Ջրասուզակները Հրազդան գետում հայտնաբերել են ջրահեղձ եղած տղամարդու մարմինը և այն դուրս են բերել:

Դեպքի փաստով Մաշտոցի քննչական բաժնում նախաձեռնվել է քրեական վարույթ, ոտղեղ էլ պարզում են մահացածի ինքնությունը:

Shamshyan.com-ի տեղեկություններով, մահացածը Երևանի բնակիչ 41-ամյա Ռուբեն Ք.-ն է, ով աշխատում էր «Թումո» ստեղծարար տեխնոլոգիաների կենտրոնում:

Հիշեցնենք, որ ավելի վաղ հաղորդել էինք, որ Հրազդան գետում ջրասուզակներն ու փրկարարները քաղաքացու են փնտրում:

ԱՄՆ-ում նախկին ուսուցչուհին բանտում է հայտնվել աշակերտին գայթակղելու համար. Այս մասին հայտնում է KRCG-ն։

Միսսուրի նահանգում տեղի ունեցած միջադեպը բացահայտվել է այն բանից հետո, երբ աշակերտներից մեկը կապվել է դպրոցի տեսուչի հետ և պատմել երիտասարդի և ուսուցչուհու հարաբերությունների մասին։

Իրավապահ մարմինները ստուգել են ուսուցչուհու հեռախոսը եւ հիշողության մեջ հայտնաբերել աշակերտի հետ խոսակցությունների ձայնագրությունները։ Ավելին, դպրոցի տնօրինությունը նախկինում նկատողություն էր արել կնոջը՝ «աշակերտների հետ չափազանց մտերիմ լինելու համար»։

Ուսուցչուհուն մեղադրանք է առաջադրվել բռնաբարության, աշակերտի նկատմամբ սեռական ոտնձգությունների և անչափահասին ոչ պատշաճ նյութեր ուղարկելու մեջ։

Ուսուցչուհին իրեն մեղավոր է ճանաչել դեռահասի նկատմամբ սեռական ոտնձգություն կատարելու մեջ։

Դատարանը ամբաստանյալին դատապարտել է չորս տարվա ազատազրկման և սեռական հանցագործություն կատարած անձանց բուժման 120-օրյա ծրագրի։ Բացի այդ, դատարանը հետ է կանչել նրա դասավանդման լիցենզիան, և նա այլևս չի կարողանա դասավանդել ուսումնական հաստատություններում։

Քիչ առաջ փրկարարները Հրազդան գետից դուս են բերել Թումոյի ծրագրի ղեկավարներից մեկի, 1984 թվականին ծնված Ռ. Ք․-ի մարմինը:

ArmLur.am-ին հասած տեղեկությունների համաձայն՝ երիտասարդ տղան մեքենան կայանել է Թումոյի կայանատեղիում, վզնոցն ու մատանին թողել մեքենայում եւ կամրջից ցած նետվել: Իսկ թե ինչու, առայժմ հայտնի չէ:

Ավելի վաղ shamshyan.com գրել էր, որ փետրվարի 19-ին արտակարգ դեպք է տեղի ունեցել Երևանում: Ժամը 09:35-ի սահմաններում ՀՀ ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է սատացվել, որ մի քաղաքացի Կիևյան կամրջից իրեն ցած է նետել:

Փրկարարները, պարեկներն ու ոստիկանները որոնողական աշխատանքի արդյունքում քաղաքացուն չեն հայտնաբերել և պարզվել է, որ, հնարավոր է, նա ընկել է Հրազդան գետը, ինչի համար արդեն 1 ժամից ավելի է ջրասուզակն ու փրկարարները գետի ամբողջ տարածքում որոնողական աշխատանքներ են կատարում: Քիչ առաջ ջրասուզակները գետում հայտնաբերել են ջրահեղձ եղած տղամարդու մարմինը և այն դուրս են բերել:

Մանրամասները՝ սկզբնաղբյուր կայքում։

Նիկոլ Փաշինյանը այսօր՝ փետրվարի 19-ին, հայտնել է, որ երեկոյան պատրաստվում է կոչով հանդես գալ:

«Ժամը 19:00-ին գաղափարախոսական ուղերձով դիմելու եմ ժողովրդին»,- ասել է նա:

Ուկրաինայի նախագահ Վլադիմիր Զելենսկին հայտարարել է, որ ուկրաինացիների շրջանում իր նկատմամբ ենթադրյալ 4 տոկոս վստահության մասին տեղեկությունը գալիս է Ռուսաստանից։ Նրա խոսքով՝ այս թվերը քննարկվում են ԱՄՆ-ի և Ռուսաստանի միջև։ Այս մասին, ըստ news.am-ի,  հայտնում է РБК-Украина-ն՝ վկայակոչելով Զելենսկիին ԱՄՆ-ի և Ռուսաստանի պատվիրակությունների բանակցությունների ֆոնին կայացած մամուլի ասուլիսում։

Զելենսկին պատասխանել է ԱՄՆ նախագահ Դոնալդ Թրամփի այն հայտարարությանը, թե իբր ինքը Ուկրաինայի քաղաքացիների շրջանում ունի 4 տոկոս վստահության վարկանիշ։ Պետության ղեկավարը նշել է, որ չի մեկնաբանում սոցիոլոգիական հարցումները, սակայն հիշեցրել է, որ KIIS-ի վերջին վարկանիշը ցույց է տվել, որ ուկրաինացիների 57%-ը վստահում է իրեն։

«Եթե ինչ-որ մեկը ցանկանում է փոխարինել ինձ հենց հիմա, ապա հենց հիմա դա չի ստացվի», - ասել է նախագահը:

Զելենսկին հավելել է, որ 4 տոկոս վստահության մասին տեղեկությունը գալիս է Ռուսաստանից, և այն քննարկվել է ԱՄՆ-ի և Ռուսաստանի ներկայացուցիչների միջև։

«Մենք դա հասկանում ենք և ունենք ապացույցներ, որ այդ թվերը քննարկվում են Ամերիկայի և Ռուսաստանի միջև։ Ցավոք, նախագահ Թրամփը, ում նկատմամբ մենք մեծ հարգանքով ենք վերաբերվում որպես ժողովրդի առաջնորդ, ում մենք շատ ենք հարգում, ապրում է ապատեղեկատվական տարածքում», - ասել է նախագահը։

Պետության ղեկավարն ընդգծել է, որ այժմ թիվ մեկ խնդիրը վստահության վարկանիշը չէ, այլ այն, թե ինչպես կարող է Ուկրաինան պաշտպանվել ռուսական գնդակոծությունից և ինչպես վերադարձնել ռազմագերիներին:

«Patriot-ների թվի ավելացման մասին իմ հարցին ԱՄՆ-ից պատասխան չեմ լսել, թեև անընդհատ բարձրաձայնում եմ»,- հավելել է Զելենսկին։

ԱՄՆ դոլարի փոխարժեքն այսօր՝ փետրվարի 19-ին, կազմել է 395.72 դրամ՝ նախորդ օրվա համեմատ նվազելով 0.51 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 412.42 դրամ (նվազել է 2.20 դրամով), բրիտանական ֆունտի փոխարժեքը կազմել է  498.21 դրամ (նվազել է 0.92 դրամով), իսկ ռուսական ռուբլու փոխարժեքը կազմել է 4.39 դրամ (աճել է 0.04 դրամով):

Հայաստանյան բանկերում դոլարը գնվում է 392-394.5 դրամով, վաճառվում է 397-399 դրամով:

Եվրոն բանկերում գնվում է 405-411 դրամով, վաճառվում է 416-421 դրամով:

Ռուբլին բանկերում գնվում է 4.10-4.28 դրամով, վաճառվում է 4.32-4.60 դրամով: Փոխանակման կետերում իրավիճակը հետևյալն է.

դոլարը գնվում է 394 դրամով, վաճառվում՝ 397.5 դրամով:

Եվրոն գնվում է 414 դրամով, վաճառվում է 417.5 դրամով:

Ռուբլին գնվում է 4.23 դրամով, վաճառվում է 4.33-4.35 դրամով:

ԱՄՆ-Ռուսաստան ընթացող բանակցություններում, որոնց վրա սևեռված է ամբողջ աշխարհի ուշադրությունը, կարևոր են նաև դետալները։ Այս մասին թելեգրամյան իր ալիքում գրել է  թյուրքագետ Վարուժան Գեղամյանը։

«Այդ կարևոր դետալներից մեկն, ըստ իս, այն է, որ Թուրքիան փաստացի զրկվել է ուկրաինական հակամարտությունում չեզոք երկրի, հետևաբար նաև միջնորդի կարգավիճակից։  Հիշեցնեմ, որ 2022-2023-ին հենց Անկարան էր գլխավոր միջնորդը, ինչից զգալիորեն օգտվում էր Էրդողանը՝ լուծելով իր խնդիրները։ Այժմ իրավիճակը փոխվել է։ Թուրքիան զիջել է իր դերը Սաուդյան Արաբիային, որտեղ և տեղի ունեցան ԱՄՆ-ՌԴ բանագնացների հանդիպումը, ինչպես նաև, ամենայն հավանականությամբ, շուտով տեղի կունենա նախագահներ Թրամփի ու Պուտինի առաջիկա հանդիպումը։ Եթե պարզեցնենք, ապա սա լավ լուր է, քանի որ զրկում է Թուրքիային արտաքին քաղաքականության հարցերում մանևրելու լայն դաշտից, ինչպես նաև վկայում է ՌԴ համար վերջինիս դերի նվազման ու երկկողմ հարաբերություններում առկա լարվածության մասին։

Այս ամենը՝ համադրված այլ մի շարք փաստերի հետ, փոքր լավատեսության հիմք է տալիս Հարավային Կովկասում Թուրքիայի դերի համեմատաբար սահմանափակման առումով։ Իհարկե, սա չի նշանակում, որ մեր սպառնալիքները կվերանան ինքնաբերաբար։ Սակայն դրանց դիմադրելու հնարավորություններն են մեծանում, որից պետք է օգտվեն ազգային ուժերը»,-գրել է նա։

Պուտին-Թրամփ բանակցությունները կարող են տեղի ունենալ մինչև փետրվարի վերջ կամ ավելի ուշ, լրագրողներին ասել է ՌԴ նախագահի մամուլի քարտուղար Պեսկովը, փոխանցել է «ՌԻԱ Նովոստի»-ն։

«Արևմտյան լրատվամիջոցները շատ բան են գրում, մեր լրատվամիջոցները շատ բան են գրում...

Կարող է լինել, կարող է եւ չլինել»,- ասել է Պեսկովը՝ պատասխանելով հարցին, թե արդյոք Պուտինի եւ Թրամփի միջեւ բանակցությունները կարող են տեղի ունենալ մինչեւ փետրվարի վերջ։

Վլադիմիր Մարտիրոսյանը ֆեյսբուքյան իր էջում գրում է. «Ասել, թե հավաքական արևմուտքը Ուկրաինայի հետ արեց այն ամենը, ինչ որևէ թշնամի իր ամենավերջին թշնամու հետ չէր արել, նշանակում է ոչինչ չասել:

Սա գցոցի չէր, սա նույնիսկ մատաղ անել չէր: Սա մի մեծ բիզնես պրոյեկտ էր այն արևմտյան իսթեբլիշմենթի համար, որն այսօր այլևս չկա (Բայդեններ, Բորիս Ջոնսոններ, Շառլ Միշելներ, Բլինքեններ): Չկան և չկա նրանց երաշխիքն ու շահը: Կա միայն ավերակ Ուկրաինան, նրա 4% ծաղրածու առաջնորդը, ուկրաինական պատերազմի քեյսով միլլիոններ աշխատած ուկրաինացի կոռումպացված պաշտոնյաները և ուրիշ ոչինչ բացի դժբախտությունից և արհավիրքից:

Թրամփի հայտարարությունները ավարտական վերջակետ դրեցին այս ամենի վրա: Սա նախ և առաջ ասում եմ ոչ թե այն առումով, որ հակաարևմտական եմ կամ ռուսամետ, իմ մասնագիտությունը դա ինձ թույլ չի տալիս, որովհետև ոչ մեկն եմ ոչ էլ մյուսը, այլ այն առումով, որ քաղաքականությունը ծաղրածուներին ատելով ատում է և կիրառում նրանց բացառապես ի վնաս սեփական պետության, երբ գալիս է գործարքի եկամտաբերության ավարտը:

Հ.Գ. Ցավոք, դեռ երկար ուկրաինացիները չեն ընկալելու, որ այս պատերազմում ամենագթասիրտ կողմը և, ի վերջո, նորից Ուկրաինային տիրություն անող կողմը լինելու է Ռուսաստանը, այլ ոչ թե Ուկրաինան այս ողջ ընթացքում բազմաթիվ մոտիվացիաներով շահագործողներն ու օգտագործողները:

Այս ամենից կարծես ահռելի դասեր քաղողներ պետք է լինեին նաև Հայաստանում: Ցավոք, չեն քաղի, որովհետև ծաղրածուի դերը միակն է, որն իրենց հանձնարարված է»:

Առաջիկայում ձյան առատ տեղումների կանխատեսմամբ պայմանավորված՝ մայրաքաղաքում ակտիվ կերպով իրականացվում են եղանակային անբարենպաստ պայմաններում հնարավոր դժվարությունները հաղթահարելուն և մայրաքաղաքում կյանքը բնականոն հունով կազմակերպելուն ուղղված աշխատանքները:

Այս մասին հայտնում են Երևանի քաղաքապետարանից, որը նաեւ տեսանյութ է պատրաստել:

Մանրամասները՝ տեսանյութում: