Արտաքին գործերի նախարարությունը կանչել է Մեծ Բրիտանիայում Ռուսաստանի դեսպանին Կիևին հասցված հարվածների կապակցությամբ, որոնք վարչապետ Քեյր Սթարմերը անվանել է «անիմաստ», հաղորդում է PA Media-ն։

Սթարմերը նշել է, որ Ռուսաստանի առաջնորդ Վլադիմիր Պուտինը «սաբոտաժի» է ենթարկում խաղաղության հույսերը, մինչդեռ ԱՄՆ-ի գլխավորած ջանքերը՝ հակամարտության դադարեցման բանակցությունների համար, դժվարանում են թափ հավաքել։ 

Իր հերթին, Մեծ Բրիտանիայի արտգործնախարար Դեյվիդ Լամմին գրառում է տարածել՝ կապված Ռուսաստանի դեսպանի կանչման հետ։

«Երեկ երեկոյան Պուտինի հարվածները խլել են խաղաղ բնակիչների կյանքեր, ավերել տներ և վնասել շենքեր, դրանց թվում՝ Բրիտանական խորհրդի և Կիևում ԵՄ պատվիրակության շենքերը։ Մենք կանչել ենք Ռուսաստանի դեսպանին։ Սպանություններն ու ավերածությունները պետք է դադարեցվեն»,- գրել է նա Х սոցիալական ցանցում։