Իսպանիայի, Պորտուգալիայի, Բելգիայի, Ֆրանսիայի և Անդորրայի մի շարք շրջաններում էլեկտրամատակարարման խափանումներ են տեղի ունեցել, ինչի հետևանքով բնակիչները զրկվել են նաև բջջային կապից:
Խափանումներ են նկատվում Մադրիդ-Բարախաս միջազգային օդանավակայանի աշխատանքում։
Մի շարք բնակավայրերում երթևեկությունը կաթվածահար է եղել, լուսացույցները չեն աշխատում, խցանումներ են առաջացել։
Իսպանիայի որոշ հիվանդանոցներում կրիտիկական իրավիճակ է ստեղծվել։ Իսպանիայի ազգային երկաթուղային RENFE ընկերությունը հայտարարել է, որ երկրում էլեկտրաէներգիայի զանգվածային անջատումը հանգեցրել է գնացքների երթևեկության դադարեցման: Աշխատանքներ են տարվում էլեկտրամատակարարման վերականգնման ուղղությամբ։
Վթարի պատճառները դեռևս հայտնի չեն: Իշխանություններն ու էներգետիկ ընկերությունները պարզում են միջադեպի հանգամանքները։
Իրանի Հորմոզգան նահանգի Բենդեր Աբաս քաղաքի Շահիդ Ռաջաի նավահանգստում պայթյունի պատճառը անփութությունն է եղել, մեղավորները հայտնաբերվել են: Այս մասին, ինչպես հաղորդում է Mehr-ը, հայտարարել է Իրանի ներքին գործերի նախարար Իսկանդար Մոմենին։
Ավելի վաղ Իրանի իշխանություններն ու ԶԼՄ-ները հայտնել էին պայթյունի հետևանքով 46 զոհերի և առնվազն 1200 տուժածների մասին:
Ավելի վաղ Mehr գործակալությունը հայտնել էր, որ Շահիդ-Ռաջաի նավահանգիստը գործում է նորմալ ռեժիմով։ Իրանի էկոնոմիկայի և ֆինանսների նախարարության տվյալներով՝ նավահանգիստն ընդունում է առաջին անհրաժեշտության ապրանքների միայն 8 %-ը։ Հիմնականում ծանրաբեռնված է (մոտ 58 %) Իմամ Խոմեյնիի նավահանգիստը։
Բենդեր Աբաս քաղաքի Շահիդ-Ռաջաի նավահանգստում ապրիլի 26-ի ցերեկը հզոր պայթյուն է որոտացել։ Նույն օրը երեկոյան տեղի են ունեցել կրկնակի պայթյուններ։ Իրանի կառավարության պաշտոնական ներկայացուցիչ Ֆաթեմե Մոհաջերանին Fars գործակալությանը հայտնել է, որ միջադեպը տեղի է ունեցել քիմիական նյութերի պահեստում, սակայն դրա պատճառների մասին դժվար է հստակ դատել: Միևնույն ժամանակ, ԶԼՄ-ներում տեղեկատվություն է հայտնվել, որ պայթյունը տեղի է ունեցել վառելիքի բաքերից մեկի բռնկման հետևանքով: Կատարվում է հետաքննություն:
Ուկրաինայում այժմ ընթանում է Ռուսաստանի վերստեղծման և Պատմական ռուսական հողերի վերականգնման նոր գործընթաց։ Նման կարծիք է հայտնել «այլ Ուկրաինա» շարժման խորհրդի նախագահ Վիկտոր Մեդվեդչուկը։
Մեդվեդչուկի կարծիքով՝ Ղրիմի ճանաչումը ռուսական դե յուրե «կբացահայտի հակամարտության պատճառների մասին ուկրաինական իշխանությունների սուտը»: Նա կարծում է, որ այդ ժամանակ Ուկրաինան կարող է չլինել որպես պետություն։ «Պատմությունը կրկնվում է, ընթանում Է Ռուսաստանի վերստեղծման և նրա պատմական ռուսական հողերի միավորման նոր գործընթաց, և այդ արդար պատմական գործընթացը ոչ ոք չի կարող կանգնեցնել», - հայտարարել է քաղաքական գործիչը:
Մեդվեդչուկը հավելել է, որ Ուկրաինայի նախագահ Վոլոդիմիր Զելենսկին փորձել է հակամարտությունը ներկայացնել որպես էթնիկ, որպեսզի ստանա Արևմուտքի աջակցությունը։ Սակայն, ինչպես հայտարարել է քաղաքական գործիչը, «եթե հետևենք այդ տրամաբանությանը, ապա Ռուսաստանին պետք է հանձնվի Ուկրաինայի տարածքի ավելի քան երեք քառորդը, որտեղ ապրում են ռուսախոս քաղաքացիներ: Եվ նույնիսկ դրանից հետո մնացած հողերը կարող են հավակնել Լեհաստանը, Հունգարիան, Ռումինիան և Բուլղարիան»
ՀՀԿ Գործադիր մարմնի անդամ Արտակ Զաքարյանի գրառումը․
«Իմպիչմենտը կարող է մեկնաբանվել որպես ժողովրդավարության զարգացման չափանիշ, եթե այդ ինստիտուտը գործի իրական պրակտիկայում։ Իմպիչմենթի նպատակն է վերահսկել երկրի կառավարության գործունեությունը՝ բնակչության և ժողովրդավարական քաղաքական ինստիտուտների կողմից։ Վերջին 30 տարիներին աշխարհում տեղի են ունեցել երկրի ղեկավարներին անվստահություն (իմփիչմենտի ենթարկելու) հայտնելու հետևյալ դեպքերը․
1992թ․սեպտեմբերի 29-ին Բրազիլիայի Պատգամավորների պալատը հավանություն տվեց նախագահ Ֆերնանդո Կոլոր դե Մելլոյին իմպիչմենթի ենթարկելու միջնորդությանը՝ կոռուպցիոն սխեմաներում նրա մասնակցության համար: 1992թ․ հոկտեմբերին նա դադարեցրել է պաշտոնավարել, իսկ դեկտեմբերին՝ Սենատում վերջնական քվեարկության նախորդ օրը, նա հրաժարական է տվել։
1997թ․փետրվարին Էկվադորի խորհրդարանը երկրի նախագահ Աբդալա Բուկարամին հայտարարեց կառավարելու համար «մտավոր անկարող» և հեռացրեց իշխանությունից։ Աբդալլա Բուկարամը փախել է Պանամա, որը նրան քաղաքական ապաստան է տվել։
2000թ․նոյեմբերի 13-ին Ֆիլիպինների խորհրդարանի ստորին պալատը քվեարկեց նախագահ Ջոզեֆ Էստրադայի իմպիչմենտի օգտին։ Նա մեղադրվում էր կոռուպցիայի մեջ։ Այն ընդդիմության զանգվածային բողոքի ակցիաների պատճառ դարձավ և 2001թ․ հունվարի 20-ին Ջոզեֆ Էստրադան հրաժարական տվեց։
2001թ․Ինդոնեզիայի խորհրդարանը միաձայն քվեարկեց նախագահ Վահիդ Աբդուրահմանի իմփիչմենթի օգտին: Նա չկարողացավ հաղթահարել երկրում առկա տնտեսական դժվարությունները և իր դեմ հանեց տարբեր քաղաքական և կրոնական խմբերի, այդ թվում՝ բանակը։ Իշխանության ղեկին մնալու Վահիդ Աբդուրահմանի փորձերը չստացան երկրի բնակչության աջակցությունը։
2004թ․ապրիլի 6-ին Լիտվայի խորհրդարանը իմփիչմենթի ենթարկեց նախագահ Ռոլանդաս Պակսասին։ Խորհրդարանականները նրան մեղադրում էին իր նախընտրական քարոզարշավի ֆինանսավորող գործարարին քաղաքացիություն տրամադրելու, պետական գաղտնիքի պաշտպանությունը չապահովելու և պաշտոնեական դիրքի չարաշահման համար։ Գաղտնի քվեարկությանը մասնակցել են Սեյմի 137 պատգամավորներից 115-ը։
2012թ․հունիսի 22-ին Պարագվայի Սենատը որոշում ընդունեց երկրի նախագահ Ֆերնանդո Լուգոյին իմպիչմենտի ենթարկելու մասին՝ իր պարտականությունները ոչ պատշաճ կատարելու մեղադրանքով։ Գործը հարուցվել է երկրի հարավ-արևելքում գտնվող Կուրուգուատու քաղաքում ոստիկանության և ֆերմերների միջև բախումից հետո: Միջադեպի հետևանքով զոհվել էր 17 մարդ։ Նախագահի հրաժարականին կողմ է քվեարկել 39 սենատոր, դեմ՝ 4։
2016թ․օգոստոսի 31-ին Բրազիլիայի Սենատը քվեարկեց նախագահ Դիլմա Ռուսեֆի վերջնական իմպիչմենտի օգտին: Իմպիչմենտի օգտին քվեարկել է 61 սենատոր, դեմ՝ 20-ը։ Նախագահին իմփիչմենթի ենթարկելու համար անհրաժեշտ էր 54 ձայն։
2016թ․դեկտեմբերի 9-ին Հարավային Կորեայի խորհրդարանը իմփիչմենթի ենթարկեց երկրի նախագահ Պակ Կըն Հեին։ Նախագահին իշխանությունից հեռացնելուն կողմ է քվեարկել Ազգային ժողովի 234, դեմ՝ 56, ձեռնպահ՝ 2 պատգամավոր։ Պակ Կըն Հեն իշխանությունից հեռացվել է 2017թ․մարտի 10-ին՝ Սահմանադրական դատարանի որոշմամբ։
2017թ․նոյեմբերի 21-ին Զիմբաբվեի խորհրդարանը որոշում ընդունեց երկրի նախագահ Ռոբերտ Մուգաբեին իմփիչմենթի ենթարկելու մասին՝ հրաժարականի համար նրան 24 ժամ ժամանակ տալով։ Խորհրդարանի որոշումից հետո Մուգաբեն հրաժարական տվեց Զիմբաբվեի նախագահի պաշտոնից։
2020թ․նոյեմբերի 9-ին Պերուի Կոնգրեսը երկրի նախագահ Մարտին Վիսկարային ճանաչեց անգործունակ և քվեարկեց նրա իմպիչմենտի օգտին։ Որոշումն ընդունվեց 105 կողմ, 19 դեմ, 4 ձեռնպահ ձայներով։
2022թ․դեկտեմբերի 7-ին Պերուի նախագահ Պեդրո Կաստիլյոյի կողմից լուծարված Կոնգրեսը նրան իմպիչմենտի ենթարկեց։ Պերուում իմփիչմենթը համարվում է կայացած, եթե կողմ քվեարկի խորհրդարանականների երկու երրորդը կամ 87 մարդ:
ԱՄՆ նախագահ Դոնալդ Թրամփը հայտարարել է, որ Իրանի հետ գործարք կկնքվի:
«Կարծում եմ, որ գործարքը կկնքվի։ Դա տեղի կունենա: Համոզված եմ, որ դա տեղի կունենա: Մենք ինչ-որ բան կունենանք և ստիպված չենք լինի ամեն տեղ ռումբեր նետել», - ասել է նա լրագրողների հետ զրույցում։
Հիշեցնենք, որ Օմանում ապրիլի 26-ին տեղի է ունեցել միջուկային ծրագրի շուրջ ամերիկա-իրանական բանակցությունների երրորդ փուլը: Հաջորդ հանդիպումը կկայանա մայիսի 3-ին:
2015 թվականին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ն, Ֆրանսիան և Իրանը միջուկային գործարք կնքեցին՝ Գործողությունների համատեղ համապարփակ ծրագիր (ԳՀՀԾ), որը ենթադրում էր պատժամիջոցների վերացում Իրանի միջուկային ծրագրի սահմանափակման դիմաց:
2018 թվականի մայիսին ԱՄՆ-ն Դոնալդ Թրամփի օրոք դուրս եկավ ԳՀՀԾ-ից և վերականգնեց Թեհրանի դեմ պատժամիջոցները։ Ի պատասխան Իրանը հայտարարեց համաձայնագրի շրջանակում իր պարտավորությունների փուլային կրճատման մասին՝ հրաժարվելով միջուկային հետազոտությունների, ցենտրիֆուգների և ուրանի հարստացման մակարդակի սահմանափակումներից:
Հայտնի է դարձել, թե երբ է Իսրայելի վարչապետ Բենիամին Նեթանյահուն այցելելու Ադրբեջան։ Ինչպես հաղորդում է «The Times of Israel»-ը՝ Իսրայելի վարչապետը Բաքու կայցելի մայիսի 8-ին։ Այդ օրը նա բանակցություններ կվարի Ադրբեջանի նախագահ Իլհամ Ալիևի հետ և կհանդիպի հրեական համայնքի ներկայացուցիչների հետ։ Այցը կավարտվի նույն օրը։
Իսրայելի վարչապետի այցից հետո, մայիսին սպասվում է նաև Թուրքիայի նախագահ Ռեջեփ Թայիփ Էրդողանի այցը Բաքու։ Սակայն, պաշտոնապես երկու այցելությունների միջև որևէ կապ չկա։ Թուրքական աղբյուրները հայտնում են, որ Էրդողանը մտադիր է այցելել Ադրբեջանի մայրաքաղաք՝ մասնակցելու երկկողմ միջկառավարական հանձնաժողովի չորրորդ համատեղ նիստին։
Ըստ ադրբեջանական մամուլի՝ Բաքուն առաջարկել է իր օգնությունը իր դաշնակից Թուրքիայի և մերձավոր գործընկեր Իսրայելի միջև առկա լարվածությունը մեղմելու գործում։ Նշվում է, որ մի քանի օր առաջ Բաքվում տեղի ունեցավ Իսրայելի և Թուրքիայի ներկայացուցիչների հանդիպում՝ նվիրված Սիրիայում կողմերի միջև բախումները կանխելու մեխանիզմի ստեղծմանը։
Պուտինը հրադադար է հայտարարել Հաղթանակի 80-ամյակի օրերին, տեղեկացրել է Կրեմլը։
Այն կգործի մայիսի 7-ի ի լույս 8-ի գիշերը ժամը 00.00-ից մինչեւ մայիսի 11-ի կեսգիշեր։
Ռուսաստանը կարծում է, որ Ուկրաինան պետք է հետեւի իր օրինակին եւ նույնպես հրադադար հայտարարի Հաղթանակի 80-ամյակի օրերին, տեղեկացրել է Կրեմլը։
Մինչ շատ երկրների ուշադրությունը կենտրոնացած է Ուկրաինայի շուրջ տեղի ունեցող իրադարձությունների վրա, Վլադիմիր Պուտինը աննկատելիորեն պատրաստվում է ՆԱՏՕ-ի հետ հակամարտության՝ մեծացնելով իր ռազմական ներկայությունը Ֆինլանդիայի և Բալթյան երկրների սահմանների մոտ։ Արևմտյան հետախուզության և ռազմական պաշտոնյաների կարծիքով, 2024 թվականի սկզբին վերստեղծված Լենինգրադի ռազմական շրջանը պետք է դառնա Հյուսիսատլանտյան դաշինքի հետ բախման հենակետ։ Կրեմլը այնտեղ կառուցում է ռազմական օբյեկտներ, արդիականացնում է սահմանամերձ շրջաններում երկաթուղային գծերը, ընդլայնում է զինվորականների հավաքագրումը և զենքի արտադրությունը։
Իշխանությունները նախատեսում են մի քանի տարվա ընթացքում Պետրոզավոդսկում ստեղծել նոր բանակային շտաբ՝ տասնյակ հազարավոր զինվորների կառավարման համար, որոնք տեղակայվելու են ներկայումս ընդլայնվող ռազմական բազաներում, գրում է The Wall Street Journal-ը։
Արևմտյան ռազմական և հետախուզական աղբյուրների տվյալներով՝ նրանցից շատերը նախատեսվում է տեղափոխել այնտեղ Ուկրաինայում լայնածավալ պատերազմի ավարտից հետո, փոքր բրիգադները գրեթե կեռապատկվեն և կվերածվեն 10,000 հոգուց բաղկացած դիվիզիաների։ «Անկախ նրանից, թե որքան են նրանք փորձում նորարարություններ մտցնել մարտավարական կամ օպերատիվ մակարդակում, ռուսների համար չափը գերակա է», - ասել է Ֆինլանդիայի շտաբի պետի տեղակալ, ռազմավարության պատասխանատու գեներալ-մայոր Սամի Նուրմին։ «Ամեն ինչ միշտ կախված է քանակից»։
