Բագրատ Սրբազանին մեղադրանք է առաջադրվել ահաբեկչություն նախապատրաստելու, զանգվածային անկարգություններ հրահրելու եւ իշխանության բռնազավթման հոդվածներով։ Այս մասին լրագրողների հետ զրույցում ասաց փաստաբան Սերգեյ Հարությունյանը։

«Հերթական քաղաքական հետապնդումն է»,–ասաց փաստաբանը։

Սերգեյ Հարությունյանը նշեց, որ Բագրատ Սրբազանի տանն իրականացված խուզարկության ընթացքում զենք–զինամթերք չի հայտնաբերվել։ 

«Քննչական կոմիտեի հրապարակած լուսանկարներից մեկը տեսա, որտեղ զենքն է երևում, ու կողքին դրա մասին փաստաթուղթը։ Ակնհայտ է, որ դա որևէ մեկին է պատկանում, ով օրինակ ունի այդ զենքի թույլտվությունը»,–հավելեց նա։

Նա նշեց, որ ամենայն հավանականությամբ, Բագրատ Սրբազանին կալանավորելու միջնորդություն կներկայացվի։

Իրանի նախագահ Մասուդ Փեզեշքիանը հայտարարել է, որ Իսրայելի ռեժիմի նկատմամբ հաղթանակը ձեռք է բերվել իսլամական Իրանի մեծ ազգի դիմադրության, միասնության եւ բարեկամության շնորհիվ, հաղորդել է Mehr-ը:

Ազգին ուղղված իր ուղերձում Փեզեշքիանը նշել է, որ Իսրայելի դեմ պայքարում հաջողությունը ձեռք է բերվել ժողովրդի անսասանության եւ դիմադրության շնորհիվ:

«Երկրում միասնությունը, խաղաղությունն ու համերաշխությունը այս ընթացքում իրենց պտուղներն են տվել»,- ասել է նա։ Իրանի նախագահի խոսքով՝ «այս պատմական հաղթանակի ողջ փառքը պատկանում է մեծ ազգին եւ քաղաքակրթությանը»։

«Իրանցիների քաջարի դիմադրության շնորհիվ երկիրը ականատես եղավ 12-օրյա պատերազմի ավարտին, որը իսլամական հանրապետությանը պարտադրվել էր արկածախնդիր սիոնիստական ​​ռեժիմի կողմից»,- ասել է նա։

Իրանի նախագահի խոսքով՝ «թշնամին որոշակի պատրվակներով ագրեսիա է իրականացրել իսլամական հանրապետության դեմ, Իրանի դիվանագիտական​​ջանքերի հետ միաժամանակ՝ իր խաղաղ միջուկային ծրագրի հետ կապված ցանկացած թյուրըմբռնում լուծելու համար»։

ԱՄՆ դոլարի փոխարժեքն այսօր՝ հունիսի 25-ին, կազմել է 385.29 դրամ՝ նախորդ օրվա համեմատ նվազել է 0.33 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 447.17 դրամ (նվազել  է 0.11 դրամով), իսկ ռուսական ռուբլու փոխարժեքը կազմել է 4.91  դրամ (նվազել է 0.01 դրամով):

Հայաստանյան բանկերում դոլարը գնվում է 381-384 դրամով, վաճառվում է 387-389 դրամով: Եվրոն բանկերում գնվում է 439-443 դրամով, վաճառվում է 451-454 դրամով:

Ռուբլին բանկերում գնվում է 4.72-4.86 դրամով, վաճառվում է 4.95-5.10 դրամով:

Փոխանակման կետերում իրավիճակը հետևյալն է. դոլարը գնվում է 383 դրամով, վաճառվում՝ 386.6 դրամով:

Եվրոն գնվում է 441 դրամով, վաճառվում է 447 դրամով:

Ռուբլին գնվում է 4.82 դրամով, վաճառվում է 4.90 դրամով:

Ռուսաստանի իշխանությունները կապի մեջ են իրենց հայ գործընկերների հետ, այդ թվում՝ «Տաշիր» ընկերությունների խմբի ղեկավար Սամվել Կարապետյանի շուրջ ստեղծված իրավիճակի վերաբերյալ, որը ձերբակալվել է Երեւանում։ Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը, հաղորդել է «Կոմերսանտը»։

