Ոսկու բորսայական գինը կրկին բարձրանում է. այսօր առավոտյան այն գերազանցել է տրոյական ունցիայի դիմաց 4 050 դոլարի նշագիծը։ Այս մասին պարզ է դառնում հետևում է Նյու Յորքի Comex բորսայում սակարկությունների տվյալներից:

Նախօրեին հաղորդվել էր, որ ոսկու գինն ամրապնդվել է տրոյական ունցիայի դիմաց 4 000 դոլարից բարձր մակարդակի վրա։ Վերլուծաբանը նշում է, որ շուկայում շատ առումներով նման տրամադրությունները պայմանավորված են Կոնգրեսի կողմից ֆինանսավորվող ամերիկյան պետական հաստատությունների մի մասի աշխատանքի դադարեցմամբ՝ հաջորդ ֆինանսական տարվա համար համաձայնեցված բյուջեի բացակայության պատճառով (այսպես կոչված, կառավարության «շաթդաուն»):

«Շուկայական տրամադրությունները ԱՄՆ-ի տոկոսադրույքի իջեցման և կառավարության շարունակական անաշխատունակության շուրջ նպաստում են ոսկու գնաճին: Սակայն 4 հազար դոլարի մակարդակում շահույթ գրանցելու գայթակղությունը պոտենցիալ կարճաժամկետ ռիսկ է ներկայացնում», - Reuters գործակալությունը մեջբերում է KCM Trade-ի վերլուծաբան Թիմ Ուոթերերի կարծիքը։

«Շաթդաունը», այդ թվում, խախտում է մակրոտնտեսական վիճակագրության շրջանառությունը։ Այսպես, նախօրեին նախատեսված էր հրապարակել ԱՄՆ արտաքին առևտրային հաշվեկշռի մասին տվյալները, ինչը տեղի չունեցավ։ Իսկ մակրոստատիստիկան, այդ թվում, հաշվի է առնվում ԱՄՆ Դաշնային պահուստային համակարգի կողմից դրամավարկային քաղաքականության վերաբերյալ որոշումներ կայացնելիս։