ՌԴ նախագահ Վլադիմիր Պուտինի ինքնաթիռը վայրէջք է կատարել Տյանցզին քաղաքի Բինհայ օդանավակայանում, այստեղից սկսվում է Ռուսաստանի ղեկավարի չորսօրյա այցելության ծրագիրը Չինաստան, հայտնում է ՏԱՍՍ-ը։
ՉԺՀ նախագահ Սի Ծինփինի հրավերով Ռուսաստանի նախագահը կայցելի Տյանցզին և Պեկին քաղաքները։
Օդանավակայանում Պուտինին դիմավորել է պատվո պահակախումբը։ Ինքնաթիռի թռիչքուղու մոտ պետության ղեկավարին սպասում էին Քաղբյուրոյի անդամ, Տյանցզինի կուսակցական կոմիտեի քարտուղար Չեն Միները, ՌԴ արտակարգ և լիազոր դեսպան ՉԺՀ-ում Իգոր Մորգուլովը և Չինաստանում ռուսաստանյան արտասահմանյան հաստատությունների ավագ դիվանագիտական աշխատակիցներ։ Պուտինը, իջնելով ինքնաթիռից , դիմավորողների հետ փոխանակվել է ձեռքսեղմումներով, նստել է նախագահական «Աուրուս»-ը և մեկնել իրեն հատկացված նստավայր։
Իր ռուսաստանյան համարանիշերով մեքենայով Վլադիմիր Պուտինը սովորաբար տեղաշարժվում է ցանկացած ուղևորության ժամանակ, այդ թվում՝ արտասահմանյան։ Այս անգամ ևս նախագահական լիմուզինը հատուկ բերվել է Ռուսաստանից, սակայն համարանիշերը փոխարինվել են չինականով։ Սև գույնը նշանակում է դիվանագիտական համարանիշեր։
Օգոստոսի 31-ի երեկոյան Մեյցզյանի միջազգային կոնգրես-ցուցահանդեսային կենտրոնում կմեկնարկի Շանհայի համագործակցության կազմակերպության (ՇՀԿ) գագաթնաժողովը։ ՇՀԿ գագաթնաժողովին ժամանած առաջնորդներին սպասվում է ընդունելություն և համերգ՝ հանդիսավոր դիմավորումից և լուսանկարվելու ավանդական արարողությունից հետո։
Latest from Live24
- Մակրոնը հայտնել է Իրաք այցելելու մտադրության մասին
- ՀԱՄԱՍ-ը պնդում է, որ կատարել է Գազայի հատվածի վերաբերյալ համաձայնագրի առաջին փուլի պայմանները
- Հայաստանում արդարադատության ոլորտի բարեփոխումների համար ԵՄ կողմից ՀՀ պետական բյուջե է փոխանցվել 5.5 մլն եվրո
- Լոնդոնում ընթանում է Սթարմեր-Զելենսկի հանդիպումը
- Սվետլանա Տիխանովսկայան չեղարկել է այցը Երևան
- Գերմանիան դիվանագիտական նոտա է հղել Չինաստանին
- ՌԴ-ում տարեկան գնաճը կնվազի
- Ճապոնիայի վարչապետը հայտարարել է Ռուսաստանի հետ հաշտության պայմանագրի կնքման մտադրության մասին
Լրահոս
Ֆոտո
