևանում՝ շատ ուժեղ, լեռնային առանձին մարզերում՝ բուք, ցածր հորիզոնական տեսանելիություն։ Ճանապարհներին սպասվում է մերկասառույց։

Պետդեպարտամենտը հայտնել է, որ կողմերը պայմանավորվել են ստեղծել բարձր մակարդակի բանակցային խմբեր՝ սկսելու ուկրաինական հակամարտության շուտափույթ կարգավորմանն ուղղված աշխատանքները։ Իսկ դրա ավարտից հետո արտգործնախարարները պայմանավորվել են համագործակցել ինչպես աշխարհաքաղաքական հարթության, այնպես էլ տնտեսական ու ներդրումային հարցերի շուրջ։

Երեքշաբթի օրը՝ փետրվարի 18-ին, Սաուդյան Արաբիայի մայրաքաղաքում Ռուսաստանն ու Միացյալ Նահանգները պաշտոնական բանակցություններ են վարել։ Ռուսական կողմը ներկայացնում էին ՌԴ ԱԳ նախարար Սերգեյ Լավրովը և նախագահի օգնական Յուրի Ուշակովը։ ԱՄՆ-ի թիմում ընդգրկված էին պետքարտուղար Մարկո Ռուբիոն, ԿՀՎ տնօրեն Ջոն Ռաթքլիֆը, Ազգային անվտանգության հարցերով խորհրդական Մայք Ուոլցը և հատուկ բանագնաց Սթիվ Ուիտկոֆը:

Ամերիկացի հետազոտողները՝ Տեխասի համալսարանից (Օսթին), մշակել են նեյրոնային ցանցի վրա հիմնված դեկոդեր, որը կարողանում է «թարգմանել» մարդու մտքերը տեքստի։ Նոր ալգորիթմը վերլուծում է ուղեղի ակտիվությունը ֆունկցիոնալ ՄՌՏ-ի (fMRI) միջոցով և այն վերածում է իմաստալից նախադասությունների։ Հետազոտության արդյունքները հրապարակվել են Current Biology (CurBio) ամսագրում։

Ինչպե՞ս է աշխատում ուղեղի դեկոդերը

Նախկինում նմանատիպ տեխնոլոգիաները պահանջում էին բազմժամյա անհատական ուսուցում, ինչը սահմանափակում էր դրանց գործնական կիրառությունը։ Սակայն նոր ալգորիթմը զգալիորեն արագացրել է գործընթացը․

• Հարմարեցումը նոր մարդու համար տևում է ընդամենը 70 րոպե։
• Դեկոդերն ուսուցանում է տվյալները, որոնք ստացվում են ֆիլմեր դիտելու կամ աուդիո լսելու ընթացքում։
• Ալգորիթմը վերլուծում է տարբեր մարդկանց ուղեղի ռեակցիաները նույն պատմությունների նկատմամբ, ինչը հնարավորություն է տալիս փոխանցել մոդելը մեկ մարդուց մյուսին։

Ինչպե՞ս է արհեստական բանականությունը «հասկանում» մտքերը

Դեկոդերը բառացիորեն չի կարդում մտքերը, այլ վերարտադրում է դրանց ընդհանուր իմաստը։ Օրինակ՝

• Մարդը մտածում է․ «Ես մատուցողուհի եմ պաղպաղակատանը»։
• Ալգորիթմը «կարդում» է այսպես․ «Ես աշխատում էի մի վայրում, որը համարում էի ձանձրալի»։

Սարքը կարողանում է վերլուծել անգամ համր ֆիլմերը, ինչը կարող է մեծ հնարավորություն տալ աֆազիայով (խոսքի խանգարում) տառապող մարդկանց՝ վերականգնելու իրենց հաղորդակցման հմտությունները։

Տեխնոլոգիայի ապագան

Հաջորդ փուլում նախատեսվում է փորձարկել դեկոդերը աֆազիայով հիվանդների վրա և ստեղծել ինտերֆեյս, որը կօգնի նրանց արտահայտել իրենց մտքերը առանց խոսելու։ Հետազոտողները հույս ունեն, որ ապագայում այս տեխնոլոգիան կդառնա կարևոր գործիք հաղորդակցման համար և կօգնի խոսքի խանգարումներ ունեցող մարդկանց վերականգնել իրենց հաղորդակցման կարողությունը։

ԱՄՆ դոլարի փոխարժեքն այսօր՝ փետրվարի 18-ին, կազմել է 396.23 դրամ՝ նախորդ օրվա համեմատ նվազելով 0.16 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 414.62 դրամ (նվազել է 1.11 դրամով), բրիտանական ֆունտի փոխարժեքը կազմել է  499.13 դրամ (նվազել է 0.40 դրամով), իսկ ռուսական ռուբլու փոխարժեքը կազմել է 4.35 դրամ (աճել է 0.01 դրամով):

