Դեմոկրատները պահանջում են մինչև մայիսի 30-ը Մասկին հեռացնել DOGE-ի ղեկավարի պաշտոնից
ԱՄՆ-ի Կոնգրեսի Ներկայացուցիչների պալատի մի խումբ դեմոկրատներ արշավ են սկսել գործարար Իլոն Մասկին նախագահ Դոնալդ Թրամփի վարչակազմից հեռացնելու համար: Տասնյակ դեմոկրատներ Մասկի հեռացումը պահանջող նամակ են հղել Թրամփին։
«Հաշվի առնելով Մասկի և ձեր վարչակազմի կողմից օրենքի պարբերական խախտումները՝ մենք անհապաղ հրապարակային հայտարարություն ենք պահանջում ձեր վարչակազմից, որում հստակորեն կնշվի, որ Մասկը հրաժարական կտա և վայր կդնի որոշումներ կայացնելու բոլոր լիազորությունները, ինչպես դա պահանջում է օրենքը, մինչև մայիսի 30-ը», – ասվում է դեմոկրատների կողմից Թրամփին ուղղված նամակում:Նամակի տակ ստորագրել է 77 դեմոկրատ օրենսդիր։
Նամակի հեղինակներն ընդգծել են, որ Մասկն օրինականորեն չի կարողանա այս տարի վերադառնալ դաշնային կառավարություն, մինչև չհրաժարվի իր ընկերություններից, այդ թվում՝ Tesla-ից և SpaceX-ից:
Ըստ օրենքի՝ հատուկ պետական ծառայողները, ինչպիսին Մասկն է, որը ղեկավարում է ԱՄՆ Կառավարության արդյունավետության վարչություն (DOGE), չեն կարող պաշտոնավարել 130 օրից ավելի։
Իր հերթին կոնգրեսական Գրեգ Քասարն Axios լրատվական հարթակին հայտնել է, որ սա դեռ միայն սկիզբն է. դեմոկրատներն «իրենց տրամադրության տակ ունեն իրավական գործիքակազմ, քաղաքական գործիքակազմ», ինչպես նաև «հասարակական ճնշման ողջ ուժը»:
Latest from Live24
- Իսրայելը միջազգային մեկուսացման մեջ է. Նեթանյահու
- Հնդկաստանը և ԱՄՆ-ն սեպտեմբերի 16-ին կվերսկսեն բանակցություններն առևտրային համաձայնագրի շուրջ
- Հայաստանի և Ֆրանսիայի միջև քաղաքական երկխոսությունը բարձր մակարդակի է․ ԱԳՆ
- Թուրքիան մտադիր է էներգետիկ ոլորտում նվազեցնել արտաքին կախվածությունը
- Աճառյան փողոցում մեթան գազի լցակայանի մոտակայքում տեղի է ունեցել գազի պայթյուն՝ հրդհի բռնկումով․ հրշեջ-փրկարարները մարել են հրդեհը
- Եվրամիությունը «սերբական մայդան» է պատրաստում. Ռուսաստանի արտաքին հետախուզության ծառայություն
- Եգիպտոսն արաբական երկրներին հորդորել է ստեղծել անվտանգության սպառնալիքների դեմ պայքարի մեխանիզմ
- Հունգարիան և Չինաստանի ատոմային էներգիայի գործակալությունը համաձայնագիր են ստորագրել
Լրահոս
Ֆոտո
