Վրաստանում հայտնաբերվել են թուրքական C-130 ինքնաթիռի կործանման հետևանքով մահացած բոլոր 20 զինծառայողների մարմինները։

Ըստ ԱՊԱ-ի, այս մասին հայտարարել է Թուրքիայի ազգային պաշտպանության նախարարությունը։

Նշվում է, որ որոնողա-փրկարարական աշխատանքներն ավարտվել են։

Հիշեցնենք, որ նոյեմբերի 11-ին Վրաստանում վթարի է ենթարկվել Ադրբեջանից մեկնող թուրքական C-130 ռազմական ինքնաթիռ, որի հետևանքով մահացել է 20 զինծառայող։ Ինքնաթիռում եղել է 20 թուրք զինծառայող, այդ թվում՝ անձնակազմի անդամներ։ Ողջ մնացածներ չկան։