Ուկրաինայի եվրոպական ինտեգրման հարցերով նախարար Օլգա Ստեֆանիշինան առաջարկել է օրենսդրորեն արգելել 18-27 տարեկան ուկրաինուհիների՝ երկրից դուրս գալը։ Այս մասին նա հայտնել է Freeдом հեռուստաալիքի եթերում։
«Երբ երիտասարդ աղջիկները մեկնում են Լեհաստան կամ Գերմանիա, մենք կորցնում ենք ոչ միայն նրանց, այլև ապագա երեխաներին, որ նրանք կարող էին ունենալ։ Ես անձամբ կսատարեի օրենք, որը կանանց 18-ից 27 տարեկան արգելք կդներ երկրից դուրս գալու համար», — նշել է Ստեֆանիշինան։
Նրա հայտարարությունը ակտիվ քննարկում է առաջացրել ուկրաինական հասարակության շրջանակում։
Իրանի իրավապահ մարմինները հունիսի 13-ին Իսրայելի հետ զինված հակամարտության սկզբից ի վեր ձերբակալել են առնվազն 700 մարդու՝ Իսրայելի հետախուզական ծառայությունների համար աշխատելու կասկածանքով: Այս մասին հաղորդել է Fars գործակալությունը:
Ըստ գործակալության տեղեկատվության՝ ամենից շատ ձերբակալություններ գրանցվել են Քերմանշահի, Սպահանի, Խուզեստանի, Ֆարսի և Լորեստանի նահանգներում:
ars-ի տվյալներով՝ ձերբակալվածները մեղադրվում են Իսրայելի համար Իրանի տարածքից փոքր անօդաչու թռչող սարքերի արձակման, ինքնաշեն ռումբերի պատրաստման և ռազմական օբյեկտների նկարահանման մեջ՝ տեղեկատվությունը հետագայում Իսրայելի հետախուզական ծառայություններին փոխանցելու նպատակով: Ինչպես նշում է գործակալությունը, միայն Թեհրանում հունիսի 13-ից ի վեր առգրավվել է ավելի քան 10 000 ոչ մեծ անօդաչու թռչող սարք:
Աջապահյանին մի խորհուրդ հաստատ կարելի տալ՝ հանգիստ սթրվիր տեղդ. Արայիկ Հարությունյան
Հունիսի 25, 2025Հայաստանի Հանրապետության վարչապետի աշխատակազմի ղեկավար Արայիկ Հարությունյանը «Ֆեյսբուք»-ի իր էջում անդրադարձել է Շիրակի թեմի առաջնորդ Միքայել արքեպիսկոպոս Աջապահյանի՝ ստեղծված իրավիճակում ինչ կարող են անել հոգևորականները հարցի պատասխանին:
«Կտրիճ Ներսիսյանի ներկայացուցչին Շիրակի թեմում՝ Միքայել Աջապահյանին հարցրել են Կտրիճ Ներսիսյանի կողմից օրհնված հեղաշրջման տապալված փորձի մասին՝ ինչ կարող են անել իրենք (հոգևորականները) այս իրավիճակում: Պատասխանել է՝ «այո, սա աննախադեպ երևույթ է, բայց ի՞նչ կարող է անել եկեղեցին»։
Իրեն մի խորհուրդ հաստատ կարելի տալ՝ ՀԱՆԳԻՍՏ ՍԹՐՎԻՐ ՏԵՂԴ!!! Հերիք եղավ ժողովրին ամենժանյա սթերսի մեջ պահեք: Սթրեսի բոլոր աղբյուրները մարելու են»:
Իրանը հնարավորություն չի ունեցել միջուկային օբյեկտներից որևէ բան հեռացնել, քանի որ մենք արագ ենք գործել. Թրամփ
Հունիսի 25, 2025Իրանը հնարավորություն չի ունեցել որևէ բան (միջուկային օբյեկտներից ուրանը) հեռացնելու, քանի որ «մենք արագ ենք գործել», Այս մասին հայտարարել է ԱՄՆ նախագահ Դոնալդ Թրամփը, հաղորդում է Sky News-ը։
«Ես կարծում եմ, որ դա լիակատար ոչնչացում էր, ես կարծում եմ, որ նրանք հնարավորություն չեն ունեցել որևէ բան հեռացնելու, քանի որ մենք արագ ենք գործել։ Այդ նյութը հեռացնելը դժվար է՝ շատ դժվար և շատ վտանգավոր», - հավելել է նա։
ԱՄՆ նախագահին նաև հարցրել են Իրանի կողմից ուրանի հարստացումը շարունակելու սպառնալիքների մասին, և նա ասել է. «Վերջին բանը, որ նրանք հիմա ուզում են անել, որևէ բան հարստացնելն է։ Նրանք ուզում են վերակառուցել։ Մենք դա թույլ չենք տա»։
