Նոյեմբերի 15, 2025
Արցախից բռնի տեղահանվածներից քանի՞սն են ՀՀ քաղաքացիություն ստացել
Լեռնային Ղարաբաղից տեղահանված ավելի քան 12 500 անձ ՀՀ քաղաքացիություն է ստացել։ Տեղեկությունը հայտնում է ՀՀ ՆԳՆ միգրացիայի և քաղաքացիության ծառայությունը` պատասխանելով Spuntik Արմենիայի հարցմանը։
«Հոկտեմբերի 1-ի տվյալով` Լեռնային Ղարաբաղից տեղահանված 19 246 անձ դիմել է ՀՀ քաղաքացիություն ստանալու համար։ ՀՀ նախագահի հրամանագրով քաղաքացիություն է շնորհվել 12 564 անձի»,- հայտնեցին գերատեսչությունից։
Սեպտեմբերի 26-ի դրությամբ՝ 6778 անչափահասի է ՀՀ քաղաքացիություն տրվել (այն հիմքով, որ քաղաքացիությունն ընդունել են նրանց ծնողները)։
Ընդհանուր առմամբ ՀՀ քաղաքացիություն է ստացել մոտ 20 հազար բռնի տեղահանված, այդ թվում՝ երեխաները։
Նշենք, որ սեպտեմբերի 5-ին ՀՀ ԱԺ պաշտպանության և անվտանգության հարցերի մշտական հանձնաժողովի նիստի ժամանակ ՀՀ ներքին գործերի նախարարի տեղակալ Արմեն Ղազարյանը հիշեցրեց, որ ԼՂ–ից տեղահանված անձանց համար քաղաքացիություն ստանալու գործընթացը պարզեցված է։ Նրա խոսքով՝ սովորաբար քաղաքացիություն ստանալը տևում է առնվազն 90 օր, իսկ ԼՂ բնակիչների համար առավելագույնը 2 ամսում է լինում։
ՀՀ ներքին գործերի նախարարության միգրացիայի և քաղաքացիության ծառայության տվյալներով՝ 2023 թվականի սեպտեմբերից հետո Արցախից 115 365 մարդ է բռնի տեղահանվել։
Latest from Live24
- Դոլարը թանկացել է, ռուբլին ու եվրոն կայուն են․ Տարադրամի փոխարժեքներն այսօր
- Թրամփը ստորագրել է տավարի, բանանի, սուրճի և լոլիկի ներկրման մաքսատուրքերի նվազեցման մասին օրենքը
- Ուկրաինայում օդային տագնապ է հայտարարվել
- Կոլումբիան հարվածներ է հասցրել Վենեսուելայի սահմանի մոտ
- Աշխարհը դեպի դժոխք տանող ճանապարհին է․ Ռիտեր
- Չինաստանն ստեղծում է «ստվերային նավատորմ»՝ ռուսական գազ գնելու համար. Bloomberg
- Առանձին շրջաններում սպասվում են կարճատև տեղումներ. եղանակի տեսություն
- Աբովյան քաղաքում 24–ամյա երիտասարդի սպանության մեջ կասկածվողները ձերբակալվել են
Լրահոս
Prev
Next
Ֆոտո