«Վերջին տասնամյակի տրամաբանությունը ցույց է տալիս, որ մենք սպասում ենք ՆԱՏՕ-ի հետ որոշակի հակամարտության», - ասում է Մոսկվայի Ռազմավարությունների և տեխնոլոգիաների վերլուծության կենտրոնի տնօրեն Ռուսլան Պուխովը։ Ֆինլանդիայի սահմանին ռազմական ներկայության ավելացումը Կրեմլի կողմից նման հակամարտության նախապատրաստման մաս է կազմում, և «երբ զորքերը վերադառնան [Ուկրաինայից], նրանք սահմանից այն կողմ կնայեն մի երկրի, որին համարում են հակառակորդ», - բացատրում է նա։
Դոնալդ Թրամփը կարծում է, որ Ռուսաստանի կողմից Ուկրաինայի սահմաններից դուրս լարվածության սրման մասին մտավախությունները չափազանցված են։ Փետրվարին Վլադիմիր Զելենսկու այն նախազգուշացման մասին, որ Ռուսաստանը կարող է պատերազմ սկսել ՆԱՏՕ-ի հետ, եթե ԱՄՆ-ն կրճատի դաշինքի աջակցությունը, Թրամփը պատասխանել է. «Ես դրա հետ բացարձակ համաձայն չեմ»։
Իր հերթին, ՆԱՏՕ-ի արևելյան թևում գտնվող երկրները համաձայն չեն նրա հետ։ Ֆինլանդիան, Լատվիան, Էստոնիան, Լիտվան, Լեհաստանը ամրացնում և ականապատում են (կամ պատրաստվում են դա անել) սահմանը, կանգնեցնում ցանկապատներ, հակատանկային արգելապատնեշներ և ամրացված կետեր։ 2021 թվականին Ռուսաստանը արտադրել է մոտ 40 T-90M հիմնական մարտական տանկ, սակայն այժմ դրանց տարեկան արտադրությունը մեծացել է մինչև 300։ Ֆինլանդիայի բարձրաստիճան զինվորականը կարծում է, որ այն փաստը, որ դրանք գրեթե երբեք չեն ուղարկվում ուկրաինական ճակատ, այլ պահվում են հետագա օգտագործման համար, վկայում է այն մասին, որ Պուտինը պատրաստվում է ավելի լայնածավալ բախման։
Ռուսաստանի վերազինման ծրագրերը ճշգրտվում են՝ ՆԱՏՕ-ի հետ սահմանի երկայնքով տեղակայվելիք նոր զորքերի կարիքները բավարարելու համար։ Ուկրաինայում պատերազմին ուղարկվում է հիմնականում հին և վերանորոգված խորհրդային տեխնիկա, մինչդեռ նոր արտադրված տեխնիկան նախատեսված է հիմնականում նոր ստորաբաժանումների համար։ Վերջին տարիներին ուկրաինական ուժերը հազվադեպ են տեսել կամ ոչնչացրել ռուսական նոր տեխնիկա, ասում է Դարա Մասիկոտը, Կարնեգի Բեռլինի Ռուսաստանի և Եվրասիայի կենտրոնի ավագ գիտաշխատողը։
Ֆինլանդիայի OSINT կազմակերպության՝ Black Bird Group-ի կողմից վերլուծված 2022 և 2025 թվականների արբանյակային պատկերների համաձայն, Լենինգրադի մարզի Վիբորգսկի շրջանի Կամենկա գյուղի ռազմաբազայում, Ֆինլանդիայի սահմանի մոտ, հայտնվել են նոր զորանոցներ։ Իսկ «Սպուտնիկ» հյուսիսային նավատորմի բազայում, որը գտնվում է Նորվեգիայի և Ֆինլանդիայի հետ սահմանից մի քանի կիլոմետր հեռավորության վրա, կան ռազմական տեխնիկայի նոր պահեստներ։ 2024 թվականի հոկտեմբերին պաշտպանության նախարար Անդրեյ Բելոուսովը այցելել է «Սպուտնիկ»՝ Ռուսաստանի ռազմածովային ուժերի և Հյուսիսային նավատորմի գլխավոր հրամանատարների հետ միասին, հաղորդում է «Բարենց օբզերվեր» մասնագիտացված հրատարակությունը։ Ռուսաստանի զինված ուժերի ծրագրերի համաձայն՝ մինչև 2030 թվականը այնտեղ պետք է կառուցվեն զենքի և ռազմական տեխնիկայի, այդ թվում՝ հրթիռների և հրետանու մի քանի պահեստներ, նոր զորանոցներ և հանրակացարաններ, ինչի մասին զեկուցվել է Բելոուսովին։