Հայաստանյան բանկերում դոլարը գնվում է 393-395 դրամով, վաճառվում է 397.5-400 դրամով:

Եվրոն բանկերում գնվում է 406-412 դրամով, վաճառվում է 417-422 դրամով:

Ռուբլին բանկերում գնվում է 4.08-4.27 դրամով, վաճառվում է 4.36-4.60 դրամով: Փոխանակման կետերում իրավիճակը հետևյալն է.

դոլարը գնվում է 395 դրամով, վաճառվում՝ 398 դրամով:

Եվրոն գնվում է 415 դրամով, վաճառվում է 419 դրամով:

Ռուբլին գնվում է 4.23 դրամով, վաճառվում է 4.35 դրամով:

Այսօր, փետրվարի 18-ին, ՀՀ Առաջին նախագահ Լևոն Տեր-Պետրոսյանն իր առանձնատանը հանդիպել է Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինի հետ:

Ավելի քան մեկ ժամ տևած զրույցի ընթացքում շոշափվել են հայ-ռուսական հարաբերություններին, Հայաստանի ներքին իրավիճակին և տարածաշրջանային անվտանգությանն առնչվող հարցեր:

Մեր դժգոհությունների աղբյուրը չպետք է մեզ միավորի, այլ՝ այդ դժգոհությունները հաղթահարելու մեր միասնական ցանկությունը: Այս մասին այսօր՝ փետրվարի 18-ին, Ազատության հրապարակում կազմակերպված ակցիայի ժամանակ հայտարարեց ԱԻՄ նախագահ Պարույր Հայրիկյանը։

Նա նշեց, որ Ազատության հրապարակից երթով կշարժվեն դեպի Հանրապետության հրապարակ և եթե ժողովուրդը միանա, ապա կարող են համաշխարհային հանրությանը ներկայացնել, որ Նիկոլ Փաշինյանից դժգոհություն կա և նրա հետ հարաբերակցվելուց իրենք սխալվում են, երբ ասում են, թե Նիկոլ Փաշինյանն Արցախը ճանաչեց Ադրբեջանի կազմում:

«Նրանք կասեն, այն Նիկոլն էր և նրա հետ մենք գործ չունենք, մենք գործ ունենք ՀՀ-ի հետ»,-ասաց Հայրիկյանը:

Նրա խոսքով, շարունակությունը լավ մշակված է և այն կախված է նրանից, թե որքանով քաղաքացիները պարտավորված կզգան արտահայտելու իրենց դժգոհությունը և չարից ազատվելու իրենց պահանջը՝ հակառակ դեպքում տխուր իրավիճակ է սպասվում բոլորին։

«Ես զգացի, որ երբ մարդիկ դժգոհում են այսօրվա իշխանություններից, իրականում՝ էնքան էլ չեն դժգոհում»,-հայտարարեց ԱԻՄ նախագահը

Նա նկատեց, որ եթե մարդիկ մտածում են, որ այս իշխանությունները վատն ու չարն են, ապա ինչու են ուզում մեկ տարի սպասել մինչև հերթական ընտրությունները։

«Ժամը 5-ին Հանրապետության հրապարակում մեր հավաքականությամբ կսկսենք մի գործընթաց, որն ամենաուշը մինչև այս ամսվա վերջ պետք է արդյունք տա»,-հայտարարաց Հայրիկյանը և նշեց, որ ադյունքը չի նշանակում որ Փաշինյանը պետք է գնա և ինքը կամ մեկ ուրիշը  գալու է իշխանության, այլ արդյունքն ավելի «զորավոր պետք է լինի, համակարգային՝ մինչև վերջին կետը մշակված նրբերանգների պահպանմամբ»։

«Հավատացնում եմ՝ երկու, ամենաուշը՝  երեք ամիս հետո մենք կունենանք ընտրություններ, նոր սահմանադրությամբ, որը մեզ հնարավորություն կտա  խելապակաս վարչապետ ունենալու դեպքում, ներկայացուցչական մարմնի՝ ԱԺ-ի միջոցով նրան զսպելու կարողականություն»,-ասաց Հայրիկյանը՝ նշելով, որ հակառակի դեպքում վարչապետը կարող է զսպել խորհրդարանին։

Նա նաև հայտարարեց, որ շատ բացահայտումներ կան որը հետագայում կանի։

ԱՄՆ պետքարտուղար Մարկո Ռուբիոն և ՌԴ ԱԳ նախարար Սերգեյ Լավրովը պայմանավորվել են ապագա համագործակցության շուրջ աշխարհաքաղաքական հետաքրքրություն ներկայացնող հարցերի, տնտեսական և ներդրումային հնարավորությունների շուրջ, հայտնում է Reuters-ը։

ԱՄՆ-ը և Ռուսաստանը պայմանավորվել են հեռացնել իրենց հարաբերությունների «գրգռիչները» և սկսել աշխատել Ուկրաինայում պատերազմին վերջ տալու ծրագրի վրա, ասել է ԱՄՆ Պետդեպարտամենտը, հասկացնելով, որ ջանքերը դեռ վաղ փուլում են, հաղորդում է «Ամերիկայի ձայնը»:

«Մեկ հեռախոսազանգը և հաջորդ հանդիպումը բավարար չեն կայուն խաղաղություն ստեղծելու համար», - Սաուդյան Արաբիայում հանդիպումից հետո ասել է Պետդեպարտամենտի խոսնակ Թեմմի Բրյուսը։ Նա հավելել է, որ Միացյալ Նահանգները հանդիպումը համարում է ուկրաինական հակամարտությունը դադարեցնելու կարևոր քայլ, սակայն անհրաժեշտ են լրացուցիչ քայլեր։

Նրա խոսքով՝ Ռուսաստանն ու ԱՄՆ-ը համաձայնել են, որ Ուկրաինայում հակամարտության ավարտը պետք է լինի տեւական, կայուն եւ ընդունելի բոլոր կողմերի համար։

Ուկրաինա եվրոպական զորքեր ուղարկելու հարց այս պահին օրակարգում չկա։ Այս մասին France Info հեռուստաալիքին ասել է Ֆրանսիայի ԱԳՆ ղեկավար Ժան-Նոել Բարոն։

«Այս հարցը հիմա արդիական չէ։ Ոչ ոք չասաց, որ մտադիր են այսօր զորք մտցնել Ուկրաինա։ Մենք ասում ենք, որ խաղաղություն ենք ուզում»,- մեկնաբանել է Բարոն:

Այն հարցին, թե Եվրոպան Ուկրաինային անվտանգության երաշխիքներ է տրամադրում, Ֆրանսիայի արտգործնախարարն արձագանքել է, որ դեռ վաղ է այս թեմային անդրադառնալ։ Բարոն հրաժարվել է մեկնաբանել նաև Ուկրաինա զորք ուղարկելու հարցը։ Գերատեսչության ղեկավարի խոսքով՝ լրատվամիջոցներում նման ամպագոռգոռ հայտարարություններ չեն արվում։

Փետրվարի 15-ին Associated Press-ը հաղորդել է, որ եվրոպական մի խումբ երկրներ, այդ թվում՝ Բրիտանիան և Ֆրանսիան, «գաղտնի» աշխատում են Ուկրաինա զորքեր ուղարկելու ծրագրի վրա: Նշվում է, որ ԵՄ երկրները կարող են համապատասխան պլաններ պատրաստել՝ «Ռուսաստանի հետ ցանկացած ապագա խաղաղության համաձայնագրի» իրականացումն ապահովելու համար։ Մեծ «Բրիտանիան և Ֆրանսիան Ուկրաինա զորքեր մտցնելու պլանների առաջատարն են»,-ասվում է AP-ի զեկույցում:

Հռոմի կաթոլիկ եկեղեցու քրիստոնեական հոբելյանական տարվա շրջանակներում Հռոմի Ֆրանցիսկոս պապի հերթական լսարանը չեղարկվել է պոնտիֆիկոսի հիվանդության պատճառով։ Սուրբ Աթոռի մամլո ծառայությունը նշել է, որ խոսքը փետրվարի 22-ի մասին է, փոխանցում է ՏԱՍՍ-ը:

Փետրվարի 23-ին Սուրբ Պետրոսի տաճարում նախատեսված Ֆրանցիսկոսի պատարագը անցկացվելու է Ավետարանչական դիքաստերի նոր ավետարանչական բաժնի պրոպրեֆեկտ, հոբելյանական տարվա մշակութային ծրագրի կազմակերպիչներից մեկը՝ մոնսինյոր Ռինո Ֆիզիչելլան։

Հայտարարությունը հուշում է, որ 88-ամյա Ֆրենսիսի հոսպիտալացումը կարող է երկարաձգվել։ Նա փետրվարի 14-ից գտնվում է հիվանդանոցում, որտեղ բուժում էր ստանում շնչառական վարակի պատճառով։