ԱՄՆ նախագահ Թրամփին հարցրել են, թե արդյոք Իրանի վրա ԱՄՆ հարվածները մոտեցրել են Իսրայել-Համաս համաձայնագրին։ Նա ասել է, որ նույնիսկ հարվածներից առաջ «մենք շատ մոտ էինք Գազայի հարցում համաձայնագրի կնքմանը»։
Իրանի խորհրդարանը հաստատել է Ատոմային Էներգիայի միջազգային գործակալության (ՄԱԳԱՏԷ) հետ համագործակցությունը դադարեցնելու մասին օրինագիծը: Ինչպես տեղեկացնում է PressTV–ն, այս մասին հայտնել է Իսլամական խորհրդատվական վեհաժողովի նախագահության ներկայացուցիչ Ալիրեզա Սալիմին։ Խորհրդարանի որոշումը պետք է հաստատի Իրանի ազգային անվտանգության բարձրագույն խորհուրդը:
Այս շաբաթ խորհրդարանի խոսնակ Մոհամմադ Բաղեր Ղալիբաֆը հայտարարել էր, որ ՄԱԳԱՏԷ-ն չի կատարել համագործակցության համաձայնագրերով նախատեսված իր պարտավորությունները:
ՄԱԳԱՏԷ-ի տնօրեն Ռաֆայել Գրոսին հունիսի լույս 23-ի գիշերը ՄԱԿ-ի անվտանգության խորհրդի նիստում Թեհրանին խնդրել էր Իրանի վնասված երեք օբյեկտների հասանելիություն տալ հասկանալու համար հետևանքների մասշտաբները: Սակայն Իրանի մշտական ներկայացուցիչը հայտարարել էր, որ կազմակերպությունը վարկաբեկել է իրեն՝ վերածվելով քաղաքական գործիքի։ ԱՄՆ-ի հարվածներից հետո գործակալությունն ավերածություններ արձանագրեց Սպահանում, Ֆորդոյում և Նաթանզում, սակայն հայտարարեց, որ օբյեկտներից դուրս ճառագայթային ֆոնի բարձրացում գրանցված չէ:
ՄԱԳԱՏԷ-ի հետ Իրանի հարաբերությունները վատթարացել էին դեռ Իսրայելի հարձակումից առաջ։ Թեհրանը սահմանափակել էր տեսուչների մուտքն իր օբյեկտներ։ Իսկ հարվածներից անմիջապես առաջ ՄԱԳԱՏԷ-ն ընդունեց բանաձև, որում ասվում էր, որ Իրանը չի կատարում միջուկային զենքի չտարածման ռեժիմի շրջանակում իր պարտավորությունները։
Փաստաթղթում մասնավորապես նշվում էր, որ Թեհրանը գործակալությանը տեխնիկապես հիմնավորված բացատրություն չի տրամադրել չհայտարարագրված օբյեկտներում արհեստականորեն ստեղծված ուրանի մասնիկների առկայության վերաբերյալ: Դրանից հետո Իսրայելը հարվածներ հասցրեց Իրանին։
ԱՄՆ նախագահ Դոնալդ Թրամփը հայտարարել է, որ առաջընթաց է տեսնում ռուս-ուկրաինական ճգնաժամի կարգավորման գործում։ Նա նշել է, որ հունիսի 25-ին ավելի ուշ կքննարկի իրադրությունը Ուկրաինայի նախագահ Վոլոդիմիր Զելենսկիի հետ Հաագայում ՆԱՏՕ-ի գագաթնաժողովի շրջանակներում։
Այդ մասին տեղեկանում ենք «Ինտերֆաքս» գործակալությունից:
«Ես շատ եմ խոսել Պուտինի հետ, և նա շատ սիրալիր էր։ Ինչպես գիտեք, նա առաջարկել է օգնել Իրանի հարցում, ինչին ես պատասխանել եմ. «Ինձ օգնություն պետք չէ Իրանի հարցում, ինձ օգնություն է պետք Ռուսաստանի հարցում…. Մենք դա կքննարկենք Զելենսկիի հետ։ Կարծում եմ՝ առաջընթաց կա», – Թրամփը հայտարարել է գագաթնաժողովի շրջանակներում։
Խոսելով Զելենսկիի հետ առաջիկա հանդիպման մասին՝ Թրամփը նշել է, որ իրենք կքննարկեն «նրա դժվարությունները, նա որոշակի դժվարություններ ունի»։
Ավելի վաղ, Նիդեռլանդներ մեկնելու ժամանակ շփվելով լրագրողների հետ՝ ԱՄՆ նախագահը նշել էր, որ Զելենսկին «դժվարին վիճակում է, որում չպետք է հայտնվեր»։
Անցյալ շաբաթ Թրամփն արդեն հայտարարել էր, որ «Ռուսաստանն ու Ուկրաինան որոշակի առաջընթաց են գրանցել»։
Փաշինյանը տեսակապի միջոցով կմասնակցի Եվրասիական տնտեսական բարձրագույն խորհրդի նիստին
Հունիսի 25, 2025ՀՀ վարչապետ Նիկոլ Փաշինյանը Մինսկում Բարձրագույն Եվրասիական տնտեսական խորհրդի նիստին կմասնակցի տեսակապի միջոցով, լրագրողներին հայտնել է Ռուսաստանի նախագահի օգնական Յուրի Ուշակովը։
«ՀՀ վարչապետ Փաշինյանը (Բարձրագույն Եվրասիական տնտեսական խորհրդի նիստին – խմբ.) կմասնակցի տեսակապի միջոցով։ Սակայն նա այդ մասին հայտարարել էր նախորդ նիստի ժամանակ», – ասել է Ուշակովը։
Բարձրագույն Եվրասիական տնտեսական խորհրդի նիստը տեղի կունենա Մինսկում հունիսի 27-ին։
Առաջադրված հոդվածներով 12–15 տարի ազատազրկում է նախատեսված․ Բագրատ Սրբազանի փաստաբան (տեսանյութ)
Հունիսի 25, 2025Առաջադրված հոդվածներով 12–15 տարի ազատազրկում է նախատեսված, ասաց Բագրատ Սրբազանի փաստաբան Հովհաննես Խուդոյանը` հավելելով, որ դրանք արհեստական են ձևակերպված։
Փաստաբանն ակնկալում է, որ դատարան կներկայացնեն ամբողջական ձայնագրությունը։
«Մանրամասները կհասկանանք։ Ոչ մասնագետի համար էլ այդ ձայնագրությունները լսելիս հասկանալի է, որ այնտեղ ընդհատումներով է խոսքը ու ակնհայտ է, որ մոնտաժված են։ Արդյոք դրանք նաև այլ եղանակով մշակված, գեներացված են, գործի քննությունը ցույց կտա»,– ասաց նա։
ՆԱՏՕ-ի հաջորդ գագաթնաժողովը տեղի կունենա 2026 թվականին Թուրքիայում, իսկ 2027 թվականին՝ Ալբանիայում: Այս մասին ասվում է Հյուսիսատլանտյան դաշինքի երկրների ղեկավարների եզրափակիչ հայտարարության մեջ։
«Մենք մեր երախտագիտությունն ենք հայտնում Նիդեռլանդների Թագավորության կողմից մեզ ցուցաբերված առատաձեռն հյուրընկալության համար։ Մենք անհամբեր սպասում ենք մեր հաջորդ հանդիպմանը Թուրքիայում՝ 2026 թվականին, որին կհաջորդի հանդիպումը Ալբանիայում», - ասվում է փաստաթղթում։
ՆԱՏՕ-ի երկրների ղեկավարների գագաթնաժողովն անցկացվել է հուլիսի 24-25-ը Հաագայում։
|
ՆԱՏՕ-ի գլխավոր քարտուղար Մարկ Ռjուտեն նողկալի արարք է կատարել՝ շնորհավորելով ԱՄՆ նախագահ Դոնալդ Թրամփին Իրանի դեմ հարվածների կապակցությամբ, հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային։ «Ամոթալի, նողկալի և անպատասխանատու է ՆԱՏՕ-ի գլխավոր քարտուղարի կողմից շնորհավորել ինքնիշխան պետության դեմ ագրեսիայի «իսկապես արտակարգ» հանցավոր գործողության համար։ «Նա, ով խրախուսում է անարդարությունը, դադարում է ազնիվ լինելուց։ Հանցագործությանն աջակցող յուրաքանչյուր ոք համարվում է հանցակից», - գրել է Բաղային X-ում։ Հունիսի 24-ին Թրամփը Truth Social սոցիալական ցանցում հրապարակել էր ՆԱՏՕ-ի գլխավոր քարտուղար Ռյուտեի հետ նամակագրության էկրանապատկերը, որտեղ Ռյուտեն շնորհավորել և շնորհակալություն է հայտնել Թրամփին՝ «Իրանում վճռական գործողությունների համար, որոնք իսկապես արտակարգ էին և որոնք ոչ ոք չէր համարձակվում ձեռնարկել»։ ՆԱՏՕ-ի մամուլի ծառայությունը հաստատել է նամակագրության իսկությունը։ |
Ֆոտո
