Թեհրանում կայացել է ականավոր իրանահայերին նվիրված միջոցառում, որը կազմակերպել է «Իրանագիտություն» հիմնադրամը։ Տեղեկությունը հայտնում է Իրանի Իսլամական Հանրապետությունում ՀՀ դեսպանությունը։

Միջոցառմանը մասնակցել են հիմնադրամի ղեկավար Ալի Աքբար Սալեհին, ՀՀ դեսպան Գրիգոր Հակոբյանը, իրանահայ և իրանցի հասարակական–քաղաքական ու մշակութային գործիչներ:

ՀՀ դեսպան Գրիգոր Հակոբյանն իր ելույթում, մասնավորապես նշել է, որ առանձնահատուկ նշանակություն ունի իրանական կողմի բարձր վերաբերմունքը հայկական կրթական, մշակութային և մարզական հաստատությունների նկատմամբ։

Այս ամենն, ըստ նրա` այն ամուր հիմքերն են, որոնք հայ և իրանցի ժողովուրդներին թույլ են տալիս աշխարհին ներկայանալ որպես քրիստոնեության և իսլամի խաղաղ համակեցության ու երկխոսության փայլուն օրինակ:

Միջոցառման շրջանակում տեղի է ունեցել նաև «Իրանահայ ջրանկարիչները» գրքի շնորհանդեսը: