Քնի մեջ անընդհատ ասում էր՝ «Խոջավենդ չի, Մարտունի ա»․ նոր մանրամասներ Աբրահամ Գասպարյանի առողջական վիճակից
Genesis Armenia ուղեղային կենտրոնի հիմնադիր Աբրահամ Գասպարյանի կինը՝ լրագրող Արփի Հարությունյանը, ներկայացրել է Գասպարյանի վիճակը՝ այս պահի դրությամբ։
«Էսօր ավելի հաճախ ցավազրկեցին Աբրահամին։ Քնի մեջ էլ անընդհատ խոսում էր։ Ասում էր՝ «Խոջավենդ չի, Մարտունի ա»։ Հետո վեր թռավ, կողոսկրերի ցավից չէր կարողանում շնչել։ Կերակուրից էլ հրաժարվեց։ Մի քանի գդալ ապուր միայն կերավ։ Ցավն էսօր ուրիշ էր՝ ծանր ու չընդհատվող։ Բժիշկները որոշեցին, որ դեռ կշարունակի մնալ հիվանդանոցում։
Մոտ 100 այցելու է այսօր եկել, այդ թվում՝ անծանոթներ։
Գևն էսօր քննության էր։ Րոպեներն էր հաշվում, որ ավարտի, գա՝ հայրիկին տեսնելու։ Նախօրեին տատիկին ասել էր՝ դուռը փակեք, մի քիչ մենակ եմ ուզում մնալ. հայրիկի արնաշաղախ ֆոտոներն էր տեսել։ Գևը սովորաբար սենյակում փակվում է, երբ վիրավորված է լինում։
Ի դեպ, Աբրահամի հեռախոսը դեռ չի գտնվել։ Գողացել են։ Ամենայն հավանականությամբ՝ մի կարմրաբերետ կամ ոստիկան։ Զանգերից մեկին պատասխանած տղամարդը, որը հետո անպատասխան թողեց բոլոր զանգերը, ներկայացել էր որպես ոստիկան ու, իբրև թե, Սիրահարների այգում սպասում էր, որ մոտենանք, վերցնենք»,- գրել է նա։
Հիշեցնենք՝ Աբրահամ Գասպարյանին հոսպիտալացրել են: Բերման ենթարկելու ընթացքում նրան դաժան ծեծի են ենթարկել, ինչի հետևանքով Գասպարյանի մոտ գլխուղեղի ցնցում է ախտորոշվել, նաև կողոսկրերն են կոտրվել:
Latest from Live24
- Ադրբեջանցիները օկուպացված Ստեփանակերտում ոչնչացրել են Այվազովսկու արձանը
- Ուկրաինան շատ մոտ է Ռուսաստանի խորքը հարվածելու համար բալիստիկ հրթիռներ ստեղծելուն. Շմիգալ
- ԱՄՆ-ն ու Հարավային Կորեան միջուկային պատերազմի են պատրաստվում․ ԿԺԴՀ
- Թուրքիայի ու Ադրբեջանի համար «միջանցքը» ամբողջ Սյունիքն է, ճանապարհը սողացող նվաճման առաջին քայլն է, ընդհանուր սահման են ուզում․ Վարուժան Գեղամյան (տեսանյութ)
- Ջրվեժի կամրջի մոտ բախվել են «Opel»-ն ու «Mercedes»-ը․ վերջինս մի քանի մետր թռնելով՝ կամրջի տակ բախվել «Chevrolet»-ին
- Կամչատկայում երկրորդ երկրաշարժն է տեղի է ունեցել
- Մեծ Բրիտանիան հայտնել է օդանավակայաններում խոշոր խափանումների մասին
- Իրանը փաստացի իր վերահսկողության տակ է վերցնում այսպես կոչված «Զանգեզուրի միջանցքը». Sepah Pasdaran
Լրահոս
Ֆոտո
