Թուրքիան և Իսրայելը ուղիղ բանակցություններ են վարում Սիրիայում հակամարտությունները կանխելու նպատակով՝ հայտարարել է Թուրքիայի արտգործնախարարը: Նրա խոսքով՝ կարևոր է խուսափել կողմերի միջև թյուրիմացություններից:

Հաքան Ֆիդանը նաև նշել է, որ Թուրքիայի ու Իսրայելի հիմնական խնդիրներն են Գազան, Արևմտյան ափը և Ալ-Աքսա մզկիթը։

«Մենք որևէ մեկի հետ հակամարտության մեջ մտնելու մտադրություն չունենք, բայց նաև անտարբեր չենք հետևի Սիրիայում որևէ գործողության, անկարգություններին կամ սադրանքների, որոնք սպառնալիք են Թուրքիայի համար։ Իսրայելի ռազմավարությունն է ոչինչ չթողնել Սիրիայի նոր կառավարությանը։ Դեկտեմբերի 8-ից Իսրայելը պարբերաբար ցամաքային և օդային հարվածներ է հասցնում կանոնավոր բանակներին պատկանող բոլոր ենթակառուցվածքներին»,- ասել է Ֆիդանը:

Նրա խոսքով՝ եթե Սիրիան Թուրքիայի հետ ռազմական համաձայնագիր կնքի, Անկարան պատրաստ է աջակցություն ցուցաբերել։ ️ ️

Թուրքիայի արտգործնախարարն անդրադարձել է նաև ՄԱՆ-ի հետ հարաբերություններին, նշել՝ Անակարան աշխատում է «Պատժամիջոցների միջոցով Ամերիկայի հակառակորդներին դիմակայելու մասին» օրենքով սահմանված պատժամիջոցների վերացման ուղղությամբ: Ֆիդանի խոսքով՝ Թուրքիայի և ԱՄՆ-ի նման դաշնակիցների միջև պատժամիջոցներ չպետք է լինեն։

Դիվանագետը հավելել է՝ Անկարան նախապատրաստում է Էրդողանի և Թրամփի շուտափույթ հանդիպումը։

ԱՄՆ դոլարի փոխարժեքն այսօր՝ մարտի 10-ին, կազմել է 391.08  դրամ՝ նախորդ օրվա համեմատ նվազել է 0.70 դրամով: Այդ մասին տեղեկանում ենք Կենտրոնական բանկի պաշտոնական կայքից։

Հայաստանյան բանկերում դոլարը գնվում է 387.5-390 դրամով, վաճառվում է 393-394 դրամով:

Եվրոն բանկերում գնվում է 422-427.5 դրամով, վաճառվում է 435-441 դրամով:

Ռուբլին բանկերում գնվում է 4.37-4.55 դրամով, վաճառվում է 4.68-4.80 դրամով: Փոխանակման կետերում իրավիճակը հետևյալն է.

դոլարը գնվում է 390 դրամով, վաճառվում՝ 393 դրամով:

Եվրոն գնվում է 427 դրամով, վաճառվում է 432-433 դրամով:

Ռուբլին գնվում է 4.50 դրամով, վաճառվում է 4.60-4.65 դրամով:

Եվրոպան պատրաստ է ավելացնել ամերիկյան հեղուկ գազի գնումները՝ լարվածությունը թուլացնելու համար։ Այս մասին The Financial Times-ին տված հարցազրույցում ասել է էներգետիկայի և բնակարանային հարցերով եվրահանձնակատար Դան Յորգենսենը։

«Մենք մեծ ծավալներով գազ գնելու ներուժ ունենք ԱՄՆ-ից, բայց մենք պետք է այն գնենք այնպիսի պայմաններով, որոնք չեն խանգարի մեր անցմանը կանաչ տնտեսության»,- ասել է Յորգենսենը։

Ինչպես պարզաբանել է եվրահանձնակատարը, Եվրոպային դեռևս անհրաժեշտ են էներգիայի վերականգնվող աղբյուրներ, որոնք պետք է ապահովեն էներգակիրների գների իջեցում և ռուսական հումքի վերջնական մերժում։ Յորգենսենը հավելել է, որ Եվրամիությունը կարող է օգուտ քաղել համաշխարհային շուկաներում ԱՄՆ նախագահ Դոնալդ Թրամփի մաքսային քաղաքականության պատճառով առաջացած քաոսից։

