«Թուրքիան առաջին քայլն է անում թյուրքական պետությունների հետ միասնական այբուբենի ստեղծման ուղղությամբ». Էրդողան
Թուրքիայի նախագահ Ռեջեփ Թայիփ Էրդողանը հոկտեմբերի 7-ին «Թյուրքական պետությունների կազմակերպության» (ԹՊԿ) 12-րդ գագաթնաժողովում հայտարարել է, որ Անկարան նախաձեռնում է առաջին քայլը թուրքական պետությունների միջև միասնական այբուբենի ստեղծման ուղղությամբ։ Այս մասին տեղեկացնում է ermenihaber.am-ը։
«Թուրքիան առաջին քայլն է անում միասնական այբուբենի հարցում: Մենք արդեն տպագրում ենք Չինգիզ Այթմաթովի մասին գիրք և «Օղուզնամե»-ները միասնական այբուբենով։ Այսօր դրանցից մեկական օրինակ եմ նվիրում բոլոր առաջնորդներին»,–ասել է Էրդողանը:
«Օղուզնամե»-ն պատմական-առասպելական պատմությունների ամբողջություն է, որոնք ներկայացնում են Օղուզ Խանի՝ թուրքական ժողովուրդների առասպելական նախահոր և հերոսի կյանքը, նրա հաղթանակներն ու ազգերի ստեղծման պատմությունը։
Բացի այդ, Թուրքիայի նախագահը շնորհակալություն է հայտնել Ղրղզստանի նախագահ Սադիր Ժապարովին՝ ԹՊԿ-ի նախագահության ընթացքում ունեցած ներդրման համար, ինչպես նաև բարձր է գնահատել Ադրբեջանի նախագահ Իլհամ Ալիևի հյուրընկալությունը Գաբալայում անցկացվող գագաթնաժողովի շրջանակում։
Latest from Live24
- Աշխարհը դեպի դժոխք տանող ճանապարհին է․ Ռիտեր
- Չինաստանն ստեղծում է «ստվերային նավատորմ»՝ ռուսական գազ գնելու համար. Bloomberg
- Առանձին շրջաններում սպասվում են կարճատև տեղումներ. եղանակի տեսություն
- Աբովյան քաղաքում 24–ամյա երիտասարդի սպանության մեջ կասկածվողները ձերբակալվել են
- Միասնական աղոթքից հետո Իրանի պետական հեռուստաընկերությունը հայտնել է մոտալուտ անձրևի մասին
- Հայտնի է` ովքեր կսպասարկեն Պորտուգալիա – Հայաստան հանդիպումը
- Ռուսաստանը կարող է համագործակցել Հնդկաստանի հետ՝ անօդաչու տեխնոլոգիաների ոլորտում
- Մարսի քարայրները. հնագույն ջուրը ստեղծել է ապաստաններ կյանքի և մարդկանց համար
Լրահոս
Ֆոտո