«Սպուտնիկ»-ում տեղակայված 61-րդ ծովային հետևակի բրիգադը ակտիվորեն մասնակցում է Ուկրաինայի դեմ պատերազմին։ Նորվեգական հետախուզության 2023 թվականի սկզբի զեկույցի համաձայն՝ այն կորցրել է իր անձնակազմի մոտ 80%-ը մարտական գործողությունների մեկ տարուց էլ պակաս ժամանակահատվածում, նշում է «Բարենցի օբզերվերը»։
Նոր երկաթուղային գծեր են կառուցվում Ֆինլանդիայի և Նորվեգիայի հետ սահմանների երկայնքով, ինչպես նաև Սանկտ Պետերբուրգից հարավ մինչև Էստոնիայի հետ սահմանը։ Տարածաշրջանում առկա գծերը նույնպես ընդլայնվում են։
Դանիական հետախուզությունը 2025 թվականի փետրվարին զգուշացրել էր, որ Ռուսաստանը կարող է լայնածավալ պատերազմ սկսել Եվրոպայում հինգ տարվա ընթացքում։ Ուկրաինայում հրադադարը թույլ կտա նրան ավելի արագ պատրաստվել, գրում է WSJ-ն՝ հղում անելով արևմտյան ռազմական պաշտոնյաներին։ «Մենք շատ ժամանակ չունենք», - թերթին ասել է Լեհաստանի պաշտպանության նախարար Վլադիսլավ Կոսինյակ-Կամիշը։ «Մենք պետք է կառուցենք ուժեղ դաշինք, ուժեղ հրամանատարական կառուցվածք և լավ զինված բանակ»։
Այսօր՝ ապրիլի 28-ին, արտակարգ դեպք է տեղի ունեցել Երևանում: Ժամը 11:30-ի սահմաններում Գուսան Շերամի 105 շենքի 5-րդ հարկի բնակիչը, ըստ նախնական տեղեկությունների, անզգուշաբար պատուհանից վայր է ընկել:
Ինչպես հայտնում է ֆոտոլրագրող Գագիկ Շամշյանը, նրան ընկած հայտնաբերել են հարևանները, ովքեր ահազանգել են շտապօգնություն, և ժամանած բժիշկների հերթապահ խումբը նախ տեղում առաջին բուժօգնությունն է ցուցաբերել, ապա տեղափոխել հիվանդանոց, հաղորդում է Shamshyan.com-ը:
Դեպքի փաստով ՀՀ քննչական կոմիտեի Երևան քաղաքի քննչական վարչության Մալաթիայի քննչական բաժնում նախաձեռնվել է քրեական վարույթ:
Տեղում պարեկները պարզել են, որ հիվանդանոց տեղափոխվածը Երևանի բնակիչ 58-ամյա Գառնիկ Գ.-ն է:
ԱՄՆ դոլարի փոխարժեքն այսօր՝ ապրիլի 28-ին, կազմել է 389.46 դրամ՝ նախորդ օրվա համեմատ նվազել է 0.87 դրամով: Այդ մասին տեղեկանում ենք Կենտրոնական բանկի պաշտոնական կայքից։
Եվրոյի փոխարժեքը կազմել է 441.92 դրամ (նվազել է 1.22 դրամով), բրիտանական ֆունտի փոխարժեքը կազմել է 519.38 դրամ (նվազել է 0.19 դրամով), իսկ ռուսական ռուբլու փոխարժեքը կազմել է 4.73 դրամ (մնացել է անփոփոխ):
Հայաստանյան բանկերում դոլարը գնվում է 386-387.5 դրամով, վաճառվում է 390.5-392 դրամով:
Եվրոն բանկերում գնվում է 432-438 դրամով, վաճառվում է 443-450 դրամով:
Ռուբլին բանկերում գնվում է 4.47-4.66 դրամով, վաճառվում է 4.79-4.95 դրամով: Փոխանակման կետերում իրավիճակը հետևյալն է.
դոլարը գնվում է 387 դրամով, վաճառվում՝ 390.5 դրամով:
Եվրոն գնվում է 438 դրամով, վաճառվում է 443 դրամով:
Ռուբլին գնվում է 4.58 դրամով, վաճառվում է 4.70 դրամով:
Ֆոտո
