«Իմաստուն քայլ է». Պաղեստինի ազգային վարչակազմը շնորհակալություն է հայտնել Հայաստանին
Պաղեստինի ազգային վարչակազմի (ՊԱՎ) նախագահ Մահմուդ Աբբասի գրասենյակը շնորհակալություն է հայտնել Հայաստանին պաղեստինյան պետության ճանաչման կապակցությամբ։ Տեղեկությունը հայտնում է տեղական ՎԱՖԱ գործակալությունը:
«Հայաստանի իմաստուն քայլը համապատասխանում է երկու պետությունների (իսրայելական և պաղեստինյան) խաղաղ գոյակցություն նախատեսող ծրագրին։ Դա ռազմավարական ընտրություն է, որը պաշտպանում է միջազգային կամքն ու լեգիտիմությունը», – նշված է գրասենյակի հայտարարության մեջ։
ՊԱՎ-ն շնորհակալություն է հայտնում Հայաստանին «այս խիզախ և կարևոր որոշման համար»՝ այն կարևոր քայլ համարելով երկկողմ կապերի ամրապնդման, ինչպես նաև տարածաշրջանում խաղաղության և կայունության համար:
Հիշեցնենք, որ Հայաստանի ԱԳՆ-ն հայտարարել էր, որ երկիրը ճանաչել է Պաղեստինի պետականությունը: Երևանը նշել է, որ անկեղծորեն շահագրգռված է Մերձավոր Արևելքում խաղաղության և կայունության հաստատմամբ, հրեա և պաղեստինցի ժողովուրդների միջև կայուն խաղաղության հաստատմամբ:
Այս տարի ավելի վաղ Պաղեստինը ճանաչել էին Սլովենիան, Իռլանդիան, Իսպանիան և Նորվեգիան:
2023 թվականի հոկտեմբերի 7-ին ՀԱՄԱՍ արմատական խմբավորումը հարձակում է գործել Իսրայելի վրա։ Ի պատասխան՝ Իսրայելը Գազայի հատվածում ռազմական գործողություն է սկսել ՀԱՄԱՍ-ի դեմ, որը շարունակվում է մինչ օրս։
Latest from Live24
- Եթե լսեք՝ միջանցքը տվել ենք, չհավատաք. «Հրապարակ»
- Սիրիայի հարավում ռшզմшկան գործողությունները դադարեցնելու համաձայնություն է ձեռք բերվել
- Արևմտյան «փիառի» փուչիկը. «Փաստ»
- Սյունիքով անցնելիք ճանապարհի թնջուկն ու սարդոստայնը. «Փաստ»
- Փաշինյանը նշել է, որ ուշքի գա, բայց ապարդյուն. «Ժողովուրդ»
- Փաշինյանը ծանր կացության մեջ է հայտնվել. «Հրապարակ»
- Եգիպտոսը միանում է 5-րդ սերնդի թուրքական KAAN կործանիչների արտադրությանը
- Իսրայելի և Սիրիայի միջև լարվածությունը կավարտվի առաջիկա ժամերին․ ԱՄՆ պետքարտուղար
Լրահոս
Ֆոտո
