Դավիթ Համբարձումյանի դեմ ցուցմունք տված 4 անձից 3-ը հրաժարվել են ցուցմունքներից. փաստաբան
Դավիթ Համբարձումյանի դեմ ցուցմունք տված 4 անձից 3-ը դեռ նախաքննության ընթացքում հրաժարվել են իրենց ցուցմունքներից։ Ֆեյսբուքյան իր էջում Մասիսի համայնքապետ Դաբիթ Համբարձումյանի փաստաբան Տիգրան Աթանեսյանը գործից մանրամասներ է ներկայացրել։ Նրա խոսքով` դատաքննության փուլում 4-ն էլ պնդել են, որ Դավիթ Համբարձումյանը որևէ հակաիրավական արարք չի կատարել։
«Այսինքն՝ դատարանում հարցաքննված որևէ վկա մեղադրական ցուցմունք չի տվել։ Դա չխանգարեց դատավորին կայացնել մեղադրական վերդիկտ։ Նաև կարևոր մի հանգամանք ևս։ Դավիթի նկատմամբ այս դեպքով կիրառելի էր համաներումը 2018 թվականի աշնանը ընդունված օրենքով, եթե նա դատապարտվեր մինչև 6 տարի, իսկ հոդվածը 4-ից 7 տարի է նախատեսում։ Մինչև 6 տարի դատապարտվելու դեպքում կկիրառվեր համաներում և բնականաբար պատժից կազատվեր։ Բայց դատավորը տալիս է պատիժ 6 տարի 3 ամիս, այսինքն՝ մի քանի ամիս ավել, և խափանման միջոցը, որի պայմանները երբեք Դավիթը չի խախտել, փոխում է կալանքի»,- ասել է փաստաբանը։
Ավելի վաղ հայտնել էին, որ Երևանի քրեական դատարանի դատավոր Ժորա Չիչոյանն այսօր կարդաց 2018-ին ցուցարարների դեմ բռնության համար քրեկան գործով անցնող Մասիսի համայնքապետ Դավիթ Համբարձումյանի գործով վերդիկտը։ Նախկին խափանման միջոց գրավը դատարանը վերացրեց և որպես խափանման միջոց ընտրեց կալանքը։
Փաստաբան Տիգրան Աթանեսյանը հիշեցրել է, որ մինչ օրս Դավիթ Համբարձումյանը չի խախտել դատարանի կողմից սահմանված խափանման միջոցի պայմանները։
Նշենք, որ վճիռը դեռ օրինական ուժի մեջ չի մտել, քանի որ այն վերդիկտ է, դատարանը դեռ պետք է կարդա դատավճիռը։
Հիշեցնենք` Դավիթ Համբարձումյանին մեղադրանք էր առաջադրվել 2018 թվականի ապրիլի 22-ին Հայանիստ-Հովտաշատ գյուղերի խաչմերուկում ակցիայի մասնակիցների վրա հարձակվելու և ապրիլի 22-ին Էրեբունի վարչական շրջանում տեղի ունեցած զանգվածային անկարգությունների փաստով։ Համբարձումյանը կալանավորվել էր, հետո 5 միլիոն դրամ գրավի դիմաց ազատ արձակվել: ՔԿ–ն 2019 թվականին հանցակազմի բացակայության պատճառով դադարեցրել էր Դավիթ Համբարձումյանի նկատմամբ քրեական հետապնդումը զանգվածային անկարգությունների մասով։ Նա շարունակում էր մեղադրյալ մնալ զենքի կամ որպես զենք օգտագործող առարկայի գործադրմամբ խուլիգանություն կատարելու հոդվածով:
Latest from Live24
- Քենդալ Ջենները բացահայտել է, թե ինչպես է կորցրել կուսությունը
- Թրամփը և Ծինփինը կհանդիպեն հոկտեմբերի 30-ին
- ԵՄ-ն մտադիր է մինչև 2027 թ. հունվարի 1-ը հրաժարվել ռուսական հեղուկացված բնական գազից
- Վթարից տուժած անձանցից 10-ի վիճակը գնահատվում է միջին ծանրության, 1-ի վիճակը՝ ծանր․ ԱՆ
- Նպատակը Մասիսի ընդդիմադիր համայնքապետին մեկուսացնել է
- «Թրամփի ուղին» քննարկվում է ՌԴ–ՀՀ բարձր մակարդակի երկխոսության շրջանակում. Կոպիրկին
- Վրաստանի գլխավոր դատախազությունը մեղադրանք է առաջադրել նախկին վարչապետ Իրակլի Ղարիբաշվիլիին
- Տավուշում բախվել են «Mercedes»-ն ու «Hyundai» ավտոբուսը. վերջինը հայտնվել է անտառում. կա 11 վիրավոր
Լրահոս
Ֆոտո