«Այո, իհարկե, մենք կապի մեջ ենք մեր գործընկերների հետ Հայաստանում, Երեւանում։ Նա մեր կարեւոր դաշնակիցն է։ Մենք բավական զարգացած եւ բազմակողմանի հարաբերություններ ունենք։ Եվ, իհարկե, քանի որ Կարապենյանը նաեւ Ռուսաստանի Դաշնության քաղաքացի է, համապատասխան շփումներ իրականացվում են»,- լրագրողներին հայտնել է Կրեմլի ներկայացուցիչը։

Մեկնաբանելով Հայաստանի վարչապետ Նիկոլ Փաշինյանի՝ հանրապետությունում պետական հեղաշրջումը կանխելու մասին հայտարարությունները՝ Դմիտրի Պեսկովն ասել է, որ սա երկրի ներքին հարցն է։ «Մենք, իհարկե, հետաքրքրված ենք Հայաստանում օրենքի եւ կարգուկանոնի պահպանմամբ։ Եվ որպեսզի Հայաստանը լինի բարգավաճ, կայուն երկիր, Ռուսաստանի բարեկամ»,- նշել է Ռուսաստանի ղեկավարի մամուլի քարտուղարը։

Չկան բառեր. Լավ, ինչու՞ եք դուք էսքան ատում մեր երկիրը, ժողովրդին, պետությունը, ինչու՞: Այս մասին Facebook–ի իր էջում գրել է ՀՀ առողջապահության նախարար Անահիտ Ավանեսյանը։

Նա, մասնավորապես, նշել է. «Տեռորիստ, պիղծ, ախտածին, քստմնելի, դավաճաններ...

Հայաստանում իշխանությունը պատկանում է ժողովրդին:

Մեր ազատությունը, անկախությունը և պետականությունը անշրջելի իրողություն են, իսկ դուք՝ հավիտյան ձխողված նզովյալներ. տապակվեք ձեր ատելության և այլասերվածության մեջ»։

Ավելի վաղ հայտնել էինք, որ այսօր վաղ առավոտյան իրավապահները խուզարկություններ են սկսել Սրբազան Պայքարի աջակիցների տներում։ Նրանք գործողություն են իրականացնում նաև Բագրատ արքեպիսկոպոս Գալստանյանի բնակավայրում։

Բացի այդ, ՀՅԴ–ից հայտնում են, որ այս պահին խուզարկություններ են իրականացվում ՀՅԴ Հայաստանի Գերագույն մարմնի անդամ Իգոր Սարգսյանի, ՀՅԴ Աբովյանի կոմիտեի անդամ Վարդան Ավագյանի, Հրազդանի կոմիտեի անդամ Արտաշես Հունանյանի և Նոյեմբերյանի կոմիտեի անդամ Վարազդատ Ամիրաղյանի բնակարաններում։

Քննչական կոմիտեն էլ հայտարարել է, որ ««Սրբազան պայքար» շարժման մասնակիցները և ղեկավարները պլանավորել էին ՀՀ-ում իրականացնել ահաբեկչական և իշխանությունը զավթելուն ուղղված գործողություններ»:

ԱԱԾ-ն հենց այս պահին խուզարկում է Սյունիքի նախկին մարզպետ ու պատգամավոր Վահե Հակոբյանի ու նրա կնոջ՝ Para TV-ի տնօրեն Էլիզաբեթ Պետրոսյանի տունը: Առգրավվել են հեռախոսները:

Ավելի վաղ հայտնել էինք, որ այսօր վաղ առավոտյան իրավապահները խուզարկություններ են սկսել Սրբազան Պայքարի աջակիցների տներում։ Նրանք գործողություն են իրականացնում նաև Բագրատ արքեպիսկոպոս Գալստանյանի բնակավայրում։

Բացի այդ, ՀՅԴ–ից հայտնում են, որ այս պահին խուզարկություններ են իրականացվում ՀՅԴ Հայաստանի Գերագույն մարմնի անդամ Իգոր Սարգսյանի, ՀՅԴ Աբովյանի կոմիտեի անդամ Վարդան Ավագյանի, Հրազդանի կոմիտեի անդամ Արտաշես Հունանյանի և Նոյեմբերյանի կոմիտեի անդամ Վարազդատ Ամիրաղյանի բնակարաններում։

Քննչական կոմիտեն էլ հայտարարել է, որ ««Սրբազան պայքար» շարժման մասնակիցները և ղեկավարները պլանավորել էին ՀՀ-ում իրականացնել ահաբեկչական և իշխանությունը զավթելուն ուղղված գործողություններ»:

Կատարում գտնվող ամերիկյան «Ալ Ուդեյդ» ավիաբազային հունիսի 23-ին Իրանի հասցրած հրթիռային հարվածը ինքնապաշտպանության ակտ էր՝ ՄԱԿ կանոնադրության 51-րդ հոդվածի համաձայն, հայտնել է Իրանի արտաքին գործերի նախարար Աբաս Արաղչին,

Այս մասին հաղորդել է Tasnim-ը։

Բագրատ Սրբազանն այս պահին ձերբակալված է, համոզված եմ՝ նրա նկատմամբ կալանքի միջնորդություն կներկայացվի։ Այս մասին այսօր՝ հունիսի 25–ին, Բագրատ Սրբազանի կեցավայրի մոտ լրագրողների հետ զրույցում նշեց փաստաբան Սերգեյ Հարությունյանը։

«Բոլորի հեռախոսներն առգրավել են»,– ասաց նա։

Անդրադառնալով ՔԿ–ի տարածած ձայնագրություններին, փաստաբանը նշեց, որ դրանք չեն կարող ահաբեկչության սցենար համարվել.

«Վերջին մեկ տարվա ընթացքում քաղաքական գործընթացներ են եղել, ակցիաներ են եղել, և այդ ժամանակ պարզ է, որ անձանց ակտիվության կոչեր են եղել, այդտեղ, ո՞րն է քրեորեն հետապնդելի, բայց հիմա իրենք այս շոուի ատրիբուտները ապահովելու են, տարբեր այսպիսի բաներ են տարածելու, շղարշ ստեղծելու և իմիտացիա անելու համար, որ տեսեք, ահաբեկչական խումբ ենք բռնել։ Ես վստահ եմ, որ սա հերթական շոուն է, մենք այս տիպի շոուներ բազմաթիվ ենք ունեցել։ Այս անգամ ավելի սրացում էր»,–ասաց նա։

Բագրատ Սրբազանի հետ միասին բերման են ենթարկել նաեւ Հրայր Սարկավագին եւ Մովսեսին։ Այս մասին այսօր՝ հունիսի 25–ին, Բագրատ Սրբազանի կեցավայրի մոտ լրագրողների հետ զրույցում նշեց փաստաբան Սերգեյ Հարությունյանը։

Ավելի վաղ հայտնել էինք, որ այսօր վաղ առավոտյան իրավապահները խուզարկություններ են սկսել Սրբազան Պայքարի աջակիցների տներում։ Նրանք գործողություն են իրականացնում նաև Բագրատ արքեպիսկոպոս Գալստանյանի բնակավայրում։

Բացի այդ, ՀՅԴ–ից հայտնում են, որ այս պահին խուզարկություններ են իրականացվում ՀՅԴ Հայաստանի Գերագույն մարմնի անդամ Իգոր Սարգսյանի, ՀՅԴ Աբովյանի կոմիտեի անդամ Վարդան Ավագյանի, Հրազդանի կոմիտեի անդամ Արտաշես Հունանյանի և Նոյեմբերյանի կոմիտեի անդամ Վարազդատ Ամիրաղյանի բնակարաններում։

Քննչական կոմիտեն էլ հայտարարել է, որ ««Սրբազան պայքար» շարժման մասնակիցները և ղեկավարները պլանավորել էին ՀՀ-ում իրականացնել ահաբեկչական և իշխանությունը զավթելուն ուղղված գործողություններ»:

Իսկ այ հիմա, սրբազան, «օտարերկրյա ուժային կենտրոնները» քեզ էլ չեն փրկի: Հիմա արդեն կշփվես բացառապես հայկական ուժային կենտրոնների հետ։ Այս մասին ֆեյսբուքյան իր էջում գրել է ՀՀ ԱԺ փոխնախագահ Ռուբեն Ռուբինյանը։

«Կտրիճ Ներսիսյան, շտապ հայտարարություն ընդունեք, պաշտպանեք ձեր օրհնությամբ գործող սրբազանի` մարդկանց գյուլլելու սուրբ իրավունքը, ասեք, որ գյուլլողին բացահայտելը հարձակում է եկեղեցու վրա: Փարիսեցիներ»,-գրել է Ռուբինյանը։