Ռուսական Մերձավոր Արևելքի ինստիտուտի նախագահ Եվգենի Սատանովսկին կարծում է, որ Հայաստանի տարածքով արտատարածքային միջանցք բացելու հավանականությունը բարձր է։

«Հայաստանն ունի մեծ քաղաքական առաջնորդ՝ Փաշինյանը։ Համապատասխանաբար, Հայաստանի կառավարման արդյունքները մոտավորապես նույնը կլինեն, ինչ Ուկրաինայի համար՝ Զելենսկու կառավարման արդյունքում։ Հայաստանը ոչինչ չի շահել՝ հրաժարվելով ճանաչել Ղարաբաղը, բայց կտրել է թթվածինը ԼՂ-ին աջակցելու ցանկացած փորձի համար։ Իսկ հիմա՞ ինչ է։ 20-րդ դարի սկզբին Կովկասի ամենախոշոր հայկական քաղաքը կոչվում էր Բաքու։ Եվ ի՞նչ։ Մեծ Հայքը մի ժամանակ ներառում էր ժամանակակից Թուրքիայի կեսը, Կիպրոս կղզին, Սիրիայի և Լիբանանի զգալի մասը։ Եվ ի՞նչ»,- NEWS.am-ի թղթակցի հետ զրույցում նշել է նա։

Այդ հիմքով՝ Սատանովսկին Հայաստանի տարածքով արտատարածքային միջանցք բացելու հավանականությունը բարձր է համարել։ Նա չի բացառել, որ շահագրգիռ ուժերը կարող են փորձել անտեսել Երևանի շահերը այդ նախագիծն իրականացնելիս։

Նրա գնահատմամբ՝ Հայաստանը թուլացել է Խորհրդային Միության փլուզումից հետո, և Ռուսաստանի հետ հարաբերությունների հնարավոր խզումը ևս բացասաբար կանդրադառնա նրա վրա։