Ադրբեջանի նախագահ Իլհամ Ալիևն աշխատանքային այցով ժամանել է Թուրքիա՝ մասնակցելու Անթալիայի 4-րդ դիվանագիտական ​​ֆորումին՝ երկրի նախագահ Ռեջեփ Թայիփ Էրդողանի հրավերով։

Անթալիայի միջազգային օդանավակայանում Ալիևին և կնոջը դիմավորել են նահանգապետ Հուլուսի Շահինը և այլ պաշտոնյաներ։

Հիշեցնենք, որ ֆորումի մասնակիցների թվում են ՀՀ ԱԳ նախարար Արարատ Միրզոյանն ու ԱԺ փոխխոսնակ Ռուբեն Ռուբինյանը:

ԱՊՀ երկրները պետք է ակտիվացնեն անվտանգության ապահովմանն ուղղված ջանքերը ռազմաքաղաքական իրադրության սրման պատճառով։ Այդ մասին հայտարարել է ԱՊՀ գլխավոր քարտուղար Սերգեյ Լեբեդևը «Սոյուզնիկի. ՕԴԿԲ» («Դաշնակիցներ. ՀԱՊԿ») պարբերականին։

«Նոր աշխարհակարգի ձևավորումը, ցավոք, ուղեկցվում է ռազմաքաղաքական իրադրության սրմամբ և միջազգային հարաբերությունների ապակայունացմամբ այն ուժերի ձգտման պատճառով, որոնք փորձում են պահպանել գլոբալ գերիշխանությունը, թուլացնել և իրենց ազդեցությանը ենթարկել անկախ արտաքին և տնտեսական քաղաքականություն վարող պետություններին ու ինստիտուտներին», – ասել է նա։

Ըստ Լեբեդևի՝ դա ազդում է ԱՊՀ երկրների վրա՝ նրանց առջև դնելով տարբեր խնդիրներ։«Նոր աշխարհակարգի ճարտարապետության ձևավորումն ուղղակիորեն ազդում է Համագործակցության երկրների վրա՝ բազմաթիվ հիմնարար հարցեր դնելով միջազգային հարաբերությունների համակարգի ապագա բնույթի և հավասար ու փոխշահավետ տնտեսական, առևտրային, տրանսպորտային, գիտական, մշակութային և այլ կապերի կառուցման վերաբերյալ», – հավելել է Լեբեդևը:

Նա նշել է, որ հարկավոր է ակտիվացնել արտաքին քաղաքական գործունեության համակարգման միջոցները և միավորել ԱՊՀ պետությունների ազգային անվտանգության ապահովմանն ուղղված ջանքերը։

Ըստ Լեբեդևի՝ ներկայում լուրջ փոփոխություններ են կրում   վերջին տասնամյակներում գործող միջազգային անվտանգության և տնտեսական կապերի համակարգերը։

«Մենք ականատես ենք լինում գոյություն ունեցող աշխարհակարգի հիմնարար վերափոխման՝ ԱՄՆ-ի գլոբալ գերակայությունից դեպի բազմակենտրոն աշխարհակարգ», – նշել է նա։

ԱՄՆ-ի Կոնգրեսի Ներկայացուցիչների պալատի մի խումբ դեմոկրատներ արշավ են սկսել գործարար Իլոն Մասկին նախագահ Դոնալդ Թրամփի վարչակազմից հեռացնելու համար: Տասնյակ դեմոկրատներ Մասկի հեռացումը պահանջող նամակ են հղել Թրամփին։

«Հաշվի առնելով Մասկի և ձեր վարչակազմի կողմից օրենքի պարբերական խախտումները՝ մենք անհապաղ հրապարակային հայտարարություն ենք պահանջում ձեր վարչակազմից, որում հստակորեն կնշվի, որ Մասկը հրաժարական կտա և վայր կդնի որոշումներ կայացնելու բոլոր լիազորությունները, ինչպես դա պահանջում է օրենքը, մինչև մայիսի 30-ը», – ասվում է դեմոկրատների կողմից Թրամփին ուղղված նամակում:Նամակի տակ ստորագրել է 77 դեմոկրատ օրենսդիր։

Նամակի հեղինակներն ընդգծել են, որ Մասկն օրինականորեն չի կարողանա այս տարի վերադառնալ դաշնային կառավարություն, մինչև չհրաժարվի իր ընկերություններից, այդ թվում՝ Tesla-ից և SpaceX-ից:

