«Հրապարակ» թերթը գրում է. «Դավթաշեն վարչական շրջանի աշխատակազմի գլխավոր քարտուղար Ալբինա Ահարոնյանը բոլոր տոները մեծ հանդիսավորությամբ նշում է, կոլեկտիվին ներգրավում, երբեմն անգամ դրես-կոդ սահմանում, որ տոնին համահունչ հագուստով ներկայանան:

ՔՊ-ական տիկինը մեծ հանդիսավորությամբ նշել է Սիրո տոնը՝ իր աշխատասենյակում կարմիր սրտիկ փուչիկներով ռոմանտիկ մթնոլորտ ստեղծել, հրավիրվածներին նախապես զգուշացրել, որ հագուստի մեջ կարմիր գույն ներառեն՝ օրվան համահունչ։

Ներկաներից ոմանք լուսանկարներ էին հրապարակել՝ կից գրությամբ․ «Աղի բլիթ-Վալենտին, աշխատանքային փարթի»։ Դավթաշենի թաղապետն Արամ Սարգսյանի «Հանրապետություն» կուսակցության անդամ Ալբերտ Հովասափյանն է։ Ի դեպ, նախկին ՔՊ-ական թաղապետն էլ աշխատասենյակում խորոված փարթի էր արել, ինչը դարձավ պաշտոնանկության առիթ>:

ԱՄՆ նախագահ Դոնալդ Թրամփը Վլադիմիր Զելենսկուն անվանել է «համեստ հաջողության հասած կատակերգու», որը ԱՄՆ-ին համոզել է 350 միլիարդ դոլար հատկացնել մի պատերազմի համար, որում նա չի կարող հաղթել, և որը երբեք չպետք է սկսվեր: Այս մասին Թրամփը գրել է Truth սոցցանցում, փոխանցում է Russian Mirror-ը։

«ԱՄՆ-ն 200 միլիարդով ավելի շատ է ծախսել, քան Եվրոպան, բայց Եվրոպայի փողերը երաշխավորված են, այնինչ ԱՄՆ-ն ոչինչ հետ չի ստանա»,-հայտարարել է նա:

Ամերիկացի առաջնորդը նշել է, որ առանց ԱՄՆ-ի մասնակցության Զելենսկին երբեք չի կարողանա հաշտություն կնքել Ռուսաստանի հետ՝ հիշեցնելով, որ Ուկրաինան ավերված է, իսկ միլիոնավոր մարդիկ անիմաստ են զոհվել:

Թրամփը կրկնել է Ուկրաինայի առաջնորդի չափազանց ցածր վարկանիշի մասին իր հայտարարությունը:

«Նա հրաժարվում է ընտրություններից, շատ ցածր վարկանիշ ունի ուկրաինական հարցումներում, և միակ բանը, որ նրա մոտ լավ է ստացվում, Բայդենի վրա «ջութակի պես նվագելն է»։ Բռնապետ՝ առանց ընտրությունների, Զելենսկին լավ կանի՝ արագ շարժվի, հակառակ դեպքում նրա երկրից բան չի մնա»,-գրել է Թրամփը։

Բացի այդ, նա հայտարարել է, որ պատերազմը շատ ավելի կարևոր է Եվրոպայի, քան ԱՄՆ-ի համար, քանի որ «ԱՄՆ–ն մեծ, գեղեցիկ օվկիանոս ունի որպես բաժանարար»:

Նշենք, որ Զելենսկին պատասխանել է Թրամփի խոսքերին, որը հայտարարել էր, թե ուկրաինացիների միայն 4 տոկոսն է աջակցում իր նախագահին։ Քաղաքական գործիչն այդ տեղեկություններն անվանել էր «Ռուսաստանից եկող ապատեղեկատվություն և հավաստիացրել. «Եթե ինչ-որ մեկն ուզում է ինձ փոխարինել հենց հիմա, ապա հենց հիմա ոչ մի կերպ չի ստացվի»:

Թուրքիան շուրջ 10 տարի դադարից հետո կրկին սկսել է գնել ԱՄՆ գանձապետարանի սահմանափակ թվով թողարկված պարտատոմսեր: Այս մասին տեղեկացնում է ermenihaber.am-ը։

ԱՄՆ գանձապետարանի վարչության տվյալների համաձայն՝ 2023-ի տարեվերջին Թուրքիան գնել է շուրջ 2.2 մլրդ, իսկ 2024-ի տարեվերջին՝ ավելի քան 12.8 մլրդ դոլար արժողությամբ պարտատոմսեր:

Նշվում է, որ 12 մլրդ դոլարից 9.5 միլիարդն ուղղվել է երկարաժամկետ, իսկ ավելի քան 3.2 միլիարդը՝ կարճաժամկետ պարտատոմսերի գնմանը:

Նման գնման ծավալները թուրքական մամուլում որակվել են ռեկորդային:

Աբխազիայի կառավարությունը կասեցրել է հանրապետության քաղաքացիների անձնագրերի տրամադրումը 18 և ավելի բարձր տարիքի անձանց՝ մինչև նախագահական ընտրությունների ավարտը։ Համապատասխան հրամանը ստորագրել է Աբխազիայի վարչապետի պաշտոնակատար Վալերի Բգանբան, հայտնում է ТАСС-ը։

Փետրվարի 15-ին Աբխազիայում անցկացվել է նախագահական ընտրությունների առաջին փուլը։ Երկրորդ փուլում, որը նշանակված էր մարտի 1-ին, հինգ թեկնածուներից երկուսն են մնացել՝ Ադգուր Արձինբան և Բադրա Գունբան:

Ընտրությունների առաջին փուլից հետո ընդդիմության ներկայացուցիչները հայտարարեցին, որ ընտրություններին ընդառաջ հանրապետության իշխանությունները զանգվածաբար աբխազական անձնագրեր էին տրամադրում։ Որոշ դիտորդներ իրենց վարկածը հիմնավորել են այն փաստով, որ շատ ընտրողների ձեռքում եղել են բոլորովին նոր անձնագրեր:

Միացյալ Նահանգները հաջորդ շաբաթ սպասում է Ֆրանսիայի նախագահ Էմանուել Մակրոնի և Մեծ Բրիտանիայի վարչապետ Քիր Սթարմերի այցին Վաշինգտոն, որտեղ կքննարկվեն Ուկրաինայի հակամարտության կարգավորման վերաբերյալ հարցեր։ Այս մասին Fox News-ին տված հարցազրույցում հայտարարել է ԱՄՆ նախագահի ազգային անվտանգության գծով օգնական Մայք Ուոլցը։

Նա նշել է, որ ամերիկացի յոթ պաշտոնյաներ վերջերս այցելել են Եվրոպա, մասնավորապես՝ Մյունխեն, որպեսզի քննարկեն իրավիճակը եվրոպացի դաշնակիցների հետ։ Ուոլցը հավելել է, որ Մակրոնի և Սթարմերի հետ առաջիկա հանդիպումները կօգնեն հետագա աշխատանքին հակամարտության կարգավորման ուղղությամբ, իսկ հաջորդ քայլը կլինի տեխնիկական խմբերի ստեղծումը՝ հարցերն ավելի մանրամասն քննարկելու համար։

Զելենսկին չի կարող հավակնել նրան, որ ներկայացնում է ուկրաինացի ժողովրդի կամքը, քանի դեռ չի վերականգնել մամուլի ազատությունը և վերջ չի տվել ընտրությունները չեղարկելուն։

Դրա մասին հայտնել է Թրամփի աջակից, միլիարդատեր Իլոն Մասկը։

Հիշեցնենք, որ ԱՄՆ նախագահ Թրամփը Զելենսկիին բռնապետ է անվանել և մեղադրել ընտրությունները մերժելու մեջ։

Ավելի ուշ Ուկրաինայի արտգործնախարար Անդրեյ Սիբիգան պատասխանել է, որ ոչ ոք Ուկրաինային չի կարող ստիպել հանձնվել։

Կարուսելների և արտադրական վտանգավոր այլ օբյեկտների տեխնիկական անվտանգության պատշաճ ապահովման նպատակով ՆԳ նախարարության նախաձեռնությամբ իրազեկման և վերահսկման մակարդակում իրականացվում են գործուն քայլեր` պատասխանատու բոլոր մարմինների ու կազմակերպությունների համագործակցությամբ։

«Կարևորելով արտադրական վտանգավոր օբյեկտների՝ մասնավորապես կարուսելների անվտանգ շահագործումը մարդկանց կյանքի և առողջության ապահովման տեսանկյունից, ՆԳ նախարարության նախաձեռնությամբ տեղի է ունեցել հանդիպում-քննարկում։

Պատասխանատու գերատեսչությունները մասնակիցներին իրազեկել են կանխարգելիչ միջոցառումների մասին՝ հորդորելով նախապես անցկացնել փորձաքննություն և ստանալ փորձագիտական եզրակացություն, ինչը թույլ կտա հետագայում անխոչընդոտ շահագործել կարուսելներն ու խուսափել կիրառվող խիստ վարչարարությունից։

Մասնակիցները պատրաստակամություն են հայտնել նմանատիպ հանդիպումները դարձնել շարունակական՝ ոլորտում առկա խնդիրները լուծելու և թերությունները վերացնելու նպատակով»,-  նշված է Ներքին գործերի նախարարության տարածած հաղորդագրության մեջ:

Նախարարությունից նաև հայտնում են, որ պատասխանատու այլ մարմինների հետ շարունակվելու է աշխատանքը` հնարավոր բոլոր ռիսկերն ու վտանգները կանխելու ուղղությամբ։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ փետրվարի 20-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևան քաղաք՝

10։00-15:00 Ներքին Չարբախ 1 փողոցի առանձնատներ և հարակից ոչ բնակիչ- բաժանորդներ,

10։30-16:30 Արշակունյաց պող․ 42, 42/2, 44 շենքեր և հարակից ոչ բնակիչ- բաժանորդբեր,

11։00-17:00 Խաղաղ Դոնի փ. 27 շենք, Նազարբեկյան փ. 41, 43, 44 շենքեր, Շահումյան 8 փողոց 2, 4, 6 շենքեր, Սեբաստիայի փ. 82, 86 շենքեր, Վարդանանց-Խանջյան խաչմերուկի պոմպակայան և հարակից ոչ բնակիչ-բաժանորդներ, Կիլիկիա թաղամաս մասնակի և հարակից ոչ բնակիչ- բաժանորդներ, Ավան՝ Հովհաննիսյան թաղամաս մասնակի, Նարեկացի թաղամաս մասնակի և հարակից տարածքների առանձնատներ, Առինջ գյուղ՝ Խ․Աբովյանի թաղամասի առանձնատներ և հարակից ոչ բնակիչ-բաժանորդներ, Արղության փ. 10-34 առանձնատներ, Մալխասյանց փողոցի Էյչ-Էս-Բի-Սի Բանկ, Համո Սահյան փ. 86-104 առանձնատներ, Մալխասյանց 2-րդ նրբանցք 51-119 առանձնատներ, Մալխասյանց փ. 1, 1/9-1/11, 31 շենքեր և 5-25 առանձնատներ, Արղության փ. 8/3-10/5 շենքեր, Էմինի փ. 82-92/2 շենքեր և 1-9, 99-120, 121/148 առանձնատներ, Վրացական 4-րդ նրբանցք 5-7 շենքեր, Կոմիտասի պող. 19-21/2, 32/8, 39-41/3 շենքեր, Մամիկոնյանց փ. 45-49, 51-62 շենքեր, Ա.Խաչատրյան փ. 27-33, 31/1-33/2 շենքեր, Մանուշյան փ. 66-107 առանձնատներ, Այգեկցի փ. 67-103 առանձնատներ, Սևքարեցի Սաքոյի փ. 59-92 առանձնատներ, Ազատության պող. 1/15-1/45 շենքեր, Նիկոլ Դումանի փ. 22-55/1 առանձնատներ, Արաբկիր 38 փողոց 1-10 առանձնատներ, Բարբյուսի փ. 1-7 առանձնատներ, Փափազյան փ. 21 շենք, Սարկավագի փ. 72-72/9, 147-151 շենքեր, Սարկավագի փ. 1-16 առանձնատներ, Սարկավագ 1-ին նրբ. 1-15; 2-րդ նրբ. 1-6Ա առանձնատներ, Նոյ թաղամաս, Լենինգրադյան, Շինարարների, Արզումանյան, Բաշինջաղյան, Վշտունի, Խաչատրյան, Հասմիկի, Հասրաթյան, Առաքելյան փողոցներ մասնակի,

Արմավիրի մարզ՝

10։00-14:00 Արմավիր քաղաք՝ Սայաթ-Նովայի և Արարատյան փողոցներ,

Արագածոտնի մարզ՝

11։00-17:00 Աշտարակ քաղաք՝ Տիգրան Մեծի, Ղափանցյան, Ալեք Մանուկյան, Լինչի, Ոսկանյան, Թումանյան,Նարեկացի, Վ.Պետրոսյան, Ն.Աշտարակեցի, Զ.Անդրանիկ, Ոսկանյան, Թամազյան, Ս.Շահազիզի, Տերյան և Շահնազարյան փողոցներ, Արագածոտն, Նոր Ամանոս և Նոր Եդեսիա գյուղեր,

Արարատի մարզ՝

10։00-11։30 Մրգանուշ գյուղ մասնակի,

10։00 13։00 Նոր Կյուրին, Հովտաշատ և Մարմարաշեն գյուղեր մասնակի,

10։00-16։00 Նորամարգ, Ռանչպար և Արաքս գյուղեր մասնակի,

11։00-12։00 Դարակերտ գյուղ, Խաչփառ և Ղուկասավան գյուղեր մասնակի,

12։00-13։00 Ազատաշեն, Արբաթ, Գեղանիստ և Գետափնյա գյուղեր, Արգավանդ, Խաչփառ և Ղուկասավան գյուղեր մասնակի,

13։00-14։00 Խաչփառ, Հայանիստ և Հովտաշատ գյուղեր մասնակի,

Վայոց Ձորի մարզ՝

10։00-12։00 Ջերմուկ քաղաք՝ Շահումյան և Սարվորների փողոցներ մասնակի,

10։00-13։30 Վայք քաղաք՝ Շահումյան փողոց մասնակի և Ջերմուկի խճուղի մասնակի,

10:30-12:30 Եղեգնաձոր քաղաք՝ Գագարինի, Թումանյան, Իսրայել Օրի և Կոմիտասի փողոցներ մասնակի,

11։00-15:00 Եղեգնաձոր քաղաք՝ Երևանյան խճուղի 1, 96, 98 հասցեներ, Աղավնաձոր գյուղ մասնակի և Արփի գյուղ,

Կոտայքի մարզ՝

10։30-13:00 Կարենիս համայնք, Ավետարանի, Հավատքի, Քրիստոնեական Եկեղեցի, «Արտսոն Գրուպ» ՍՊԸ, «Յուքոմ» ընկերության բջջային օպերատորի կայան և հարակից ոչ բնակիչ-բաժանորդներ,

11։00-12:00 Հրազդան քաղաք՝ Շահումյան փողոց մասնակի, Ավետիսյան փողոց, Երևանյան խճուղի, Երիտասարդական և Հարավային թաղամասեր, թիվ 4 դպրոց, թիվ 7 մանկապարտեզ, «Հրազդանի շարժիչների նորոգման փորձարարական գործարան» ՍՊԸ, «Վարուժան Մկրտչյան», «Արտաշես Ղազարյան» ԱՁ-ներ, «ՀՄՄ մայնինգ» և «Շտրաբագ» ՍՊԸ-ներ և հարակից ոչ բնակիչ-բաժանորդներ,

11։00-17։00 Զովք, Գեղաշեն գյուղեր և հարակից ոչ բնակիչ-բաժանորդներ, Նոր Գեղի գյուղ՝ Կոյուղի թաղամաս և հարակից ոչ բնակիչ-բաժանորդներ, Արզնի համայնք և հարակից ոչ բնակիչ-բաժանորդներ, Բյուրեղավան քաղաքի ոչ բնակիչ-բաժանորդներ մասնակի, «Բյուրեղաշող», «Գոլդեն Ֆլաուեր», «Արզնի Էքսպրես», «Վյակ», «Էյ Էլ Թի», «Արզնի Գրուպ», «Լուսիմա», «Ե/Գ Առողջարան» ՍՊԸ-ներ, «Արզնի էսթետիկա» վիրաբուժության կենտրոն և սպա, Հանգստի գոտի, «Ե/Գ Առողջարան» ՍՊԸ, «Կ․ Պողոսյան» և «Ա․ Ահարոնյան» «Նարեկ 95» ԱՁ-ներ, Սեփականատերեր՝ «Մ․ Հարությունյան», «Նարեկ Առաքելյան», «Վ․ Մանուկյան», «Վ․ Հակոբյան», «Կոյուղի», «Մանո», «Սանատորիա», «Խաչմերուկ», «Գետաշեն», «Սառնարան», «Գերեզմաններ» և «Գյուղապետարան» թաղամասեր,

12։00-15:00 Ծաղկաձոր քաղաք՝ Մայիսյան, Պահլավունյաց, Մհեր Մկրտչյան, Սարալանջի և Չարենցի փողոցներ, Ոստիկանություն, Դպրոց, Մանկապարտեզ, «Ոսկու աշխարհ» հյուրանոց, «Սոֆիա Առաքելյան», «Դահուկ», «Ռոյալ» ՍՊԸ-ներ, «Միքայել Վարդանյան», «Բրյուսով», «Ադոմաս», «Կուսաստան-Հայաստան» հանգստյան տներ և հարակից ոչ բնակիչ-բաժանորդներ,

Գեղարքունիքի մարզ՝

10։30-16։30 Արեգունի, Դարանակ, Փամբակ, Ծափաթաղ գյուղեր և հարակից ոչ բնակիչ-բաժանորդներ, «Թուֆենկյան Հոսպիթալիթի» ՍՊԸ, «Վիվա Արմենիա», «Տելեկոմ Արմենիա», «Յուքոմ» ընկերությունների բջջային օպերատորների կայաններ,

11։00–13:00 Ծովասար բնակավայրն ամբողջությամբ և հարակից ոչ բնակիչ- բաժանորդներ,

11։00-14։00 Ճամբարակ քաղաք՝ Ներքին Ճամբարակ թաղամաս, Վերին Ճամբարակ թաղամասի գերեզմանամերձ հատվածներ, «Պարգև» ՍՊԸ, թիվ 5 մանկապարտեզ, Շորժա, Ջիլ գյուղեր և հարակից ոչ բնակիչ-բաժանորդներ, զորամաս, Ծաղկաշեն և Գանձակ գյուղերն ամբողջությամբ, Գանձակ գյուղ՝ «Աշոտ Հարությունյան» ԱՁ, Գանձակի «կարտոֆիլի պահեստներ» կոչվող տարածք, Գանձակի ջրմուղ, Հացառատ գյուղ՝ Հացառատ թաղամաս մասնակի, թիվ 8 դպրոց, Մանկապարտեզ, Հացառատի «գլանոց» կոչվող տարածք,

11։00–16:30 Երանոս բնակավայրն ամբողջությամբ և հարակից ոչ բնակիչ- բաժանորդներ,

14։30-16։30 Շորժա և Արտանիշ գյուղեր,

13։00–14:00 Ծակքար բնակավայրն ամբողջությամբ և հարակից ոչ բնակիչ- բաժանորդներ,

Տավուշի մարզ՝

09:45-11:00 Նոյեմբերյանի տարածաշրջան՝ Դովեղ գյուղ և հարակից ոչ բնակիչ- բաժանորդներ,

10:00-12:00 Դիլիջան քաղաք՝ Մյասնիկյան փողոց մասնակի և 26 Կոմիսարների փողոց մասնակի

Սյունիքի մարզ՝

10:00-12:00 Խնածախ, Խոզնավար և Վաղատուր գյուղեր:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

«Հրապարակ» թերթը գրում է. «Ի տարբերություն Գյումրու, Փարաքարում մարտի 30-ին կայանալիք ՏԻՄ ընտրություններով քաղաքական դաշտն այդքան էլ հետաքրքրված չէ, ուստի հնարավոր է կրկնվի նախորդ ընտրությունների պատկերը։ Մասնակցելու հայտ է ներկայացնելու «Ապրելու երկիր» կուսակցությունը, որը 2021-ին ստացել էր ամենաշատ՝  48.94% ձայներ եւ ավագանու 21 մանդատից 10-ը, սակայն չկարողացավ ձեւավորել մեծամասնություն, քանի որ ՔՊ-ն, իր լծակները գործի դնելով, գործարքի գնաց Դավիթ Մինասյանի հետ, եւ ձեւավորեցին կոալիցիա։ «Ապրելու երկրի» թեկնածուն կրկին կլինի Վոլոդյա Գրիգորյանը։

ՔՊ թեկնածուն համայնքապետի ԺՊ Լյուդվիգ Գյուլնազարյանն է, որը նախորդ ընտրություններից հետո համայնքի ղեկավարի 1-ին տեղակալն էր, այնուհետեւ ղեկավար դարձավ` Դավիթ Մինասյանի հրաժարականից հետո։ Սակայն 2023-ի աշնանը մահվան ելքով միջադեպից հետո նա հրաժարական տվեց, բայց կուսակցության անցկացրած փրայմերիզի արդյունքում կրկին դարձավ ՔՊ-ի թեկնածուն։ 2021-ին ՔՊ-ն ստացել էր 27.54% ձայն։

Այս թիմն ունի ավագանու ազդեցիկ անդամներ, համախոհներ, որոնք կարող են հետընտրական շրջանում միավորվել ՔՊ-ի հետ, եթե «Ապրելու երկրին» չհաջողվի ստանալ 50%-ից ավելի ձայն։ Կան մտահոգություններ, որ Փարաքարի ընտրությունները չեն անցնի առանց քրեական միջադեպերի, հիշենք, որ համայնքի մաս կազմող Մերձավանում վերջին միջադեպի արդյունքում անգամ մարդ սպանվեց»:

«Հրապարակ» թերթը գրում է. «Համալսարանական շրջանակներից ստացված տեղեկություններից դատելով, առաջիկայում բուհերի ուսման վարձավճարներն էլ կբարձրանան: Բանն այն է, որ դեռ տարիներ առաջ կառավարության որոշում է ընդունվել, ըստ որի` բուհական կրթության տարեկան վարձավճարի վերին սահմանն է ֆիքսվել, որ բուհերը կամայականություն չդրսեւորեն: Սահմանվել է, որ տարեկան 1 միլիոն դրամից ավելի չի կարող լինել ուսման վարձը:

Ամեն ինչ «բարեփոխող», այսինքն` թանկացնող իշխանությունը որոշել է այստեղ էլ «բարեփոխում» անել, եւ հիմա ԿԳՄՍՆ-ում քննարկում են 1 միլիոնի սահմանափակումը հանելու հարցը: Հիմնավորումն այն է, թե մասնավոր դպրոցներ ու մանկապարտեզներ կան, որտեղ 1 միլիոնից ավելի է տարեկան վարձը»

Առավել մանրամասն թերթի այսօրվա համարում