ԱՄՆ-ի գիտնականները մշակել են ցորենի տեսակներ, որոնք արտադրում են իրենց սեփական պարարտանյութը, մի հայտնագործություն, որը կարող է նվազեցնել օդի և ջրի աղտոտվածության մակարդակն ամբողջ աշխարհում, հաղորդում է Դեյվիսի կալիֆոռնիական համալսարանը։

Համալսարանի տվյալներով՝ ցորենի արտադրության մեջ օգտագործվում է ամբողջ աշխարհում արտադրվող ազոտական ​​պարարտանյութերի մոտ 18%-ը, մինչդեռ բույսերը սպառում են ազոտի միայն մոտ 30-50%-ը, իսկ մնացածը հայտնվում է ջրամբարներում և մթնոլորտում՝ վնասելով շրջակա միջավայրին։

«Դեյվիսի կալիֆոռնիական համալսարանի գիտնականները մշակել են ցորենի տեսակներ, որոնք խթանում են սեփական պարարտանյութի արտադրությունը, ինչը բացում է ճանապարհ ամբողջ աշխարհում օդի և ջրի աղտոտվածության նվազեցման և ֆերմերների ծախսերի կրճատման համար»,- ասվում է հրատարակության մեջ։