Ըստ օրենքի՝ հատուկ պետական ​​ծառայողները, ինչպիսին Մասկն է, որը ղեկավարում է ԱՄՆ Կառավարության արդյունավետության վարչություն (DOGE), չեն կարող պաշտոնավարել 130 օրից ավելի։

Իր հերթին կոնգրեսական Գրեգ Քասարն Axios լրատվական հարթակին հայտնել է, որ սա դեռ միայն սկիզբն է. դեմոկրատներն «իրենց տրամադրության տակ ունեն իրավական գործիքակազմ, քաղաքական գործիքակազմ», ինչպես նաև «հասարակական ճնշման ողջ ուժը»:

Գյումրիի նորընտիր ավագանու կազմին մանդատները կհանձնվեն ապրիլի 14-ին։

Անցողիկ շեմը հաղթահարել է 5 քաղաքական ուժ: Համաձայն ընտրությունների արդյունքների՝ մանդատները կբաշխվեն հետևյալ կերպ՝  «Քաղաքացիական պայմանագիր» կուսակցությունը կստանա 14, Հայաստանի կոմունիստական կուսակցությունը՝ 8, «Մեր քաղաքը» կուսակցությունների դաշինքը՝ 6, «Իմ հզոր համայնք» կուսակցությունը՝ 3, «Մայր Հայաստան» կուսակցությունների դաշինքը՝ 2 մանդատ: 

Թիվ 31 ընտրատարածքային ընտրական հանձնաժողովից «Արմենպրես»-ին հայտնեցին, որ «Իմ հզոր համայնք» կուսակցության ընտրացուցակի 3-րդ համարը՝ «Հենրիկ Իգիթյանի անվան գեղագիտության ազգային կենտրոն» ՓԲԸ-ի Գյումրիի մասնաճյուղի տնօրեն նկարչուհի Սուսաննա Մկրտչյանը մանդատից հրաժարման դիմում էր ներկայացրել։ Նրան կփոխարինի Սուսաննա Մոսոյանը։ 

Նորընտիր ավագանու առաջին նիստը կայանալու է ապրիլի 16-ին, որի ընթացքում էլ ավագանու անդամներն ընտրելու են համայնքապետ։

Ռուս զինվորականները ոչնչացրել են Ուկրաինայում Սումիի մարզում գտնվող երկրի զինված ուժերի զինամթերքի արտադրության հիմնական արտադրամասը:

Այս մասին ասվում է ֆրանսիական Le Monde թերթի հրապարակման մեջ, որը վկայակոչում է Ուկրաինայի զինված ուժերի 104-րդ բրիգադի սպա Անտոն Սերբինին։

«Ոչնչացվել է մեր ազգային զինամթերքի արտադրության հիմնական արտադրամասը»,-ասել է ուկրաինացի զինվորականը։

Լրագրող Ոսկան Սարգսյանի ֆեյսբուքյան գրառումը․ «Սահմանազատման հետևանքը, Կիրանցի, Բաղանիսի, Ոսկեպարի, Բերքաբերի բնակիչները սահմանամերձ հողերը չեն մշակում

Տավուշի մարզպետ Հայկ Ղալումյանին ապրիլի 7-ին հարցրել եմ՝ Տավուշի մարզի Կիրանց, Բերքաբեր, Ոսկեպար, Բաղանիս գյուղերում որքա՞ն աշնանացան է արվել, ո՞ր բնակավայրում՝ որքա՞ն, 2025-ին այդ բնակավայրերից յուրաքանչյուրում որքա՞ն գարնանացան է արվել, ո՞ր մշակաբույսերի։
Մարզպետարանից պատասխանել են ․«2024 թվականին ՀՀ Տավուշի մարզում իրականացվել է աշնանացանի աշխատանքներ՝ Կիրանց- 6,8 հա, Բերքաբեր- 6,0 հա, Ոսկեպար և Բաղանիս ցյուղերում աշնանացանի աշխատանքներ չեն իրականացվել:

