Նրա խոսքով` մտածում են նաև ժամանակավոր խցերի մասին, որոնք զինված կլինեն տեսախցիկներով, և այդտեղ կտեղափոխվեն այն անձինք, որոնք ինքնավնասման հակվածության սուր իրավիճակում են գտնվում։

Ըստ Գալյանի` ՔԿՀ–ներում մահվան դեպքերի աճը խիստ մտահոգիչ է, և նախարարությունն ամեն ինչ անում է այդ դեպքերի քանակը նվազեցնելու ուղղությամբ։ Նախարարը նշեց, որ այդ մահվան դեպքերի միայն մի մասն է ինքնասպանություն։

«Կարիք կա անհատապես աշխատելու բոլոր այն անձանց հետ, որոնք ինքնավնասման հակում ունեն։ Այդ առումով արդեն ավարտին ենք հասցնում հոգեկան առողջության խնդիրներ ունեցող անձանց հաշվառման գործընթացը, որպեսզի նրանց հետ տարվող աշխատանքը լինի ավելի թիրախային»,– հավելեց նախարարը։