Իրանի Բանդար Աբբասի մոտակայքում գտնվող Շահիդ Ռաջայի նավահանգստում տեղի ունեցած պայթյունի հետևանքով զոհերի թիվը հասել է 25-ի, վիրավորվել է 800 մարդ, հայտնում է IRIB-ը։
Ըստ իրանական լրատվամիջոցի, նավահանգստում շարունակվում են պայթյունի հետևանքով բռնկված հրդեհի մարման աշխատանքները։
Իր հերթին, Իրանի ՆԳՆ ղեկավար Էսկանդար Մոմենին հայտնել է, որ հրդեհի 80%-ը տեղայնացված է։
Հիշեցնենք, որ Հորմոզգան նահանգում, որտեղ երեկ կեսօրին տեղի է ունեցել պայթյունը, հայտարարվել է սգո օր։
Նախնական տվյալներով, պայթյունը տեղի է ունեցել վարչական շենքում։ Իրանական լրատվամիջոցները հայտնել են, որ վառելիքի բաքը պայթել է անհայտ պատճառով։
Իրանի նախագահ Մասուդ Փեզեշկիանը հրամայել է հետաքննություն սկսել պայթյունի գործով։
Ապրիլի 27-ից ուժի մեջ է մտել «Առևտրի և ծառայությունների մասին» օրենքում կատարված փոփոխությունը, որը սահմանում է կաթնամթերքի վաճառքի նոր կարգ։ Այս մասին իր ֆեյսբուքյան էջում հայտնել է Էկոնոմիկայի նախարարությունը:
- Կանաչ դարակաշարերում տեղադրվելու է կաթնամթերք՝ առանց կաթնային յուղի (կաթնային ճարպի) փոխարինիչի
- Նարնջագույն դարակաշարերում՝ կաթնամթերք, որը պարունակում է կաթնային յուղի (կաթնային ճարպի) փոխարինիչ
Բանակցությունների այս փուլը շատ ավելի լուրջ էր, քան նախորդը: Այս մասին հայտնել է Իրանի ԱԳ նախարար Աբբաս Արաղչին՝ անդրադառնալով այսօր Օմանում տեղի ունեցած ԱՄՆ-Իրան բանակցությունների երրորդ փուլի արդյունքներին:
«Բանակցությունների երրորդ փուլը տեղի է ունեցել Օմանի Մասկատ քաղաքում: Մենք շնորհակալ ենք Օմանի կառավարությանը, մասնավորապես՝ պատվարժան արտգործնախարար Բուսաիդիին, բանակցությունների գերազանց կազմակերպման և առանց լրագրողների ներկայության հանգիստ մթնոլորտ ստեղծելու համար, ինչը թույլ տվեց բանակցություններն արդյունավետ անցկացնել:
Բանակցությունների այս փուլը շատ ավելի լուրջ էր, քան նախորդը։ Աստիճանաբար մենք անցանք ավելի մանրամասն, տեխնիկական բնույթի քննարկումների։
Այս փուլում փորձագետների ներկայությունը շատ արդյունավետ էր, և մենք մի քանի անգամ գրավոր փոխանակվեցինք մեր դիրքորոշումներով»,- ասել է Արաղչին։
Նա հավելել է, որ Վաշինգթոնի հետ ընթացող բանակցությունները հույս են ներշնչում, որ հնարավոր է առաջընթաց գրանցել:
«Իրանական կողմը լիահույս է, բայց՝ չափազանց զգուշավոր: ...Մենք գոհ ենք բանակցությունների ընթացքից։ Երկու կողմերն էլ լրջություն են ցուցաբերում»,- ասել է Արաղչին։
Թուրքիայի իշխանությունները կոռուպցիոն հետաքննության շրջանակներում ձերբակալել են Ստամբուլի քաղաքապետարանի 47 աշխատակցի:
Այս մասին հայտնում են թուրքական լրատվամիջոցները:շ
Ստամբուլի պաշտոնազրկված քաղաքապետ Էքրեմ Իմամօղլուն, որը նաև Թուրքիայի նախագահ Ռեջեփ Թայիփ Էրդողանի գլխավոր քաղաքական մրցակիցն է, մարտին կալանավորվել էր կոռուպցիայի մեղադրանքով: Դատարանի հայտարարության մեջ ասվում էր, որ Իմամօղլուն ձերբակալվել է հանցավոր կազմակերպություն ստեղծելու և ղեկավարելու, կաշառք ստանալու, յուրացումների, անձնական տվյալների ապօրինի գրանցման և ֆինանսական հետաքննության հետ կապված հանրային մրցույթներ կեղծելու համար:
Իմամօղլուն, սակայն, հերքել է բոլոր մեղադրանքները:
Նրա ձերբակալությունը հանգեցրել էր զանգվածային բողոքի ցույցերի:
Իրանի հարավային նավահանգստում ապրիլի 26-ի կեսօրին տեղի ունեցած պայթյունի հետևանքով տուժածների թիվը հասել է 516-ի:
Այս մասին հայտնում է Fars-ը լրատվական գործակալությունը:
Բենդեր Աբասի նավահանգստում որոտացած հզոր պայթյունն, ըստ տեղական լրատվամիջոցների, տեղի է ունեցել նավամատույցում՝ վառելիքի բաքի բռնկման պատճառով: Պայթյունն այնքան հզոր է եղել, որ զգացվել է կիզակետից առնվազն 20 կիլոմետր հեռավորության վրա՝ Պարսից ծոցի Քեշմ կղզում։ Մի քանի կիլոմետր շառավղով գտնվող շենքերում և տներում վնասվել են պատուհանները:
Իրանի ներքին գործերի նախարարությունը կարգադրել է հետաքննություն սկսել։
Իրանի հարավում Շահիդ Ռաջայի նավահանգստում տեղի ունեցած պայթյունի հետևանքով զոհվել է առնվազն չորս մարդ։ Այս մասին հայտնել է Իրանի փրկարարական ծառայության ղեկավարը։
«Շահիդ Ռաջայի նավահանգստում տեղի ունեցած պայթյունի հետևանքով չորս մարդու մահ է հաստատվել», - ասել է պաշտոնյան IRIB TV հեռուստաալիքով։ Տուժածների թիվը անցել է 516-ը:
Պայթյունը նախնական տեղեկությունների համաձայն տեղի է ունեցել վտանգավոր ապրանքների և քիմիական նյութերի պահեստում։
ՌԴ նախագահ Վլադիմիր Պուտինն ԱՄՆ-ի նախագահի հատուկ բանագնաց Սթիվ Ուիթքոֆի հետ հանդիպման ժամանակ հայտնել է Մոսկվայի պատրաստակամությունը՝ վերսկսել ուղիղ բանակցություններն Ուկրաինայի հետ՝ առանց որևէ նախապայմանի․ հայտնել է նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
«Երեկ Ուիթքոֆի հետ զրույցի ժամանակ Վլադիմիր Պուտինը կրկնեց, որ ռուսական կողմը պատրաստ է վերսկսել բանակցային գործընթացն Ուկրաինայի հետ՝ առանց որևէ նախապայմանի»,- հայտնել է Պեսկովը։
Երեկ Ուիթքոֆը վերջին երեք ամիսների ընթացքում չորրորդ անգամ այց կատարեց Ռուսաստան։ Կրեմլում Պուտինի և Ուիթքոֆի հանդիպումը տևել է երեք ժամ։ Քննարկվել է Մոսկվայի և Կիևի միջև ուղիղ բանակցությունների հնարավորությունը:
Ապրիլի 26-ին ազատագրվել է Կուրսկի շրջանի վերջին բնակավայրը: Այս մասին հայտարարել է Ռուսաստանի Զինված ուժերի գլխավոր շտաբի պետ Վալերի Գերասիմովը, ում խոսքը մեջբերում է Ria Novosti-ն։
«Այսօր ուկրաինական ստորաբաժանումներից ազատագրվել է Կուրսկի մարզի տարածքում գտնվող վերջին բնակավայրը՝ Գորնալ գյուղը», - ասել է նա:
«Այսօր՝ ապրիլի 26-ին, Գերասիմովը Ռուսաստանի նախագահ Վլադիմիր Պուտինին զեկուցել է Կուրսկի շրջանի ամբողջական ազատագրման մասին», - հայտնել է պետության ղեկավարի մամուլի քարտուղար Դմիտրի Պեսկովը։
Ռուսաստանի նախագահ Վլադիմիր Պուտինը և ԱՄՆ նախագահի հատուկ ներկայացուցիչ Սթիվեն Ուիթքրոֆթը ապրիլի 25-ին կայացած բանակցությունների ընթացքում շրջանցել են երկու երկրների միջեւ ավիաչվերթների վերսկսման թեման: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է Lenta-ն։
«Ոչ», - համապատասխան հարցին պատասխանել Է Կրեմլի պաշտոնական ներկայացուցիչը։
Ուրբաթ օրը՝ ապրիլի 25-ին, Կրեմլում կայացել են Պուտինի և Ուիկոֆի բանակցությունները։ «Զրույցը տևել է մոտ երեք ժամ և թույլ է տվել մերձեցնել Մոսկվայի և Վաշինգտոնի դիրքորոշումները Ուկրաինայի և մի շարք միջազգային հարցերի վերաբերյալ», - հայտնել է Ռուսաստանի ղեկավարի օգնական Յուրի Ուշակովը, ով մասնակցել է հանդիպմանը:
Ուկրաինայի նախագահի գրասենյակի ղեկավար Անդրեյ Երմակը մեկ բառով նկարագրել է Ուկրաինայի և ԱՄՆ նախագահներ Վոլոդիմիր Զելենսկու և Դոնալդ Թրամփի հանդիպումը: Պաշտոնյան հաղորդագրությունը հրապարակել Է Telegram ալիքում։
«Կառուցողական», - հայտարարել Է պաշտոնյան:
Ֆոտո