Գարնանացանի աշխատանքները ընթացքի մեջ են» :
2024թվականին Կիրանցում հնձվել է 38 հեկտար աշնանացան, այժմ ցանված է 6,8 հեկտար։ Հարց է՝ ամռանը Կիրանցի սահմանագոտում ինչպե՞ս է կատարվելու հացահատիկի հունձը, ադրբեջանական զինուժը չի՞ խանգարելու դրան։ Կիրանցի, Բերքաբերի, Ոսկեպարի, Բաղանիսի բնակիչները անվտանգ չեն զգում, որ գյուղի սահմանամերձ հողերում գարնանացան անեն։ 2024թ․ սեպտեմբերի 2-ին Նիկոլ Փաշինյանը Կիրանցի դպրոցում հայտարարեց, «Ես ուզում եմ պատասխանատու կերպով ասել, որ Հայաստանի անկախության պատմության մեջ երբեք Կիրանցում դպրոց գնալն ավելի անվտանգ չի եղել, քան այսօր, երբեք Կիրանցում ապրելն ավելի անվտանգ չի եղել, քան այսօր:

Եվ սա շատ կարևոր արձանագրում է»»։

Ոսկան Սարգսյան

ԵՄ-ն կոչ է անում բացել Թուրքիայի և Հայաստանի, Հայաստանի և Ադրբեջանի միջև սահմանը, բայց այս ամենի հետ Եվրոպան կապ չունի. նման պնդմամբ է  հանդես եկել Ադրբեջանի նախագահ Իլհամ Ալիևը՝ մեկնաբանելկով Եվրանաձնաժողովի ղեկավար Ուրսուլա ֆոն դեր Լայենի հայտարարությունը:

Ալիևի խոսքով՝  ֆոն դեր Լայենի հայտարարությունը «տարօրինակ» է:

Հիշեցնենք, որ Եվրանաձնաժողովի ղեկավարը հույս էր հայտնել, որ «Թուրքիայի, Ադրբեջանի, Հայաստանի միջև սահմանների բացումը նոր հնարավորություններ կստեղծի Եվրոպայի և Կենտրոնական Ասիայի միջև համագործության համար»։

«Սև ծով հասնելու համար կարևոր է նաև Կենտրոնական Ասիայի և Հարավային Կովկասի երկրների հետ սահուն սահմանը: Երեք տասնամյակ Հայաստանի, Թուրքիայի և Ադրբեջանի փակ սահմանների բացումը կփոխի խաղի կանոնները։ Դա Եվրոպան և Կենտրոնական Ասիան կմոտեցնի առավել, քան երբևէ», - ասել էր ֆոն դեր Լայենը։

«Ես զարմացա, երբ տեղեկացա Եվրահանձնաժողովի նախագահ Ուրսուլա ֆոն դեր Լայենի՝ Ուզբեկստանում Եվրահանձնաժողովի ղեկավարների հետ Կենտրոնական Ասիայի ղեկավարների գագաթնաժողովի ժամանակ արված մեկնաբանությունների մասին, երբ նա խոսում էր Ադրբեջանի և Հայաստանի և Հայաստանի և Թուրքիայի միջև սահմանների բացման մասին՝ Միջին միջանցքին կամ ինչպես Եվրոպայում են անվանում՝ Գլոբալ դարպասին նպաստելու համար», - ասել է Ալիևը:

Ադրբեջանի նախագահը նշել է, որ «շատ տարօրինակ էր, քանի որ այդ միջանցքը կա, և Հայաստանը դրանում որևէ դեր չի խաղում»:

«Մենք կարող ենք հասկանալ եվրոպացի չինովնիկների զգացմունքները Հայաստանի նկատմամբ, բայց քարտեզը չի կարելի անտեսել։ Եվ հենց մենք՝ Վրաստանն ու Ադրբեջանը, ստեղծեցինք այս ամբողջ ենթակառուցվածքը, որն այսօր Եվրոպային թույլ է տալիս շփվել Կենտրոնական Ասիայի հետ՝ վրացական ծովային նավահանգիստները, Բաքու-Թբիլիսի-Կարս երկաթգիծը, ադրբեջանական նավահանգիստը Ալյաթում, Կասպյան նավագնացության ընկերությունը, որն առանցքային նշանակություն ունի փոխադրումների համար։ Այս ամենը անտեսվում է, բայց որքան գումար է ներդրվել։ Այս ամենը անտեսվում է։ Մենք միայն կոչեր ենք լսում բացել Թուրքիայի և Հայաստանի, Հայաստանի և Ադրբեջանի միջև սահմանը։ Ի՞նչ կապ ունի Եվրոպան սրա հետ։ Թուրքիայի և Հայաստանի, Ադրբեջանի և Հայաստանի հարաբերությունները նրանց գործը չէ։ Որքան Եվրամիությունը հեռու լինի այս հարցերից, այնքան լավ բոլորի համար», - եզրափակել է նա: