Մայր Աթոռից հայտնում են․ 

Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի տնօրինությամբ առաջիկա շաբաթ, մեր հավատո Հայր Սուրբ Գրիգոր Լուսավորչի նշխարների գյուտի տոնի նախընթաց շաբաթապահքի օրերին՝ հունիսի 30-ից հուլիսի 4-ը, Մայր Աթոռ Սուրբ Էջմիածնի Մայր Տաճարում, Երևանի Սուրբ Գրիգոր Լուսավորիչ մայր եկեղեցում և թեմական առաջնորդանիստ եկեղեցիներում երեկոյան ժամը 18։30-ին կմատուցվի Սուրբ և Անմահ Պատարագ՝ գերյալների ազատության, նեղյալների մխիթարության և հայրենի երկրի խաղաղության համար։

Թող Աստված ունկնդիր լինի մեր աղոթքներին, և Տիրոջ Սուրբ Աջը հովանի լինի համայն աշխարհին, մեր հայրենիքին և մեր ողջ ժողովրդին. ամեն։

Եկատերինբուրգում տեղի ունեցած դեպքերից հետո ադրբեջանական մի շարք լրատվականներ բացահայտ հակառուսական քարոզչություն են տանում։

Այսպես, Արդրբեջանում հայտնի ադրբեջանցի լրագրող և ակտիվիստ Աֆղան Մուխտարլին մեկնաբանել է Եկատերինբուրգում հինգ ադրբեջանցիների ենթադրյալ սպանությունը և կոչ արել այրել երկրում ՌԴ դեսպանատունը։

«Մեր հինգ հայրենակիցները սպանվել են, բայց Ռուսաստանի դեսպանատունը չի այրվել: Իրենց հարգող ազգերը քարը քարի վրա չէին թողնի այդ դեսպանատնից», - գրել է նա։

Ադրբեջանի պետական լրատվական գործակալությունն իր հերթին բացահայտ հակառուսական մի շարք պնդումներ է հրապարակել, իսկ ադրբեջանական «Minval» լրատվամիջոցը ՌԴ նախագահ Վլադիմիր Պուտինին անվանել է «շովինիստ»։

Ավելի վաղ էլ Ադրբեջանի մշակույթի նախարարությունը հայտարարել էր, թե Ռուսաստանի պետական ​​և մասնավոր հաստատությունների կողմից երկրում նախատեսված բոլոր միջոցառումները չեղարկվում են։

Նշենք, որ Բաքուն մեղադրում է Ռուսաստանին քրեական հեղինակությունների տների վրա կատարված խուզարկությունների ժամանակ ՌԴ ԱԴԾ անվտանգության ուժերի կողմից, իբր, հինգ ադրբեջանցու սպանելու մեջ։ 

 

Փաստաբան Մանուշ Եսայանի ֆեյսբուքյան գրառումը․ «Երեկ փորձում էի վերլուծել նախորդ օրվա կատարվածը և մի քանի արձանագրում՝ զուտ աչքներս մտցնելու համար, որ կարողանանք ընդունել այս իրականությունը.

Հայաստանում որևէ կառույցի ներկայացուցիչներ միասնական չեն, անգամ եկեղեցին։ Այլ կերպ ասած անգամ խմբային մակարդակում թասիբ կոչվածը բացակայում է։

Ըստ իս միասնականն այն է, երբ երկու օր առաջ ստեղծված խայտառակ իրավիճակի դեմ պետք է իրենց բողոքի ձայնը ասեին բոլոր եկեղեցիները և եկեղեցականները, որը չեղավ։ Մարզերի և Երևանի տասնյակ եկեղեցիներից և եկեղեցականնից արձագանքեցին և որևէ կերպ բողոքի ձայն բարձրացեցին միայն 1 տոկոսը։

Հետևապես սպասել միասնական մոտեցման և պայքարի՝ արդեն անհնարինների շարքից է։

Սա ցավոտ է ընկալել, բայց պետք է։

Հ.Գ. Ընկալել և ընդունել չի նշանակում համակերպվել»։

Աղբյուրը` Մանուշ Եսայան

Ադրբեջանի խորհրդարանական պատվիրակությունը հրաժարվել է մասնակցել Ադրբեջանի Հանրապետության և Ռուսաստանի Դաշնության միջև համագործակցության միջխորհրդարանական հանձնաժողովի 23-րդ նիստին, հաղորդում է Միլի Մեջլիսը։

Հանդիպումը պետք է տեղի ունենար Մոսկվայում։

Եկատերինբուրգի դատարանը կալանավորել է երկու ադրբեջանցիների՝ նախորդ տարիների սպանությունների գործի շրջանակում։ Ինչպես հաղորդում է ՌԻԱ Նովոստին, դատարանը կալանքի տակ է վերցրել Ակիֆ և Մազահիր Սաֆարովներին՝ կազմակերպված խմբի կողմից նախնական դավադրությամբ կատարված սպանության մեղադրանքով:

Քննության վարկածով՝ նրանք հանցախմբի կազմում են եղել, որը ներգրավված է եղել 2001, 2010, 2011 թվականներին Եկատերինբուրգի տարածքում կատարված մի շարք ծանր հանցագործությունների մեջ:

ՌԴ ՔԿ Սվերդլովսկի մարզի քննչական վարչությունն ավելի վաղ հայտնել էր Եկատերինբուրգում հանցախմբի անդամների ձերբակալության մասին: Մի քանի կասկածյալներ արդեն տվել են ինքնախոստովանական ցուցմունքներ, համագործակցում են քննության հետ, խուզարկություններ են կատարվել նշված անձանց բնակության վայրերում:

Նիկոլ Փաշինյանի կինը՝ Աննա Հակոբյանը, ֆեյսբուքյան իր էջում անդրադառնալով օպերային երգչուհի Հասմիկ Պապյանի գրառմանը, նշել է․ «Ամո՛թ Հասմիկ Պապյանին, հազա՛ր ամոթ։

Ամբողջ կյանքդ բարձր արվեստի մեջ լինես ու երկրումդ ռազմական հեղարշրջան կողմնակից լինե՞ս։ Ընդդեմ ավտոբուս վառողների բառ չարտասանե՞ս։

Գուցե լավ չի՞ ընկալել փաստերը։ Պատահում է։

Աստվածաշունչն իզուր չի զգուշացնում.

«Պիտի նայէք, պիտի նայէք ու պիտի չտեսնէք։

Պիտի լսէք, պիտի լսէք ու պիտի չիմանաք»։

Աննա Հակոբյան

Այսօր Անթալիայի Կալեիչի պատմական թաղամասում գտնվող հյուրանոցում հրդեհ է բռնկվել, հայտնում է թուրքական Iha լրատվամիջոցը։

Նշվում է, որ հրդեհը սկսվել է ժամը 12:00-ի սահմաններում Կալեիչի պատմական թաղամասի Ուզունչարշը փողոցում գտնվող հյուրանոցում։ Քամու պատճառով արագ բորբոքվող հրդեհը տարածվել է հյուրանոցի հարևանությամբ և հետնամասում գտնվող երկու այլ շինության վրա։ Անթալիայի քաղաքապետարանի Կալեիչիի հրշեջ մասն առաջին միջամտությունն իրականացրել է 3 րոպեի ընթացքում։

Թեև հրդեհի բռնկման պահին հյուրանոցի մի քանի հաճախորդներ տարհանվել են, հրդեհաշիջման աշխատանքները շարունակում են 10 հրշեջ մեքենա և 35 հրշեջ։

Հաղորդվում է, որ հյուրանոցում և հարակից շինություններից մեկում հրդեհը մասամբ մեկուսացվել է, սակայն մյուսում այն շարունակվում է, և ջանքեր են գործադրվում՝ թույլ չտալու դրա տարածումը այլ աշխատանքային տարածքների վրա։

Օպերային հայտնի երգչուհի, սոպրանո Հասմիկ Պապյանն իր աջակցությունն է հայտնել Միքայել Սրբազանին, ով կալանքի տակ է։

«Մինչև 2017 թիվը սրբազան Միքայել Աջապահյանի հետ ծանոթ չէի։ Այդ տարիներին դեռ Վիեննայում էի ապրում։

Երազ տեսա, որ երգում եմ Գյումրու Յոթ Վերք եկեղեցում։ Տեղյակ էի, որ, մինչ այդ, Յոթ Վերքում որևէ մենահամերգ տեղի չէր ունեցել։ Զանգահարեցի սրբազանին, ներկայացա, պատմեցի երազիս մասին։ Հարցրեցի, կարելի՞ է…, թույլ չտալով հարցս ավարտել՝ պատասխանեց՝ «քեզ ամեն ինչ կարելի է»… կազմակերպեց համերգը, դաշնամուր և 400 աթոռներ բերվեցին եկեղեցի։ Միայն մեկ բան խնդրեց. հանկարծ ստեղծագործությունները ծափահարություններով չընդմիջվեն, սա եկեղեցի է…լեփլեցուն Յոթ Վերքում երգեցի բացառապես Կոմիտաս։ Ուխտս ի կատար ածվեց։

Անասելի, աներևակայելի ցավ եմ ապրում…

Միքայել Սրբազանն ու Բագրատ Սրբազանը նստած են ԱԱԾ մեկուսարանի միևնույն խցում։ Այս մասին Yerkir.am-ը տեղեկացել է հավաստի աղբյուրից։ 

«Միքայել արքեպիսկոպոս Աջապահյանին երեկ տեղափոխել են ԱՆ «Երևան-Կենտրոն» ՔԿՀ, կամ ինչպես ընդունված է ասել՝ ԱԱԾ մեկուսարան, որտեղ մարդկանց պահում են առավել խիստ մեկուսացման պայմաններում։ Ուշագրավ է, որ Միքայել Սրբազանին երկու ամսով կալանավորելու որոշման միջնորդությունը բավարարել էր Արամ Զավենի Սարգսյանի «Հանրապետություն» կուսակցության անդամ, դատավոր Մասիս Մելքոնյանը, ով օրեր առաջ կալանքի էր տարել նաև Հայ առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանին, ով նույնպես գտնվում է ԱԱԾ մեկուսարանում։

Բարձրաստիճան հոգևորականներին ազատությունից զրկում են՝ Նիկոլ Փաշինյանի ձեռնարկած հակաեկեղեցական արշավի շրջանակներում։ Եկեղեցական բարձրաստիճան հոգևորականներն իրենց վերագրվող մեղադրանքը չեն ընդունում»,– գրում է կայքը։