Երևանի ընդհանուր իրավասության դատարանը՝ նախագահությամբ դատավոր Մասիս Մելքոնյանի, բավարարեց Բագրատ Սրբազանին կալանավորելու քննիչի միջնորդությունը։ Բագրատ Սրբազանը երկու ամսով կալանավորեց։

Դատարանը բավարարեց ՀՅԴ ԳՄ անդամ Իգոր Սարգսյանին կալանավորելու միջնորդությունը. Սարգսյանը նույնպես երկու ամսով կալանավորվեց։

Դատարանը բավարարել է նաև Արցախի ԱԺ պատգամավոր Դավիթ Գալստյանին, Բագրատ Սրբազանի օգնական Մովսես Շարբաթյանին, բլոգեր Արմեն Ալեքսանյանի, պահեստազորի գնդապետ Միհրան Մախսուդյանին, Արա Ռոստոմյանին և Աղվան Արշակյանին երկու ամսով կալանավորելու միջնորդությունը։

Բագրատ Սրբազանի աջակից Տիգրան Գալստյանի նկատմամբ կալանք կիրառելու՝ քննիչի միջնորդության քննությունն ավարտվեց, դատարանի որոշումը կհրապարակվի առավոտյան ժամը 11:00-ին։

Հիշեցնենք, որ Քննչական կոմիտեն 16 անձի նկատմամբ կալանքը որպես խափանման միջոց կիրառելու վերաբերյալ միջնորդություններ էր ներկայացվել դատարան:

«Մայր Աթոռ Սուրբ Էջմիածինը խոր մտահոգություն է արտահայտում Տ․ Բագրատ արքեպիսկոպոս Գալստանյանի և իր համախոհների նկատմամբ այսօր իրավապահ մարմինների ձեռնարկած գործողությունների և նրանց մեղսագրվող ծանր մեղադրանքների կապակցությամբ»։ Այս մասին ասվում է Գերագույն հոգևոր խորհրդի տարածած հայտարարության մեջ։ծ

«Իրավական գործընթացի նկատմամբ վստահություն չի ներշնչում այն հանգամանքը, որ սկզբից ևեթ ՀՀ վարչապետը և իշխող կուսակցության տարբեր ներկայացուցիչներ ակնհայտ քաղաքական նկատառումներով տարաբնույթ հրապարակումների միջոցով փորձում են ուղղորդել իրավապահ մարմիններին։

Դատապարտելի է նաև հիշյալ գործընթացը Եկեղեցու հետ արհեստականորեն կապակցելու և Մայր Աթոռի անունը շահարկելու դիտավորությունը, ինչն ամբողջապես տեղավորվում է իշխանությունների նախաձեռնած հակաեկեղեցական արշավի համատեքստում։

Մայր Աթոռը օրինական բոլոր միջոցներով հետամուտ է լինելու գործի արդարացի ընթացքին և հորդորում է պատկան մարմիններին չտրվել քաղաքական շահարկումներին, առաջնորդվել ՀՀ Սահմանադրության և օրենքների պահանջներով՝ հարգելով անմեղության կանխավարկածի սկզբունքը»,–ասվում է հայտարարության մեջ։

Միջազգային ատոմային էներգիայի գործակալության (ՄԱԳԱՏԷ) տվյալներով՝ Իրանը կարող է վերականգնել ԱՄՆ-ի հարվածների հետևանքով ավերված իր միջուկային օբյեկտները։ Երկիրն ունի անհրաժեշտ տեխնիկական գիտելիքներ և արդյունաբերական հզորություն։ Ոչ ոք չի կարող դա հերքել: Այս մասին այսօր Ավստրիայի կառավարության հետ անվտանգության հարցերով արտակարգ հանդիպման ժամանակ ասել է ՄԱԳԱՏԷ-ի ղեկավար Ռաֆայել Գրոսսին։

Գրոսին նշել է, որ Իրանի միջուկային ենթակառուցվածքների որոշ մասեր դիմացել են հարձակումներին։ Նա հրաժարվել է պատասխանել այն հարցին, Իսրայելի և ԱՄՆ-ի հարձակումները տարիներով, թե՞ ընդամենը մի քանի ամսով են հետ գցել Իրանի միջուկային ծրագիրը։ «Ես չեմ սիրում դրան նայել այնպես, կարծես մենք ավազի ժամացույցի ենք նայում», - ասել է նա։

«Ռազմական գործողությունն ունի իր սեփական տրամաբանությունը, և ես այստեղ չեմ՝ դատելու համար, թե դա լավ է, թե վատ։ Մենք ունենք այն իրավիճակը, որն ունենք», - հավելել է Գրոսին։ Հիմա, ասել է նա, կարևոր է Իրանի հետ աշխատել երկարաժամկետ լուծումների շուրջ։

«Մայր Աթոռ Սուրբ Էջմիածինը խոր մտահոգություն է արտահայտում Տ․ Բագրատ արքեպիսկոպոս Գալստանյանի և իր համախոհների նկատմամբ այսօր իրավապահ մարմինների ձեռնարկած գործողությունների և նրանց մեղսագրվող ծանր մեղադրանքների կապակցությամբ»։ Այս մասին ասվում է Գերագույն հոգևոր խորհրդի տարածած հայտարարության մեջ։

«Իրավական գործընթացի նկատմամբ վստահություն չի ներշնչում այն հանգամանքը, որ սկզբից ևեթ ՀՀ վարչապետը և իշխող կուսակցության տարբեր ներկայացուցիչներ ակնհայտ քաղաքական նկատառումներով տարաբնույթ հրապարակումների միջոցով փորձում են ուղղորդել իրավապահ մարմիններին։

Դատապարտելի է նաև հիշյալ գործընթացը Եկեղեցու հետ արհեստականորեն կապակցելու և Մայր Աթոռի անունը շահարկելու դիտավորությունը, ինչն ամբողջապես տեղավորվում է իշխանությունների նախաձեռնած հակաեկեղեցական արշավի համատեքստում։

Մայր Աթոռը օրինական բոլոր միջոցներով հետամուտ է լինելու գործի արդարացի ընթացքին և հորդորում է պատկան մարմիններին չտրվել քաղաքական շահարկումներին, առաջնորդվել ՀՀ Սահմանադրության և օրենքների պահանջներով՝ հարգելով անմեղության կանխավարկածի սկզբունքը»,–ասվում է հայտարարության մեջ։

Հունիսի 25-ին, տեղական ժամանակով ժամը 21:35-ին (Գրինվիչի ժամանակով` ժամը 17։35-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է  հյուսիսային լայնության 40.16⁰ և արևելյան երկայնության 45․25⁰ աշխարհագրական կոորդինատներով Հայաստան՝ Գեղարքունիքի մարզի Մարտունի քաղաքից 5 կմ հյուսիս-արևմուտք, օջախի 10 կմ խորությամբ, 1․9 մագնիտուդով երկրաշարժ։ Այս մասին հայտնում է ՆԳՆ Փրկարար ծառայությունը։

Էպիկենտրոնային գոտում ստորգետնյա ցնցման ուժգնությունը կազմել է 2-3 բալ:

Երկրաշարժը զգացվել է Մարտունի քաղաքում, ինչպես նաև Լիճք և Երանոս գյուղերում՝ 2 բալ ուժգնությամբ։

Մեծ Բրիտանիայի Հեմփշիր կոմսության Նյու Ֆորեստ ազգային պարկում էշերը խաթարել են աղբի տեսակավորման գործընթացը։ Ինչպես գրում է The Guardian-ը, կենդանիները հարձակվում են նոր տեղադրված սննդային թափոնների կոնտեյներների վրա՝ շրջելով և տարածելով աղբը փողոցներում։ Տեղացիների խոսքով՝ այժմ ճանապարհներին ստեղծվել է խառնաշփոթ, և կենդանիները ազատորեն շրջում են թափված մնացորդների մեջ։

Պարկի բնակիչները փորձում են կանխել իրավիճակը՝ կոչ անելով միմյանց աղբամանները պահել փակ տարածքներում, ոչ թե դարպասների առաջ։ Ներկայում պարկում ապրում է մոտ 200 էշ, որոնք համարվում են տեղի էկոհամակարգի կարևոր բաղադրիչ։ Սակայն սննդային թափոնների հասանելիությունը կարող է վտանգել նրանց առողջությունը՝ ներառյալ Աֆրիկյան խոզի ժանտախտով վարակվելու ռիսկը։

Ավելի վաղ Անգլիայի Կորնուոլի կոմսությունում գտնվող Գուլվալ գյուղում գլուխ էր բարձրացրել ճահճահավերի գաղութը, որոնք վնասում էին տեղացիների ավտոմեքենաները։

Իրանի պաշտպանության նախարարն այցելել է Չինաստան։

Այս մասին հայտնում են իրանական ԶԼՄ-ները։

Նախարարի այցից հրապարակվել է միայն տեսանյութ։

Այլ մանրամասներ այս պահին դեռ չեն հայտնում։ 

Հունիսի 17-ին Իսրայելի պաշտպանության բանակը հայտարարեց, որ իրենց հարվածի հետևանքով սպանվել է Իրանի ԶՈւ կենտրոնական շտաբի (ՀՕՊ ուժերի շտաբ)` «Խաթամ ​​ալ-Անբիայի» նոր պետ Ալի Շադմանին։

ՑԱԽԱԼ–ի հաղորդմամբ՝ հարվածը հասցվել է Իրանի մայրաքաղաքում գտնվող հրամանատարական կենտրոնին։ Ալի Շադմանին համարվում էր ԻՀՊԿ վետերաններից մեկը։ Նա կառույցում ծառայում էր 1979 թվականից։

Հիշեցնենք` Իսրայելը հունիսի 13-ի գիշերը լայնածավալ գործողություն սկսեց Իրանի դեմ ՝ նրան մեղադրելով գաղտնի ռազմական-միջուկային ծրագրի իրականացման մեջ, որն իբր մոտեցել է անվերադարձության կետին: Օդային ռմբակոծությունների և դիվերսիոն խմբերի արշավանքների թիրախներն էին ատոմային օբյեկտները, գեներալիտետը, ականավոր միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր»հրթիռները:

Իրանը, որը հերքում է իր ատոմային նախագծի ռազմական բաղադրիչը, սկսեց պատասխանել հրթիռային համազարկերով և հարվածային անօդաչու թռչող սարքերի արձակմամբ Իսրայելի տարածքում գտնվող օբյեկտների ուղղությամբ:

Իսկ հունիսի 22-ին Իրանին հարվածներ հասցրեց ԱՄՆ ավիացիան։ Հարձակման ենթարկվեցին Իրանի միջուկային օբյեկտները Նաթանզում, Ֆորդոյում և Սպահանում։ Հարձակումը, ըստ Վաշինգտոնի, նախատեսված էր Իրանի միջուկային ծրագիրը ոչնչացնելու կամ լրջորեն թուլացնելու համար: Հունիսի 23-ի երեկոյան Իրանը հարվածներ հասցրեց Կատարի Ալ-Ուդեյդ ամերիկյան ռազմակայանին։

Երեկ՝ հունիսի 24-ին, կրակոցներ են հնչել Արմավիրի մարզում։

Ինչպես նշում է Shamshyan. com-ը ժամը 23։30-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Արմավիրի մարզային քրեական վարչությունում հերթական օպերատիվ տեղեկություններն են ստացվել, որ Երևան-Արմավիր ավտոճանապարհի Վաղարշապատ քաղաքի Աշտարակի խճուղում գործող գազալցակայանում կրակոցներ են հնչել։

Տեղում պարզվել է, որ օպերատիվ տեղեկությունը հավաստի է և նշված գազալցակայանից քրեական ու համայնքային ոստիկանները ոստիկանության Վաղարշապատի բաժին են տեղափոխել Արմավիրի մարզի բնակիչ 24-ամյա Մանվել Գրիգորյանին, ով կասկածվում է կրակոցներ արձակելու մեջ։

Ոստիկաններին հաջողվել է հայտնաբերել նաև հանցագործության գործիք ինքնաձիգը, դեպքի վայրում էլ հայտնաբերվել է մի քանի կրակված պարկուճ։

Ինքնաձիգը ու կասկածյալ Մ․ Գրիգորյանը ոստիկանությունից ներկայացվել են քննչական բաժին։

Լրատվամիջոցի տեղեկություններով՝ Մ․ Գրիգորյանը գեներալ-մայոր Մանվել Գրիգորյանի թոռն է, Էջմիածնի նախկին քաղաքապետ Կարեն Գրիգորյանի որդին։